| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੬੬. ਪਟਿਸਾਰਣੀਯਕਮ੍ਮਪਟਿਪ੍ਪਸ੍ਸਦ੍ਧਿਕਥਾ
266. Paṭisāraṇīyakammapaṭippassaddhikathā
੪੪੭. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਙ੍ਘੇਨ ਪਟਿਸਾਰਣੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਟਿਸਾਰਣੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਸਙ੍ਘੇਨ ਪਟਿਸਾਰਣੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਟਿਸਾਰਣੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਹਨ੍ਦਸ੍ਸ ਮਯਂ ਪਟਿਸਾਰਣੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਮਾ’’ਤਿ। ਤੇ ਤਸ੍ਸ ਪਟਿਸਾਰਣੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਨ੍ਤਿ – ਅਧਮ੍ਮੇਨ વਗ੍ਗਾ…ਪੇ॰… ਅਧਮ੍ਮੇਨ ਸਮਗ੍ਗਾ… ਧਮ੍ਮੇਨ વਗ੍ਗਾ… ਧਮ੍ਮਪਤਿਰੂਪਕੇਨ વਗ੍ਗਾ… ਧਮ੍ਮਪਤਿਰੂਪਕੇਨ ਸਮਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ , ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ। ਇਮੇਪਿ ਪਞ੍ਚ વਾਰਾ ਸਂਖਿਤ੍ਤਾ।
447. Idha pana, bhikkhave, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Handassa mayaṃ paṭisāraṇīyakammaṃ paṭippassambhemā’’ti. Te tassa paṭisāraṇīyakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ , dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti. Ime tattha bhikkhū dhammavādino. Imepi pañca vārā saṃkhittā.
ਪਟਿਸਾਰਣੀਯਕਮ੍ਮਪਟਿਪ੍ਪਸ੍ਸਦ੍ਧਿਕਥਾ ਨਿਟ੍ਠਿਤਾ।
Paṭisāraṇīyakammapaṭippassaddhikathā niṭṭhitā.
