| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. бадисааран̣ийяасуд̇д̇ам̣
9. Paṭisāraṇīyasuttaṃ
89. 1 ‘‘адтахи, бхигкавз, д̇хаммзхи саманнааг̇ад̇асса бхигкуно ааган̇камаано сан̇гхо бадисааран̣ийяагаммам̣ гарзяяа. гад̇амзхи адтахи? г̇ихийнам̣ алаабхааяа барисаггад̇и, г̇ихийнам̣ анад̇т̇ааяа барисаггад̇и, г̇ихий аггосад̇и барибхаасад̇и, г̇ихий г̇ихийхи бхзд̣̇зд̇и, б̣уд̣̇д̇хасса аван̣н̣ам̣ бхаасад̇и, д̇хаммасса аван̣н̣ам̣ бхаасад̇и, сан̇гхасса аван̣н̣ам̣ бхаасад̇и, д̇хаммиган̃жа г̇ихибадиссавам̣ на сажжаабзд̇и. имзхи ко, бхигкавз, адтахи д̇хаммзхи саманнааг̇ад̇асса бхигкуно ааган̇камаано сан̇гхо бадисааран̣ийяам̣ гаммам̣ гарзяяа.
89.2 ‘‘Aṭṭhahi, bhikkhave, dhammehi samannāgatassa bhikkhuno ākaṅkhamāno saṅgho paṭisāraṇīyakammaṃ kareyya. Katamehi aṭṭhahi? Gihīnaṃ alābhāya parisakkati, gihīnaṃ anatthāya parisakkati, gihī akkosati paribhāsati, gihī gihīhi bhedeti, buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati, dhammikañca gihipaṭissavaṃ na saccāpeti. Imehi kho, bhikkhave, aṭṭhahi dhammehi samannāgatassa bhikkhuno ākaṅkhamāno saṅgho paṭisāraṇīyaṃ kammaṃ kareyya.
‘‘адтахи, бхигкавз, д̇хаммзхи саманнааг̇ад̇асса бхигкуно ааган̇камаано сан̇гхо бадисааран̣ийяагаммам̣ бадиббассамбхзяяа. гад̇амзхи адтахи? на г̇ихийнам̣ алаабхааяа барисаггад̇и, на г̇ихийнам̣ анад̇т̇ааяа барисаггад̇и, на г̇ихий аггосад̇и барибхаасад̇и, на г̇ихий г̇ихийхи бхзд̣̇зд̇и, б̣уд̣̇д̇хасса ван̣н̣ам̣ бхаасад̇и, д̇хаммасса ван̣н̣ам̣ бхаасад̇и, сан̇гхасса ван̣н̣ам̣ бхаасад̇и, д̇хаммиган̃жа г̇ихибадиссавам̣ сажжаабзд̇и . имзхи ко, бхигкавз, адтахи д̇хаммзхи саманнааг̇ад̇асса бхигкуно ааган̇камаано сан̇гхо бадисааран̣ийяагаммам̣ бадиббассамбхзяяаа’’д̇и. навамам̣.
‘‘Aṭṭhahi, bhikkhave, dhammehi samannāgatassa bhikkhuno ākaṅkhamāno saṅgho paṭisāraṇīyakammaṃ paṭippassambheyya. Katamehi aṭṭhahi? Na gihīnaṃ alābhāya parisakkati, na gihīnaṃ anatthāya parisakkati, na gihī akkosati paribhāsati, na gihī gihīhi bhedeti, buddhassa vaṇṇaṃ bhāsati, dhammassa vaṇṇaṃ bhāsati, saṅghassa vaṇṇaṃ bhāsati, dhammikañca gihipaṭissavaṃ saccāpeti . Imehi kho, bhikkhave, aṭṭhahi dhammehi samannāgatassa bhikkhuno ākaṅkhamāno saṅgho paṭisāraṇīyakammaṃ paṭippassambheyyā’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. бадисааран̣ийяасуд̇д̇аван̣н̣анаа • 9. Paṭisāraṇīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā
