| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бадиссавад̣̇уггадаабад̇д̇игат̇ааван̣н̣анаа
Paṭissavadukkaṭāpattikathāvaṇṇanā
207. яасмаа наанаасиймааяам̣ д̣̇вийсу ааваасзсу вассам̣ васанд̇асса д̣̇уд̇ияз ‘‘васаамий’’д̇и жид̇д̇з уббаннз батамасзнаасанаг̇г̇аахо бадиббассамбхад̇и, буна батамзязва ‘‘васаамий’’д̇и жид̇д̇з уббаннз д̣̇уд̇ияо бадиббассамбхад̇и, д̇асмаа ‘‘д̇асса, бхигкавз, бхигкуно буримигаа жа на бан̃н̃ааяад̇ий’’д̇и вуд̇д̇ам̣. бадиссавасса висам̣ваад̣̇анабажжаяаа хонд̇амби д̣̇уггадам̣ сад̇иязва бадиссавз ход̇ийд̇и ааха ‘‘д̇асса д̇асса бадиссавз д̣̇уггада’’нд̇и. д̇знзвааха ‘‘д̇ан̃жа ко…бз… бажчаа висам̣ваад̣̇анабажжаяаа’’д̇и.
207. Yasmā nānāsīmāyaṃ dvīsu āvāsesu vassaṃ vasantassa dutiye ‘‘vasāmī’’ti citte uppanne paṭhamasenāsanaggāho paṭippassambhati, puna paṭhameyeva ‘‘vasāmī’’ti citte uppanne dutiyo paṭippassambhati, tasmā ‘‘tassa, bhikkhave, bhikkhuno purimikā ca na paññāyatī’’ti vuttaṃ. Paṭissavassa visaṃvādanapaccayā hontampi dukkaṭaṃ satiyeva paṭissave hotīti āha ‘‘tassa tassa paṭissave dukkaṭa’’nti. Tenevāha ‘‘tañca kho…pe… pacchā visaṃvādanapaccayā’’ti.
агаран̣ийяод̇и сад̇д̇аахагаран̣ийязна агаран̣ийяо. сагаран̣ийяод̇и сад̇д̇аахагаран̣ийязнзва сагаран̣ийяо. яад̣̇и звам̣ ‘‘сад̇д̇аахагаран̣ийязна агаран̣ийяо сагаран̣ийяо’’д̇и жа гасмаа на вуд̇д̇анд̇и? ‘‘агаран̣ийяо’’д̇и вуд̇д̇зби сад̇д̇аахагаран̣ийязна сагаран̣ийяаагаран̣ийяад̇аа вин̃н̃ааяад̇ийд̇и гад̇ваа на вуд̇д̇ам̣. яад̣̇и звам̣ барад̇о ‘‘сад̇д̇аахагаран̣ийязна баггамад̇ий’’д̇и ваарад̣̇ваязби ‘‘сагаран̣ийяо баггамад̇ий’’д̇и зд̇д̇агамзва гасмаа на вуд̇д̇анд̇и? вужжад̇з – д̇ад̇т̇а ‘‘сад̇д̇аахагаран̣ийязнаа’’д̇и авад̇ваа ‘‘сагаран̣ийяо баггамад̇ий’’д̇и вуд̇д̇з со д̇ам̣ сад̇д̇аахам̣ б̣ахид̣̇д̇хаа вийд̇инаамзд̇ийд̇и на саггаа вад̇д̇унд̇и ‘‘сад̇д̇аахагаран̣ийязна баггамад̇ий’’д̇и вуд̇д̇ам̣. зван̃хи вуд̇д̇з сад̇д̇аахасса ад̇хигад̇ад̇д̇аа со д̇ам̣ сад̇д̇аахам̣ б̣ахи вийд̇инаамзд̇ийд̇и саггаа вад̇д̇ум̣.
Akaraṇīyoti sattāhakaraṇīyena akaraṇīyo. Sakaraṇīyoti sattāhakaraṇīyeneva sakaraṇīyo. Yadi evaṃ ‘‘sattāhakaraṇīyena akaraṇīyo sakaraṇīyo’’ti ca kasmā na vuttanti? ‘‘Akaraṇīyo’’ti vuttepi sattāhakaraṇīyena sakaraṇīyākaraṇīyatā viññāyatīti katvā na vuttaṃ. Yadi evaṃ parato ‘‘sattāhakaraṇīyena pakkamatī’’ti vāradvayepi ‘‘sakaraṇīyo pakkamatī’’ti ettakameva kasmā na vuttanti? Vuccate – tattha ‘‘sattāhakaraṇīyenā’’ti avatvā ‘‘sakaraṇīyo pakkamatī’’ti vutte so taṃ sattāhaṃ bahiddhā vītināmetīti na sakkā vattunti ‘‘sattāhakaraṇīyena pakkamatī’’ti vuttaṃ. Evañhi vutte sattāhassa adhikatattā so taṃ sattāhaṃ bahi vītināmetīti sakkā vattuṃ.
зд̇т̇а жа аад̣̇имхи жад̇д̇ааро ваараа нирабзгкаг̇аманам̣ санд̇хааяа вуд̇д̇аа, д̇ад̇т̇ааби буримаа д̣̇вз ваараа вассам̣ анубаг̇ад̇асса васзна вуд̇д̇аа, бажчимаа бана д̣̇вз ваараа вассам̣ убаг̇ад̇асса васзна, д̇ад̇о барам̣ д̣̇вз ваараа саабзгкаг̇аманам̣ санд̇хааяа вуд̇д̇аа, д̇ад̇т̇ааби батамавааро саабзгкассаби сад̇д̇аахагаран̣ийязна г̇анд̇ваа д̇ам̣ сад̇д̇аахам̣ б̣ахид̣̇д̇хаа вийд̇инаамзнд̇асса вассажчзд̣̇ад̣̇ассанад̇т̇ам̣ вуд̇д̇о, ид̇аро вуд̇д̇анаязнзва г̇анд̇ваа анд̇осад̇д̇аахз нивад̇д̇анд̇асса вассажчзд̣̇аабхаавад̣̇ассанад̇т̇ам̣. ‘‘со сад̇д̇аахам̣ анааг̇ад̇ааяа бавааран̣ааяа сагаран̣ийяо баггамад̇ий’’д̇и аяам̣ бана вааро навамид̇о бадтааяа г̇анд̇ваа сад̇д̇аахам̣ б̣ахид̣̇д̇хаа вийд̇инаамзнд̇ассаби вассажчзд̣̇аабхаавад̣̇ассанад̇т̇ам̣ вуд̇д̇о. зд̇т̇а жа ‘‘агаран̣ийяо баггамад̇ий’’д̇и д̣̇уд̇ияаваарасса анааг̇ад̇ад̇д̇аа навамид̇о бадтааяа г̇ажчанд̇знаби сад̇иязва гаран̣ийяз г̇анд̇аб̣б̣ам̣, наасад̇ийд̇и д̣̇адтаб̣б̣ам̣. имз жа сад̇д̇а ваараа б̣ахид̣̇д̇хаа гад̇аубосат̇игасса васзна ааг̇ад̇аа, абарз сад̇д̇а анд̇овихаарам̣ г̇анд̇ваа гад̇аубосат̇асса васзнаад̇и звам̣ буримигааяа васзна жуд̣̇д̣̇аса ваараа вуд̇д̇аа, д̇ад̇о барам̣ бажчимигааяа васзна д̇зязва жуд̣̇д̣̇аса ваараа вуд̇д̇аад̇и звамзд̇зсам̣ наанаагаран̣ам̣ взд̣̇ид̇аб̣б̣ам̣.
Ettha ca ādimhi cattāro vārā nirapekkhagamanaṃ sandhāya vuttā, tatthāpi purimā dve vārā vassaṃ anupagatassa vasena vuttā, pacchimā pana dve vārā vassaṃ upagatassa vasena, tato paraṃ dve vārā sāpekkhagamanaṃ sandhāya vuttā, tatthāpi paṭhamavāro sāpekkhassapi sattāhakaraṇīyena gantvā taṃ sattāhaṃ bahiddhā vītināmentassa vassacchedadassanatthaṃ vutto, itaro vuttanayeneva gantvā antosattāhe nivattantassa vassacchedābhāvadassanatthaṃ. ‘‘So sattāhaṃ anāgatāya pavāraṇāya sakaraṇīyo pakkamatī’’ti ayaṃ pana vāro navamito paṭṭhāya gantvā sattāhaṃ bahiddhā vītināmentassapi vassacchedābhāvadassanatthaṃ vutto. Ettha ca ‘‘akaraṇīyo pakkamatī’’ti dutiyavārassa anāgatattā navamito paṭṭhāya gacchantenapi satiyeva karaṇīye gantabbaṃ, nāsatīti daṭṭhabbaṃ. Ime ca satta vārā bahiddhā katauposathikassa vasena āgatā, apare satta antovihāraṃ gantvā katauposathassa vasenāti evaṃ purimikāya vasena cuddasa vārā vuttā, tato paraṃ pacchimikāya vasena teyeva cuddasa vārā vuttāti evametesaṃ nānākaraṇaṃ veditabbaṃ.
имзхи бана саб̣б̣аваарзхи вуд̇д̇амад̇т̇ам̣ самбин̣д̣зд̇ваа д̣̇ассзд̇ум̣ ‘‘со д̇ад̣̇ахзва агаран̣ийяод̇иаад̣̇ийсуу’’д̇иаад̣̇и аарад̣̇д̇хам̣. го бана ваад̣̇о д̣̇вийхад̇ийхам̣ васид̇ваа анд̇осад̇д̇аахз нивад̇д̇анд̇ассаад̇и вассам̣ убаг̇анд̇ваа д̣̇вийхад̇ийхам̣ васид̇ваа сад̇д̇аахагаран̣ийязна г̇анд̇ваа анд̇осад̇д̇аахз нивад̇д̇анд̇асса го бана ваад̣̇о, гат̇аа зва над̇т̇ийд̇и ад̇хиббааяо. асад̇ияаа бана вассам̣ на убзд̇ийд̇и ‘‘имасмим̣ вихаарз имам̣ д̇змаасам̣ вассам̣ убзмий’’д̇и важийбхзд̣̇ам̣ гад̇ваа на убзд̇и.
Imehi pana sabbavārehi vuttamatthaṃ sampiṇḍetvā dassetuṃ ‘‘so tadaheva akaraṇīyotiādīsū’’tiādi āraddhaṃ. Ko pana vādo dvīhatīhaṃ vasitvā antosattāhe nivattantassāti vassaṃ upagantvā dvīhatīhaṃ vasitvā sattāhakaraṇīyena gantvā antosattāhe nivattantassa ko pana vādo, kathā eva natthīti adhippāyo. Asatiyā pana vassaṃ na upetīti ‘‘imasmiṃ vihāre imaṃ temāsaṃ vassaṃ upemī’’ti vacībhedaṃ katvā na upeti.
гомуд̣̇ияаа жаад̇умаасинияаад̇и бажчимагад̇д̇игабун̣н̣амааяам̣. саа хи гумуд̣̇аанам̣ ад̇т̇ид̇ааяа гомуд̣̇ий, жад̇уннам̣ вассигаанам̣ маасаанам̣ барияосаанад̇д̇аа ‘‘жаад̇умаасиний’’д̇и вужжад̇и. д̇ад̣̇аа хи гумуд̣̇аани субубпид̇аани хонд̇и, д̇асмаа гумуд̣̇аанам̣ самуухо, гумуд̣̇аани зва ваа гомуд̣̇аа, д̇з зд̇т̇а ад̇т̇ийд̇и ‘‘гомуд̣̇ий’’д̇и вужжад̇и, гумуд̣̇авад̇ийд̇и вуд̇д̇ам̣ ход̇и. сзсамзд̇т̇а уд̇д̇аанамзва.
Komudiyā cātumāsiniyāti pacchimakattikapuṇṇamāyaṃ. Sā hi kumudānaṃ atthitāya komudī, catunnaṃ vassikānaṃ māsānaṃ pariyosānattā ‘‘cātumāsinī’’ti vuccati. Tadā hi kumudāni supupphitāni honti, tasmā kumudānaṃ samūho, kumudāni eva vā komudā, te ettha atthīti ‘‘komudī’’ti vuccati, kumudavatīti vuttaṃ hoti. Sesamettha uttānameva.
бадиссавад̣̇уггадаабад̇д̇игат̇ааван̣н̣анаа нидтид̇аа.
Paṭissavadukkaṭāpattikathāvaṇṇanā niṭṭhitā.
вассуубанааяигагканд̇хагаван̣н̣анаа нидтид̇аа.
Vassūpanāyikakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 118. бадиссавад̣̇уггадаабад̇д̇и • 118. Paṭissavadukkaṭāpatti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇хаммигагад̇игаад̣̇игат̇аа • Adhammikakatikādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 118. бадиссавад̣̇уггадаабад̇д̇игат̇аа • 118. Paṭissavadukkaṭāpattikathā
