| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
118. படிஸ்ஸவது³க்கடாபத்திகதா²
118. Paṭissavadukkaṭāpattikathā
207. படிஸ்ஸவே ஆபத்தி து³க்கடஸ்ஸாதி எத்த² கிங் வஸ்ஸாவாஸபடிஸ்ஸுதேயேவ து³க்கடாபத்தி ஹோதீதி ஆஹ ‘‘ந கேவல’’ந்திஆதி³. ஏதஸ்ஸேவாதி வஸ்ஸாவாஸஸ்ஸேவ. ஏவமாதி³னாபீதி பிஸத்³தோ³ ‘‘படிஸ்ஸவே’’தி எத்த² யோஜேதப்³போ³. ‘‘படிஸ்ஸவேபீ’’தி ஹி அத்தோ². தஸ்ஸ தஸ்ஸாதி கம்மஸ்ஸ. தஞ்ச கோ²தி தஞ்ச து³க்கடங் விஸங்வாத³னபச்சயா ஹோதீதி யோஜனா. பட²மம்பீதி பிஸத்³தோ³ ‘‘பச்சா²பீ’’தி பத³ங் ஸம்பிண்டே³தி. பட²மம்பி ஹி பாசித்தியங், பச்சா²பி து³க்கடந்தி அத்தோ².
207.Paṭissave āpatti dukkaṭassāti ettha kiṃ vassāvāsapaṭissuteyeva dukkaṭāpatti hotīti āha ‘‘na kevala’’ntiādi. Etassevāti vassāvāsasseva. Evamādināpīti pisaddo ‘‘paṭissave’’ti ettha yojetabbo. ‘‘Paṭissavepī’’ti hi attho. Tassa tassāti kammassa. Tañca khoti tañca dukkaṭaṃ visaṃvādanapaccayā hotīti yojanā. Paṭhamampīti pisaddo ‘‘pacchāpī’’ti padaṃ sampiṇḍeti. Paṭhamampi hi pācittiyaṃ, pacchāpi dukkaṭanti attho.
ஸோ தத³ஹேவ அகரணீயோதிஆதீ³ஸு ஏவங் வினிச்ச²யோ வேதி³தப்³போ³தி யோஜனா. புரிமிகா ச ந பஞ்ஞாயதீதி எத்த² புரே ப⁴வா புரிமா, ஸா ஏவ புரிமிகா, பாடிபத³திதீ². நானாஸீமாய த்³வீஸு ஆவாஸேஸு வஸ்ஸங் உபக³ச்ச²ந்தஸ்ஸ து³தியே ‘‘வஸிஸ்ஸாமீ’’தி பட²மாவாஸஸ்ஸ உபசாரதோ நிக்க²ந்தமத்தே பட²மஸேனாஸனக்³கா³ஹஸ்ஸ பஸ்ஸம்ப⁴னங் ஸந்தா⁴ய வுத்தங் ‘‘புரிமிகா ச ந பஞ்ஞாயதீ’’தி. அருணங் அனுட்டா²பெத்வாதி வஸ்ஸங் உபக³மனவிஹாரே அருணங் அனுட்டா²பெத்வா. தத³ஹேவாதி தஸ்மிங் வஸ்ஸூபக³மனஅஹனி ஏவ, பக்கந்தஸ்ஸாபீதி ஸம்ப³ந்தோ⁴. பிஸத்³த³ஸ்ஸ க³ரஹத்த²ங் த³ஸ்ஸெந்தோ ஆஹ ‘‘கோ பன வாதோ³’’திஆதி³. ஆலயோதி சித்தஸ்ஸ அல்லீயனங். அஸதியாதி ஸதிபமுட்டே²ன. வஸ்ஸங் ந உபேதீதி ‘‘இமஸ்மிங் விஹாரே இமங் தேமாஸங் வஸ்ஸங் உபேமீ’’தி (மஹாவ॰ அட்ட²॰ 184) வசீபே⁴த³ங் கத்வா வஸ்ஸங் ந உபேதி.
So tadaheva akaraṇīyotiādīsu evaṃ vinicchayo veditabboti yojanā. Purimikā ca na paññāyatīti ettha pure bhavā purimā, sā eva purimikā, pāṭipadatithī. Nānāsīmāya dvīsu āvāsesu vassaṃ upagacchantassa dutiye ‘‘vasissāmī’’ti paṭhamāvāsassa upacārato nikkhantamatte paṭhamasenāsanaggāhassa passambhanaṃ sandhāya vuttaṃ ‘‘purimikā ca na paññāyatī’’ti. Aruṇaṃ anuṭṭhāpetvāti vassaṃ upagamanavihāre aruṇaṃ anuṭṭhāpetvā. Tadahevāti tasmiṃ vassūpagamanaahani eva, pakkantassāpīti sambandho. Pisaddassa garahatthaṃ dassento āha ‘‘ko pana vādo’’tiādi. Ālayoti cittassa allīyanaṃ. Asatiyāti satipamuṭṭhena. Vassaṃ na upetīti ‘‘imasmiṃ vihāre imaṃ temāsaṃ vassaṃ upemī’’ti (mahāva. aṭṭha. 184) vacībhedaṃ katvā vassaṃ na upeti.
ஸத்தாஹந்தி ஸத்தாஹேன, அனாக³தாயாதி ஸம்ப³ந்தோ⁴. நவமிதோதி புப்³ப³கத்திகமாஸஸ்ஸ ஜுண்ஹபக்க²னவமிதோ, பச்சி²மகத்திகமாஸஸ்ஸ ஜுண்ஹபக்க²னவமிதோ வா. மா வா ஆக³ச்ச²து, அனாபத்தீதி வஸ்ஸங்வுத்த²த்தா மா வா ஆக³ச்ச²து, அனாபத்தீதி அத்தோ².
Sattāhanti sattāhena, anāgatāyāti sambandho. Navamitoti pubbakattikamāsassa juṇhapakkhanavamito, pacchimakattikamāsassa juṇhapakkhanavamito vā. Mā vā āgacchatu, anāpattīti vassaṃvutthattā mā vā āgacchatu, anāpattīti attho.
இதி வஸ்ஸூபனாயிகக்க²ந்த⁴கவண்ணனாய யோஜனா ஸமத்தா.
Iti vassūpanāyikakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 118. படிஸ்ஸவது³க்கடாபத்தி • 118. Paṭissavadukkaṭāpatti
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அத⁴ம்மிககதிகாதி³கதா² • Adhammikakatikādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / படிஸ்ஸவது³க்கடாபத்திகதா²வண்ணனா • Paṭissavadukkaṭāpattikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அத⁴ம்மிககதிகாதி³கதா²வண்ணனா • Adhammikakatikādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அத⁴ம்மிககதிகாதி³கதா²வண்ணனா • Adhammikakatikādikathāvaṇṇanā
