| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. পতিট্ঠিতসুত্তং
6. Patiṭṭhitasuttaṃ
৫২৬. ‘‘একধম্মে পতিট্ঠিতস্স, ভিক্খৰে, ভিক্খুনো পঞ্চিন্দ্রিযানি ভাৰিতানি হোন্তি সুভাৰিতানি। কতমস্মিং একধম্মে? অপ্পমাদে। কতমো চ ভিক্খৰে, অপ্পমাদো? ইধ, ভিক্খৰে, ভিক্খু চিত্তং রক্খতি আসৰেসু চ সাসৰেসু চ ধম্মেসু। তস্স চিত্তং রক্খতো আসৰেসু চ সাসৰেসু চ ধম্মেসু সদ্ধিন্দ্রিযম্পি ভাৰনাপারিপূরিং গচ্ছতি। ৰীরিযিন্দ্রিযম্পি ভাৰনাপারিপূরিং গচ্ছতি। সতিন্দ্রিযম্পি ভাৰনাপারিপূরিং গচ্ছতি। সমাধিন্দ্রিযম্পি ভাৰনাপারিপূরিং গচ্ছতি। পঞ্ঞিন্দ্রিযম্পি ভাৰনাপারিপূরিং গচ্ছতি। এৰম্পি খো, ভিক্খৰে, একধম্মে পতিট্ঠিতস্স ভিক্খুনো পঞ্চিন্দ্রিযানি ভাৰিতানি হোন্তি সুভাৰিতানী’’তি। ছট্ঠং।
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬-৭. পতিট্ঠিতসুত্তাদিৰণ্ণনা • 6-7. Patiṭṭhitasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. পতিট্ঠিতসুত্তৰণ্ণনা • 6. Patiṭṭhitasuttavaṇṇanā
