| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. பதிட்டி²தஸுத்தங்
6. Patiṭṭhitasuttaṃ
526. ‘‘ஏகத⁴ம்மே பதிட்டி²தஸ்ஸ, பி⁴க்க²வே, பி⁴க்கு²னோ பஞ்சிந்த்³ரியானி பா⁴விதானி ஹொந்தி ஸுபா⁴விதானி. கதமஸ்மிங் ஏகத⁴ம்மே? அப்பமாதே³. கதமோ ச பி⁴க்க²வே, அப்பமாதோ³? இத⁴, பி⁴க்க²வே, பி⁴க்கு² சித்தங் ரக்க²தி ஆஸவேஸு ச ஸாஸவேஸு ச த⁴ம்மேஸு. தஸ்ஸ சித்தங் ரக்க²தோ ஆஸவேஸு ச ஸாஸவேஸு ச த⁴ம்மேஸு ஸத்³தி⁴ந்த்³ரியம்பி பா⁴வனாபாரிபூரிங் க³ச்ச²தி. வீரியிந்த்³ரியம்பி பா⁴வனாபாரிபூரிங் க³ச்ச²தி. ஸதிந்த்³ரியம்பி பா⁴வனாபாரிபூரிங் க³ச்ச²தி. ஸமாதி⁴ந்த்³ரியம்பி பா⁴வனாபாரிபூரிங் க³ச்ச²தி. பஞ்ஞிந்த்³ரியம்பி பா⁴வனாபாரிபூரிங் க³ச்ச²தி. ஏவம்பி கோ², பி⁴க்க²வே, ஏகத⁴ம்மே பதிட்டி²தஸ்ஸ பி⁴க்கு²னோ பஞ்சிந்த்³ரியானி பா⁴விதானி ஹொந்தி ஸுபா⁴விதானீ’’தி. ச²ட்ட²ங்.
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6-7. பதிட்டி²தஸுத்தாதி³வண்ணனா • 6-7. Patiṭṭhitasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. பதிட்டி²தஸுத்தவண்ணனா • 6. Patiṭṭhitasuttavaṇṇanā
