| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
படிஸ்ஸவது³க்கடாபத்திகதா²வண்ணனா
Paṭissavadukkaṭāpattikathāvaṇṇanā
207. யஸ்மா நானாஸீமாயங் த்³வீஸு ஆவாஸேஸு வஸ்ஸங் வஸந்தஸ்ஸ து³தியே ‘‘வஸாமீ’’தி சித்தே உப்பன்னே பட²மஸேனாஸனக்³கா³ஹோ படிப்பஸ்ஸம்ப⁴தி, புன பட²மேயேவ ‘‘வஸாமீ’’தி சித்தே உப்பன்னே து³தியோ படிப்பஸ்ஸம்ப⁴தி, தஸ்மா ‘‘தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதீ’’தி வுத்தங். படிஸ்ஸவஸ்ஸ விஸங்வாத³னபச்சயா ஹொந்தம்பி து³க்கடங் ஸதியேவ படிஸ்ஸவே ஹோதீதி ஆஹ ‘‘தஸ்ஸ தஸ்ஸ படிஸ்ஸவே து³க்கட’’ந்தி. தேனேவாஹ ‘‘தஞ்ச கோ²…பே॰… பச்சா² விஸங்வாத³னபச்சயா’’தி.
207. Yasmā nānāsīmāyaṃ dvīsu āvāsesu vassaṃ vasantassa dutiye ‘‘vasāmī’’ti citte uppanne paṭhamasenāsanaggāho paṭippassambhati, puna paṭhameyeva ‘‘vasāmī’’ti citte uppanne dutiyo paṭippassambhati, tasmā ‘‘tassa, bhikkhave, bhikkhuno purimikā ca na paññāyatī’’ti vuttaṃ. Paṭissavassa visaṃvādanapaccayā hontampi dukkaṭaṃ satiyeva paṭissave hotīti āha ‘‘tassa tassa paṭissave dukkaṭa’’nti. Tenevāha ‘‘tañca kho…pe… pacchā visaṃvādanapaccayā’’ti.
அகரணீயோதி ஸத்தாஹகரணீயேன அகரணீயோ. ஸகரணீயோதி ஸத்தாஹகரணீயேனேவ ஸகரணீயோ. யதி³ ஏவங் ‘‘ஸத்தாஹகரணீயேன அகரணீயோ ஸகரணீயோ’’தி ச கஸ்மா ந வுத்தந்தி? ‘‘அகரணீயோ’’தி வுத்தேபி ஸத்தாஹகரணீயேன ஸகரணீயாகரணீயதா விஞ்ஞாயதீதி கத்வா ந வுத்தங். யதி³ ஏவங் பரதோ ‘‘ஸத்தாஹகரணீயேன பக்கமதீ’’தி வாரத்³வயேபி ‘‘ஸகரணீயோ பக்கமதீ’’தி எத்தகமேவ கஸ்மா ந வுத்தந்தி? வுச்சதே – தத்த² ‘‘ஸத்தாஹகரணீயேனா’’தி அவத்வா ‘‘ஸகரணீயோ பக்கமதீ’’தி வுத்தே ஸோ தங் ஸத்தாஹங் ப³ஹித்³தா⁴ வீதினாமேதீதி ந ஸக்கா வத்துந்தி ‘‘ஸத்தாஹகரணீயேன பக்கமதீ’’தி வுத்தங். ஏவஞ்ஹி வுத்தே ஸத்தாஹஸ்ஸ அதி⁴கதத்தா ஸோ தங் ஸத்தாஹங் ப³ஹி வீதினாமேதீதி ஸக்கா வத்துங்.
Akaraṇīyoti sattāhakaraṇīyena akaraṇīyo. Sakaraṇīyoti sattāhakaraṇīyeneva sakaraṇīyo. Yadi evaṃ ‘‘sattāhakaraṇīyena akaraṇīyo sakaraṇīyo’’ti ca kasmā na vuttanti? ‘‘Akaraṇīyo’’ti vuttepi sattāhakaraṇīyena sakaraṇīyākaraṇīyatā viññāyatīti katvā na vuttaṃ. Yadi evaṃ parato ‘‘sattāhakaraṇīyena pakkamatī’’ti vāradvayepi ‘‘sakaraṇīyo pakkamatī’’ti ettakameva kasmā na vuttanti? Vuccate – tattha ‘‘sattāhakaraṇīyenā’’ti avatvā ‘‘sakaraṇīyo pakkamatī’’ti vutte so taṃ sattāhaṃ bahiddhā vītināmetīti na sakkā vattunti ‘‘sattāhakaraṇīyena pakkamatī’’ti vuttaṃ. Evañhi vutte sattāhassa adhikatattā so taṃ sattāhaṃ bahi vītināmetīti sakkā vattuṃ.
எத்த² ச ஆதி³ம்ஹி சத்தாரோ வாரா நிரபெக்க²க³மனங் ஸந்தா⁴ய வுத்தா, தத்தா²பி புரிமா த்³வே வாரா வஸ்ஸங் அனுபக³தஸ்ஸ வஸேன வுத்தா, பச்சி²மா பன த்³வே வாரா வஸ்ஸங் உபக³தஸ்ஸ வஸேன, ததோ பரங் த்³வே வாரா ஸாபெக்க²க³மனங் ஸந்தா⁴ய வுத்தா, தத்தா²பி பட²மவாரோ ஸாபெக்க²ஸ்ஸபி ஸத்தாஹகரணீயேன க³ந்த்வா தங் ஸத்தாஹங் ப³ஹித்³தா⁴ வீதினாமெந்தஸ்ஸ வஸ்ஸச்சே²த³த³ஸ்ஸனத்த²ங் வுத்தோ, இதரோ வுத்தனயேனேவ க³ந்த்வா அந்தோஸத்தாஹே நிவத்தந்தஸ்ஸ வஸ்ஸச்சே²தா³பா⁴வத³ஸ்ஸனத்த²ங். ‘‘ஸோ ஸத்தாஹங் அனாக³தாய பவாரணாய ஸகரணீயோ பக்கமதீ’’தி அயங் பன வாரோ நவமிதோ பட்டா²ய க³ந்த்வா ஸத்தாஹங் ப³ஹித்³தா⁴ வீதினாமெந்தஸ்ஸபி வஸ்ஸச்சே²தா³பா⁴வத³ஸ்ஸனத்த²ங் வுத்தோ. எத்த² ச ‘‘அகரணீயோ பக்கமதீ’’தி து³தியவாரஸ்ஸ அனாக³தத்தா நவமிதோ பட்டா²ய க³ச்ச²ந்தேனபி ஸதியேவ கரணீயே க³ந்தப்³ப³ங், நாஸதீதி த³ட்ட²ப்³ப³ங். இமே ச ஸத்த வாரா ப³ஹித்³தா⁴ கதஉபோஸதி²கஸ்ஸ வஸேன ஆக³தா, அபரே ஸத்த அந்தோவிஹாரங் க³ந்த்வா கதஉபோஸத²ஸ்ஸ வஸேனாதி ஏவங் புரிமிகாய வஸேன சுத்³த³ஸ வாரா வுத்தா, ததோ பரங் பச்சி²மிகாய வஸேன தேயேவ சுத்³த³ஸ வாரா வுத்தாதி ஏவமேதேஸங் நானாகரணங் வேதி³தப்³ப³ங்.
Ettha ca ādimhi cattāro vārā nirapekkhagamanaṃ sandhāya vuttā, tatthāpi purimā dve vārā vassaṃ anupagatassa vasena vuttā, pacchimā pana dve vārā vassaṃ upagatassa vasena, tato paraṃ dve vārā sāpekkhagamanaṃ sandhāya vuttā, tatthāpi paṭhamavāro sāpekkhassapi sattāhakaraṇīyena gantvā taṃ sattāhaṃ bahiddhā vītināmentassa vassacchedadassanatthaṃ vutto, itaro vuttanayeneva gantvā antosattāhe nivattantassa vassacchedābhāvadassanatthaṃ. ‘‘So sattāhaṃ anāgatāya pavāraṇāya sakaraṇīyo pakkamatī’’ti ayaṃ pana vāro navamito paṭṭhāya gantvā sattāhaṃ bahiddhā vītināmentassapi vassacchedābhāvadassanatthaṃ vutto. Ettha ca ‘‘akaraṇīyo pakkamatī’’ti dutiyavārassa anāgatattā navamito paṭṭhāya gacchantenapi satiyeva karaṇīye gantabbaṃ, nāsatīti daṭṭhabbaṃ. Ime ca satta vārā bahiddhā katauposathikassa vasena āgatā, apare satta antovihāraṃ gantvā katauposathassa vasenāti evaṃ purimikāya vasena cuddasa vārā vuttā, tato paraṃ pacchimikāya vasena teyeva cuddasa vārā vuttāti evametesaṃ nānākaraṇaṃ veditabbaṃ.
இமேஹி பன ஸப்³ப³வாரேஹி வுத்தமத்த²ங் ஸம்பிண்டெ³த்வா த³ஸ்ஸேதுங் ‘‘ஸோ தத³ஹேவ அகரணீயோதிஆதீ³ஸூ’’திஆதி³ ஆரத்³த⁴ங். கோ பன வாதோ³ த்³வீஹதீஹங் வஸித்வா அந்தோஸத்தாஹே நிவத்தந்தஸ்ஸாதி வஸ்ஸங் உபக³ந்த்வா த்³வீஹதீஹங் வஸித்வா ஸத்தாஹகரணீயேன க³ந்த்வா அந்தோஸத்தாஹே நிவத்தந்தஸ்ஸ கோ பன வாதோ³, கதா² ஏவ நத்தீ²தி அதி⁴ப்பாயோ. அஸதியா பன வஸ்ஸங் ந உபேதீதி ‘‘இமஸ்மிங் விஹாரே இமங் தேமாஸங் வஸ்ஸங் உபேமீ’’தி வசீபே⁴த³ங் கத்வா ந உபேதி.
Imehi pana sabbavārehi vuttamatthaṃ sampiṇḍetvā dassetuṃ ‘‘so tadaheva akaraṇīyotiādīsū’’tiādi āraddhaṃ. Ko pana vādo dvīhatīhaṃ vasitvā antosattāhe nivattantassāti vassaṃ upagantvā dvīhatīhaṃ vasitvā sattāhakaraṇīyena gantvā antosattāhe nivattantassa ko pana vādo, kathā eva natthīti adhippāyo. Asatiyā pana vassaṃ na upetīti ‘‘imasmiṃ vihāre imaṃ temāsaṃ vassaṃ upemī’’ti vacībhedaṃ katvā na upeti.
கோமுதி³யா சாதுமாஸினியாதி பச்சி²மகத்திகபுண்ணமாயங். ஸா ஹி குமுதா³னங் அத்தி²தாய கோமுதீ³, சதுன்னங் வஸ்ஸிகானங் மாஸானங் பரியோஸானத்தா ‘‘சாதுமாஸினீ’’தி வுச்சதி. ததா³ ஹி குமுதா³னி ஸுபுப்பி²தானி ஹொந்தி, தஸ்மா குமுதா³னங் ஸமூஹோ, குமுதா³னி ஏவ வா கோமுதா³, தே எத்த² அத்தீ²தி ‘‘கோமுதீ³’’தி வுச்சதி, குமுத³வதீதி வுத்தங் ஹோதி. ஸேஸமெத்த² உத்தானமேவ.
Komudiyā cātumāsiniyāti pacchimakattikapuṇṇamāyaṃ. Sā hi kumudānaṃ atthitāya komudī, catunnaṃ vassikānaṃ māsānaṃ pariyosānattā ‘‘cātumāsinī’’ti vuccati. Tadā hi kumudāni supupphitāni honti, tasmā kumudānaṃ samūho, kumudāni eva vā komudā, te ettha atthīti ‘‘komudī’’ti vuccati, kumudavatīti vuttaṃ hoti. Sesamettha uttānameva.
படிஸ்ஸவது³க்கடாபத்திகதா²வண்ணனா நிட்டி²தா.
Paṭissavadukkaṭāpattikathāvaṇṇanā niṭṭhitā.
வஸ்ஸூபனாயிகக்க²ந்த⁴கவண்ணனா நிட்டி²தா.
Vassūpanāyikakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 118. படிஸ்ஸவது³க்கடாபத்தி • 118. Paṭissavadukkaṭāpatti
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அத⁴ம்மிககதிகாதி³கதா² • Adhammikakatikādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அத⁴ம்மிககதிகாதி³கதா²வண்ணனா • Adhammikakatikādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அத⁴ம்மிககதிகாதி³கதா²வண்ணனா • Adhammikakatikādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 118. படிஸ்ஸவது³க்கடாபத்திகதா² • 118. Paṭissavadukkaṭāpattikathā
