| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੧੮. ਪਟਿਸ੍ਸવਦੁਕ੍ਕਟਾਪਤ੍ਤਿ
118. Paṭissavadukkaṭāpatti
੨੦੬. ਤੇਨ ਖੋ ਪਨ ਸਮਯੇਨ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਅਦ੍ਦਸ ਅਨ੍ਤਰਾਮਗ੍ਗੇ ਦ੍વੇ ਆવਾਸੇ ਬਹੁਚੀવਰਕੇ। ਤਸ੍ਸ ਏਤਦਹੋਸਿ – ‘‘ਯਂਨੂਨਾਹਂ ਇਮੇਸੁ ਦ੍વੀਸੁ ਆવਾਸੇਸੁ વਸ੍ਸਂ વਸੇਯ੍ਯਂ। ਏવਂ ਮੇ ਬਹੁਂ ਚੀવਰਂ 1 ਉਪ੍ਪਜ੍ਜਿਸ੍ਸਤੀ’’ਤਿ। ਸੋ ਤੇਸੁ ਦ੍વੀਸੁ ਆવਾਸੇਸੁ વਸ੍ਸਂ વਸਿ। ਰਾਜਾ ਪਸੇਨਦਿ ਕੋਸਲੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਪਨਨ੍ਦੋ ਸਕ੍ਯਪੁਤ੍ਤੋ ਅਮ੍ਹਾਕਂ વਸ੍ਸਾવਾਸਂ ਪਟਿਸ੍ਸੁਣਿਤ੍વਾ વਿਸਂવਾਦੇਸ੍ਸਤਿ। ਨਨੁ ਭਗવਤਾ ਅਨੇਕਪਰਿਯਾਯੇਨ ਮੁਸਾવਾਦੋ ਗਰਹਿਤੋ, ਮੁਸਾવਾਦਾ વੇਰਮਣੀ ਪਸਤ੍ਥਾ’’ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ વਿਪਾਚੇਨ੍ਤਸ੍ਸ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ વਸ੍ਸਾવਾਸਂ ਪਟਿਸ੍ਸੁਣਿਤ੍વਾ વਿਸਂવਾਦੇਸ੍ਸਤਿ। ਨਨੁ ਭਗવਤਾ ਅਨੇਕਪਰਿਯਾਯੇਨ ਮੁਸਾવਾਦੋ ਗਰਹਿਤੋ, ਮੁਸਾવਾਦਾ વੇਰਮਣੀ ਪਸਤ੍ਥਾ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍વਂ, ਉਪਨਨ੍ਦ, ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ વਸ੍ਸਾવਾਸਂ ਪਟਿਸ੍ਸੁਣਿਤ੍વਾ વਿਸਂવਾਦੇਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ વਸ੍ਸਾવਾਸਂ ਪਟਿਸ੍ਸੁਣਿਤ੍વਾ વਿਸਂવਾਦੇਸ੍ਸਸਿ। ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਮੁਸਾવਾਦੋ ਗਰਹਿਤੋ, ਮੁਸਾવਾਦਾ વੇਰਮਣੀ ਪਸਤ੍ਥਾ। ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
206. Tena kho pana samayena āyasmatā upanandena sakyaputtena rañño pasenadissa kosalassa vassāvāso paṭissuto hoti purimikāya. So taṃ āvāsaṃ gacchanto addasa antarāmagge dve āvāse bahucīvarake. Tassa etadahosi – ‘‘yaṃnūnāhaṃ imesu dvīsu āvāsesu vassaṃ vaseyyaṃ. Evaṃ me bahuṃ cīvaraṃ 2 uppajjissatī’’ti. So tesu dvīsu āvāsesu vassaṃ vasi. Rājā pasenadi kosalo ujjhāyati khiyyati vipāceti – ‘‘kathañhi nāma ayyo upanando sakyaputto amhākaṃ vassāvāsaṃ paṭissuṇitvā visaṃvādessati. Nanu bhagavatā anekapariyāyena musāvādo garahito, musāvādā veramaṇī pasatthā’’ti. Assosuṃ kho bhikkhū rañño pasenadissa kosalassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto rañño pasenadissa kosalassa vassāvāsaṃ paṭissuṇitvā visaṃvādessati. Nanu bhagavatā anekapariyāyena musāvādo garahito, musāvādā veramaṇī pasatthā’’ti. Atha kho te bhikkhū bhagavato etamatthaṃ ārocesuṃ…pe… atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ upanandaṃ sakyaputtaṃ paṭipucchi – ‘‘saccaṃ kira tvaṃ, upananda, rañño pasenadissa kosalassa vassāvāsaṃ paṭissuṇitvā visaṃvādesī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, rañño pasenadissa kosalassa vassāvāsaṃ paṭissuṇitvā visaṃvādessasi. Nanu mayā, moghapurisa, anekapariyāyena musāvādo garahito, musāvādā veramaṇī pasatthā. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
੨੦੭. ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਪਸ੍ਸਤਿ ਅਨ੍ਤਰਾਮਗ੍ਗੇ ਦ੍વੇ ਆવਾਸੇ ਬਹੁਚੀવਰਕੇ। ਤਸ੍ਸ ਏવਂ ਹੋਤਿ – ‘‘ਯਂਨੂਨਾਹਂ ਇਮੇਸੁ ਦ੍વੀਸੁ ਆવਾਸੇਸੁ વਸ੍ਸਂ વਸੇਯ੍ਯਂ। ਏવਂ ਮੇ ਬਹੁਂ ਚੀવਰਂ ਉਪ੍ਪਜ੍ਜਿਸ੍ਸਤੀ’’ਤਿ। ਸੋ ਤੇਸੁ ਦ੍વੀਸੁ ਆવਾਸੇਸੁ વਸ੍ਸਂ વਸਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
207. Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto passati antarāmagge dve āvāse bahucīvarake. Tassa evaṃ hoti – ‘‘yaṃnūnāhaṃ imesu dvīsu āvāsesu vassaṃ vaseyyaṃ. Evaṃ me bahuṃ cīvaraṃ uppajjissatī’’ti. So tesu dvīsu āvāsesu vassaṃ vasati. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ 3 વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਅਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade 4 vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva akaraṇīyo pakkamati. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਸਕਰਣੀਯੋ ਪਕ੍ਕਮਤਿ। ਤਸ੍ਸ , ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva sakaraṇīyo pakkamati. Tassa , bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਅਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā akaraṇīyo pakkamati. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sakaraṇīyo pakkamati. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਬਹਿਦ੍ਧਾ વੀਤਿਨਾਮੇਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sattāhakaraṇīyena pakkamati. So taṃ sattāhaṃ bahiddhā vītināmeti. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ । ਸੋ ਤਂ ਸਤ੍ਤਾਹਂ ਅਨ੍ਤੋ ਸਨ੍ਨਿવਤ੍ਤਂ ਕਰੋਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sattāhakaraṇīyena pakkamati . So taṃ sattāhaṃ anto sannivattaṃ karoti. Tassa, bhikkhave, bhikkhuno purimikā ca paññāyati, paṭissave ca anāpatti.
ਇਧ ਪਨ, ਭਿਕ੍ਖવੇ , ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ , ਪਰਿવੇਣਂ ਸਮ੍ਮਜ੍ਜਤਿ। ਸੋ ਸਤ੍ਤਾਹਂ ਅਨਾਗਤਾਯ ਪવਾਰਣਾਯ ਸਕਰਣੀਯੋ ਪਕ੍ਕਮਤਿ। ਆਗਚ੍ਛੇਯ੍ਯ વਾ ਸੋ, ਭਿਕ੍ਖવੇ, ਭਿਕ੍ਖੁ ਤਂ ਆવਾਸਂ ਨ વਾ ਆਗਚ੍ਛੇਯ੍ਯ, ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave , bhikkhunā vassāvāso paṭissuto hoti purimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti , pariveṇaṃ sammajjati. So sattāhaṃ anāgatāya pavāraṇāya sakaraṇīyo pakkamati. Āgaccheyya vā so, bhikkhave, bhikkhu taṃ āvāsaṃ na vā āgaccheyya, tassa, bhikkhave, bhikkhuno purimikā ca paññāyati, paṭissave ca anāpatti.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਨ੍ਤ੍વਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਅਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gantvā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva akaraṇīyo pakkamati. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪੁਰਿਮਿਕਾਯ। ਸੋ ਤਂ ਆવਾਸਂ ਗਨ੍ਤ੍વਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਸਕਰਣੀਯੋ ਪਕ੍ਕਮਤਿ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਅਕਰਣੀਯੋ ਪਕ੍ਕਮਤਿ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਕਰਣੀਯੋ ਪਕ੍ਕਮਤਿ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਬਹਿਦ੍ਧਾ વੀਤਿਨਾਮੇਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਅਨ੍ਤੋ ਸਨ੍ਨਿવਤ੍ਤਂ ਕਰੋਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ…ਪੇ॰… ਸੋ ਸਤ੍ਤਾਹਂ ਅਨਾਗਤਾਯ ਪવਾਰਣਾਯ ਸਕਰਣੀਯੋ ਪਕ੍ਕਮਤਿ। ਆਗਚ੍ਛੇਯ੍ਯ વਾ ਸੋ, ਭਿਕ੍ਖવੇ, ਭਿਕ੍ਖੁ ਤਂ ਆવਾਸਂ ਨ વਾ ਆਗਚ੍ਛੇਯ੍ਯ, ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪੁਰਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave, bhikkhunā vassāvāso paṭissuto hoti purimikāya. So taṃ āvāsaṃ gantvā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva sakaraṇīyo pakkamati…pe… so dvīhatīhaṃ vasitvā akaraṇīyo pakkamati…pe… so dvīhatīhaṃ vasitvā sakaraṇīyo pakkamati…pe… so dvīhatīhaṃ vasitvā sattāhakaraṇīyena pakkamati. So taṃ sattāhaṃ bahiddhā vītināmeti. Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa…pe… so dvīhatīhaṃ vasitvā sattāhakaraṇīyena pakkamati. So taṃ sattāhaṃ anto sannivattaṃ karoti. Tassa, bhikkhave, bhikkhuno purimikā ca paññāyati, paṭissave ca anāpatti…pe… so sattāhaṃ anāgatāya pavāraṇāya sakaraṇīyo pakkamati. Āgaccheyya vā so, bhikkhave, bhikkhu taṃ āvāsaṃ na vā āgaccheyya, tassa, bhikkhave, bhikkhuno purimikā ca paññāyati, paṭissave ca anāpatti.
੨੦੮. ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਅਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
208. Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva akaraṇīyo pakkamati. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਸਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva sakaraṇīyo pakkamati. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਅਕਰਣੀਯੋ ਪਕ੍ਕਮਤਿ । ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā akaraṇīyo pakkamati . Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sakaraṇīyo pakkamati. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਬਹਿਦ੍ਧਾ વੀਤਿਨਾਮੇਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sattāhakaraṇīyena pakkamati. So taṃ sattāhaṃ bahiddhā vītināmeti. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਅਨ੍ਤੋ ਸਨ੍ਨਿવਤ੍ਤਂ ਕਰੋਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So dvīhatīhaṃ vasitvā sattāhakaraṇīyena pakkamati. So taṃ sattāhaṃ anto sannivattaṃ karoti. Tassa, bhikkhave, bhikkhuno pacchimikā ca paññāyati, paṭissave ca anāpatti.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਚ੍ਛਨ੍ਤੋ ਬਹਿਦ੍ਧਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਸਤ੍ਤਾਹਂ ਅਨਾਗਤਾਯ ਕੋਮੁਦਿਯਾ ਚਾਤੁਮਾਸਿਨਿਯਾ ਸਕਰਣੀਯੋ ਪਕ੍ਕਮਤਿ। ਆਗਚ੍ਛੇਯ੍ਯ વਾ ਸੋ, ਭਿਕ੍ਖવੇ, ਭਿਕ੍ਖੁ ਤਂ ਆવਾਸਂ ਨ વਾ ਆਗਚ੍ਛੇਯ੍ਯ, ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gacchanto bahiddhā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So sattāhaṃ anāgatāya komudiyā cātumāsiniyā sakaraṇīyo pakkamati. Āgaccheyya vā so, bhikkhave, bhikkhu taṃ āvāsaṃ na vā āgaccheyya, tassa, bhikkhave, bhikkhuno pacchimikā ca paññāyati, paṭissave ca anāpatti.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਨ੍ਤ੍વਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਅਕਰਣੀਯੋ ਪਕ੍ਕਮਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gantvā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva akaraṇīyo pakkamati. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਨ੍ਤ੍વਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਤਦਹੇવ ਸਕਰਣੀਯੋ ਪਕ੍ਕਮਤਿ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਅਕਰਣੀਯੋ ਪਕ੍ਕਮਤਿ …ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਕਰਣੀਯੋ ਪਕ੍ਕਮਤਿ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਬਹਿਦ੍ਧਾ વੀਤਿਨਾਮੇਤਿ। ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਨ ਪਞ੍ਞਾਯਤਿ, ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਸੋ ਦ੍વੀਹਤੀਹਂ વਸਿਤ੍વਾ ਸਤ੍ਤਾਹਕਰਣੀਯੇਨ ਪਕ੍ਕਮਤਿ। ਸੋ ਤਂ ਸਤ੍ਤਾਹਂ ਅਨ੍ਤੋ ਸਨ੍ਨਿવਤ੍ਤਂ ਕਰੋਤਿ। ਤਸ੍ਸ ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤਿ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gantvā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So tadaheva sakaraṇīyo pakkamati…pe… so dvīhatīhaṃ vasitvā akaraṇīyo pakkamati …pe… so dvīhatīhaṃ vasitvā sakaraṇīyo pakkamati…pe… so dvīhatīhaṃ vasitvā sattāhakaraṇīyena pakkamati. So taṃ sattāhaṃ bahiddhā vītināmeti. Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa…pe… so dvīhatīhaṃ vasitvā sattāhakaraṇīyena pakkamati. So taṃ sattāhaṃ anto sannivattaṃ karoti. Tassa bhikkhave, bhikkhuno pacchimikā ca paññāyati, paṭissave ca anāpatti.
ਇਧ ਪਨ, ਭਿਕ੍ਖવੇ, ਭਿਕ੍ਖੁਨਾ વਸ੍ਸਾવਾਸੋ ਪਟਿਸ੍ਸੁਤੋ ਹੋਤਿ ਪਚ੍ਛਿਮਿਕਾਯ। ਸੋ ਤਂ ਆવਾਸਂ ਗਨ੍ਤ੍વਾ ਉਪੋਸਥਂ ਕਰੋਤਿ, ਪਾਟਿਪਦੇ વਿਹਾਰਂ ਉਪੇਤਿ, ਸੇਨਾਸਨਂ ਪਞ੍ਞਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ, ਪਰਿવੇਣਂ ਸਮ੍ਮਜ੍ਜਤਿ। ਸੋ ਸਤ੍ਤਾਹਂ ਅਨਾਗਤਾਯ ਕੋਮੁਦਿਯਾ ਚਾਤੁਮਾਸਿਨਿਯਾ ਸਕਰਣੀਯੋ ਪਕ੍ਕਮਤਿ। ਆਗਚ੍ਛੇਯ੍ਯ વਾ ਸੋ, ਭਿਕ੍ਖવੇ, ਭਿਕ੍ਖੁ ਤਂ ਆવਾਸਂ ਨ વਾ ਆਗਚ੍ਛੇਯ੍ਯ, ਤਸ੍ਸ, ਭਿਕ੍ਖવੇ, ਭਿਕ੍ਖੁਨੋ ਪਚ੍ਛਿਮਿਕਾ ਚ ਪਞ੍ਞਾਯਤਿ, ਪਟਿਸ੍ਸવੇ ਚ ਅਨਾਪਤ੍ਤੀਤਿ।
Idha pana, bhikkhave, bhikkhunā vassāvāso paṭissuto hoti pacchimikāya. So taṃ āvāsaṃ gantvā uposathaṃ karoti, pāṭipade vihāraṃ upeti, senāsanaṃ paññapeti, pānīyaṃ paribhojanīyaṃ upaṭṭhāpeti, pariveṇaṃ sammajjati. So sattāhaṃ anāgatāya komudiyā cātumāsiniyā sakaraṇīyo pakkamati. Āgaccheyya vā so, bhikkhave, bhikkhu taṃ āvāsaṃ na vā āgaccheyya, tassa, bhikkhave, bhikkhuno pacchimikā ca paññāyati, paṭissave ca anāpattīti.
ਪਟਿਸ੍ਸવਦੁਕ੍ਕਟਾਪਤ੍ਤਿ ਨਿਟ੍ਠਿਤਾ।
Paṭissavadukkaṭāpatti niṭṭhitā.
વਸ੍ਸੂਪਨਾਯਿਕਕ੍ਖਨ੍ਧਕੋ ਤਤਿਯੋ।
Vassūpanāyikakkhandhako tatiyo.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਧਮ੍ਮਿਕਕਤਿਕਾਦਿਕਥਾ • Adhammikakatikādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਟਿਸ੍ਸવਦੁਕ੍ਕਟਾਪਤ੍ਤਿਕਥਾવਣ੍ਣਨਾ • Paṭissavadukkaṭāpattikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੮. ਪਟਿਸ੍ਸવਦੁਕ੍ਕਟਾਪਤ੍ਤਿਕਥਾ • 118. Paṭissavadukkaṭāpattikathā
