| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੧੮. ਪਟਿਸ੍ਸવਦੁਕ੍ਕਟਾਪਤ੍ਤਿਕਥਾ
118. Paṭissavadukkaṭāpattikathā
੨੦੭. ਪਟਿਸ੍ਸવੇ ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਕਿਂ વਸ੍ਸਾવਾਸਪਟਿਸ੍ਸੁਤੇਯੇવ ਦੁਕ੍ਕਟਾਪਤ੍ਤਿ ਹੋਤੀਤਿ ਆਹ ‘‘ਨ ਕੇવਲ’’ਨ੍ਤਿਆਦਿ। ਏਤਸ੍ਸੇવਾਤਿ વਸ੍ਸਾવਾਸਸ੍ਸੇવ। ਏવਮਾਦਿਨਾਪੀਤਿ ਪਿਸਦ੍ਦੋ ‘‘ਪਟਿਸ੍ਸવੇ’’ਤਿ ਏਤ੍ਥ ਯੋਜੇਤਬ੍ਬੋ। ‘‘ਪਟਿਸ੍ਸવੇਪੀ’’ਤਿ ਹਿ ਅਤ੍ਥੋ। ਤਸ੍ਸ ਤਸ੍ਸਾਤਿ ਕਮ੍ਮਸ੍ਸ। ਤਞ੍ਚ ਖੋਤਿ ਤਞ੍ਚ ਦੁਕ੍ਕਟਂ વਿਸਂવਾਦਨਪਚ੍ਚਯਾ ਹੋਤੀਤਿ ਯੋਜਨਾ। ਪਠਮਮ੍ਪੀਤਿ ਪਿਸਦ੍ਦੋ ‘‘ਪਚ੍ਛਾਪੀ’’ਤਿ ਪਦਂ ਸਮ੍ਪਿਣ੍ਡੇਤਿ। ਪਠਮਮ੍ਪਿ ਹਿ ਪਾਚਿਤ੍ਤਿਯਂ, ਪਚ੍ਛਾਪਿ ਦੁਕ੍ਕਟਨ੍ਤਿ ਅਤ੍ਥੋ।
207.Paṭissave āpatti dukkaṭassāti ettha kiṃ vassāvāsapaṭissuteyeva dukkaṭāpatti hotīti āha ‘‘na kevala’’ntiādi. Etassevāti vassāvāsasseva. Evamādināpīti pisaddo ‘‘paṭissave’’ti ettha yojetabbo. ‘‘Paṭissavepī’’ti hi attho. Tassa tassāti kammassa. Tañca khoti tañca dukkaṭaṃ visaṃvādanapaccayā hotīti yojanā. Paṭhamampīti pisaddo ‘‘pacchāpī’’ti padaṃ sampiṇḍeti. Paṭhamampi hi pācittiyaṃ, pacchāpi dukkaṭanti attho.
ਸੋ ਤਦਹੇવ ਅਕਰਣੀਯੋਤਿਆਦੀਸੁ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਪੁਰਿਮਿਕਾ ਚ ਨ ਪਞ੍ਞਾਯਤੀਤਿ ਏਤ੍ਥ ਪੁਰੇ ਭવਾ ਪੁਰਿਮਾ, ਸਾ ਏવ ਪੁਰਿਮਿਕਾ, ਪਾਟਿਪਦਤਿਥੀ। ਨਾਨਾਸੀਮਾਯ ਦ੍વੀਸੁ ਆવਾਸੇਸੁ વਸ੍ਸਂ ਉਪਗਚ੍ਛਨ੍ਤਸ੍ਸ ਦੁਤਿਯੇ ‘‘વਸਿਸ੍ਸਾਮੀ’’ਤਿ ਪਠਮਾવਾਸਸ੍ਸ ਉਪਚਾਰਤੋ ਨਿਕ੍ਖਨ੍ਤਮਤ੍ਤੇ ਪਠਮਸੇਨਾਸਨਗ੍ਗਾਹਸ੍ਸ ਪਸ੍ਸਮ੍ਭਨਂ ਸਨ੍ਧਾਯ વੁਤ੍ਤਂ ‘‘ਪੁਰਿਮਿਕਾ ਚ ਨ ਪਞ੍ਞਾਯਤੀ’’ਤਿ। ਅਰੁਣਂ ਅਨੁਟ੍ਠਾਪੇਤ੍વਾਤਿ વਸ੍ਸਂ ਉਪਗਮਨવਿਹਾਰੇ ਅਰੁਣਂ ਅਨੁਟ੍ਠਾਪੇਤ੍વਾ। ਤਦਹੇવਾਤਿ ਤਸ੍ਮਿਂ વਸ੍ਸੂਪਗਮਨਅਹਨਿ ਏવ, ਪਕ੍ਕਨ੍ਤਸ੍ਸਾਪੀਤਿ ਸਮ੍ਬਨ੍ਧੋ। ਪਿਸਦ੍ਦਸ੍ਸ ਗਰਹਤ੍ਥਂ ਦਸ੍ਸੇਨ੍ਤੋ ਆਹ ‘‘ਕੋ ਪਨ વਾਦੋ’’ਤਿਆਦਿ। ਆਲਯੋਤਿ ਚਿਤ੍ਤਸ੍ਸ ਅਲ੍ਲੀਯਨਂ। ਅਸਤਿਯਾਤਿ ਸਤਿਪਮੁਟ੍ਠੇਨ। વਸ੍ਸਂ ਨ ਉਪੇਤੀਤਿ ‘‘ਇਮਸ੍ਮਿਂ વਿਹਾਰੇ ਇਮਂ ਤੇਮਾਸਂ વਸ੍ਸਂ ਉਪੇਮੀ’’ਤਿ (ਮਹਾવ॰ ਅਟ੍ਠ॰ ੧੮੪) વਚੀਭੇਦਂ ਕਤ੍વਾ વਸ੍ਸਂ ਨ ਉਪੇਤਿ।
So tadaheva akaraṇīyotiādīsu evaṃ vinicchayo veditabboti yojanā. Purimikā ca na paññāyatīti ettha pure bhavā purimā, sā eva purimikā, pāṭipadatithī. Nānāsīmāya dvīsu āvāsesu vassaṃ upagacchantassa dutiye ‘‘vasissāmī’’ti paṭhamāvāsassa upacārato nikkhantamatte paṭhamasenāsanaggāhassa passambhanaṃ sandhāya vuttaṃ ‘‘purimikā ca na paññāyatī’’ti. Aruṇaṃ anuṭṭhāpetvāti vassaṃ upagamanavihāre aruṇaṃ anuṭṭhāpetvā. Tadahevāti tasmiṃ vassūpagamanaahani eva, pakkantassāpīti sambandho. Pisaddassa garahatthaṃ dassento āha ‘‘ko pana vādo’’tiādi. Ālayoti cittassa allīyanaṃ. Asatiyāti satipamuṭṭhena. Vassaṃ na upetīti ‘‘imasmiṃ vihāre imaṃ temāsaṃ vassaṃ upemī’’ti (mahāva. aṭṭha. 184) vacībhedaṃ katvā vassaṃ na upeti.
ਸਤ੍ਤਾਹਨ੍ਤਿ ਸਤ੍ਤਾਹੇਨ, ਅਨਾਗਤਾਯਾਤਿ ਸਮ੍ਬਨ੍ਧੋ। ਨવਮਿਤੋਤਿ ਪੁਬ੍ਬਕਤ੍ਤਿਕਮਾਸਸ੍ਸ ਜੁਣ੍ਹਪਕ੍ਖਨવਮਿਤੋ, ਪਚ੍ਛਿਮਕਤ੍ਤਿਕਮਾਸਸ੍ਸ ਜੁਣ੍ਹਪਕ੍ਖਨવਮਿਤੋ વਾ। ਮਾ વਾ ਆਗਚ੍ਛਤੁ, ਅਨਾਪਤ੍ਤੀਤਿ વਸ੍ਸਂવੁਤ੍ਥਤ੍ਤਾ ਮਾ વਾ ਆਗਚ੍ਛਤੁ, ਅਨਾਪਤ੍ਤੀਤਿ ਅਤ੍ਥੋ।
Sattāhanti sattāhena, anāgatāyāti sambandho. Navamitoti pubbakattikamāsassa juṇhapakkhanavamito, pacchimakattikamāsassa juṇhapakkhanavamito vā. Mā vā āgacchatu, anāpattīti vassaṃvutthattā mā vā āgacchatu, anāpattīti attho.
ਇਤਿ વਸ੍ਸੂਪਨਾਯਿਕਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti vassūpanāyikakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੮. ਪਟਿਸ੍ਸવਦੁਕ੍ਕਟਾਪਤ੍ਤਿ • 118. Paṭissavadukkaṭāpatti
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਧਮ੍ਮਿਕਕਤਿਕਾਦਿਕਥਾ • Adhammikakatikādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਟਿਸ੍ਸવਦੁਕ੍ਕਟਾਪਤ੍ਤਿਕਥਾવਣ੍ਣਨਾ • Paṭissavadukkaṭāpattikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
