| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
118. бадиссавад̣̇уггадаабад̇д̇игат̇аа
118. Paṭissavadukkaṭāpattikathā
207. бадиссавз аабад̇д̇и д̣̇уггадассаад̇и зд̇т̇а гим̣ вассааваасабадиссуд̇зязва д̣̇уггадаабад̇д̇и ход̇ийд̇и ааха ‘‘на гзвала’’нд̇иаад̣̇и. зд̇ассзваад̇и вассааваасассзва. звамаад̣̇инаабийд̇и бисад̣̇д̣̇о ‘‘бадиссавз’’д̇и зд̇т̇а яож̇зд̇аб̣б̣о. ‘‘бадиссавзбий’’д̇и хи ад̇т̇о. д̇асса д̇ассаад̇и гаммасса. д̇ан̃жа код̇и д̇ан̃жа д̣̇уггадам̣ висам̣ваад̣̇анабажжаяаа ход̇ийд̇и яож̇анаа. батамамбийд̇и бисад̣̇д̣̇о ‘‘бажчаабий’’д̇и бад̣̇ам̣ самбин̣д̣зд̇и. батамамби хи баажид̇д̇ияам̣, бажчааби д̣̇уггаданд̇и ад̇т̇о.
207.Paṭissave āpatti dukkaṭassāti ettha kiṃ vassāvāsapaṭissuteyeva dukkaṭāpatti hotīti āha ‘‘na kevala’’ntiādi. Etassevāti vassāvāsasseva. Evamādināpīti pisaddo ‘‘paṭissave’’ti ettha yojetabbo. ‘‘Paṭissavepī’’ti hi attho. Tassa tassāti kammassa. Tañca khoti tañca dukkaṭaṃ visaṃvādanapaccayā hotīti yojanā. Paṭhamampīti pisaddo ‘‘pacchāpī’’ti padaṃ sampiṇḍeti. Paṭhamampi hi pācittiyaṃ, pacchāpi dukkaṭanti attho.
со д̇ад̣̇ахзва агаран̣ийяод̇иаад̣̇ийсу звам̣ винижчаяо взд̣̇ид̇аб̣б̣од̇и яож̇анаа. буримигаа жа на бан̃н̃ааяад̇ийд̇и зд̇т̇а бурз бхаваа буримаа, саа зва буримигаа, баадибад̣̇ад̇ит̇ий. наанаасиймааяа д̣̇вийсу ааваасзсу вассам̣ убаг̇ажчанд̇асса д̣̇уд̇ияз ‘‘васиссаамий’’д̇и батамааваасасса убажаарад̇о нигканд̇амад̇д̇з батамасзнаасанаг̇г̇аахасса бассамбханам̣ санд̇хааяа вуд̇д̇ам̣ ‘‘буримигаа жа на бан̃н̃ааяад̇ий’’д̇и. арун̣ам̣ анудтаабзд̇ваад̇и вассам̣ убаг̇аманавихаарз арун̣ам̣ анудтаабзд̇ваа. д̇ад̣̇ахзваад̇и д̇асмим̣ вассуубаг̇аманаахани зва, багганд̇ассаабийд̇и самб̣анд̇хо. бисад̣̇д̣̇асса г̇арахад̇т̇ам̣ д̣̇ассзнд̇о ааха ‘‘го бана ваад̣̇о’’д̇иаад̣̇и. аалаяод̇и жид̇д̇асса аллийяанам̣. асад̇ияаад̇и сад̇ибамудтзна. вассам̣ на убзд̇ийд̇и ‘‘имасмим̣ вихаарз имам̣ д̇змаасам̣ вассам̣ убзмий’’д̇и (махаава. адта. 184) важийбхзд̣̇ам̣ гад̇ваа вассам̣ на убзд̇и.
So tadaheva akaraṇīyotiādīsu evaṃ vinicchayo veditabboti yojanā. Purimikā ca na paññāyatīti ettha pure bhavā purimā, sā eva purimikā, pāṭipadatithī. Nānāsīmāya dvīsu āvāsesu vassaṃ upagacchantassa dutiye ‘‘vasissāmī’’ti paṭhamāvāsassa upacārato nikkhantamatte paṭhamasenāsanaggāhassa passambhanaṃ sandhāya vuttaṃ ‘‘purimikā ca na paññāyatī’’ti. Aruṇaṃ anuṭṭhāpetvāti vassaṃ upagamanavihāre aruṇaṃ anuṭṭhāpetvā. Tadahevāti tasmiṃ vassūpagamanaahani eva, pakkantassāpīti sambandho. Pisaddassa garahatthaṃ dassento āha ‘‘ko pana vādo’’tiādi. Ālayoti cittassa allīyanaṃ. Asatiyāti satipamuṭṭhena. Vassaṃ na upetīti ‘‘imasmiṃ vihāre imaṃ temāsaṃ vassaṃ upemī’’ti (mahāva. aṭṭha. 184) vacībhedaṃ katvā vassaṃ na upeti.
сад̇д̇ааханд̇и сад̇д̇аахзна, анааг̇ад̇ааяаад̇и самб̣анд̇хо. навамид̇од̇и буб̣б̣агад̇д̇игамаасасса ж̇ун̣хабагканавамид̇о, бажчимагад̇д̇игамаасасса ж̇ун̣хабагканавамид̇о ваа. маа ваа ааг̇ажчад̇у, анаабад̇д̇ийд̇и вассам̣вуд̇т̇ад̇д̇аа маа ваа ааг̇ажчад̇у, анаабад̇д̇ийд̇и ад̇т̇о.
Sattāhanti sattāhena, anāgatāyāti sambandho. Navamitoti pubbakattikamāsassa juṇhapakkhanavamito, pacchimakattikamāsassa juṇhapakkhanavamito vā. Mā vā āgacchatu, anāpattīti vassaṃvutthattā mā vā āgacchatu, anāpattīti attho.
ид̇и вассуубанааяигагканд̇хагаван̣н̣анааяа яож̇анаа самад̇д̇аа.
Iti vassūpanāyikakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 118. бадиссавад̣̇уггадаабад̇д̇и • 118. Paṭissavadukkaṭāpatti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇хаммигагад̇игаад̣̇игат̇аа • Adhammikakatikādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бадиссавад̣̇уггадаабад̇д̇игат̇ааван̣н̣анаа • Paṭissavadukkaṭāpattikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
