| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೬. ಪತಿಟ್ಠಿತಸುತ್ತಂ
6. Patiṭṭhitasuttaṃ
೫೨೬. ‘‘ಏಕಧಮ್ಮೇ ಪತಿಟ್ಠಿತಸ್ಸ, ಭಿಕ್ಖವೇ, ಭಿಕ್ಖುನೋ ಪಞ್ಚಿನ್ದ್ರಿಯಾನಿ ಭಾವಿತಾನಿ ಹೋನ್ತಿ ಸುಭಾವಿತಾನಿ। ಕತಮಸ್ಮಿಂ ಏಕಧಮ್ಮೇ? ಅಪ್ಪಮಾದೇ। ಕತಮೋ ಚ ಭಿಕ್ಖವೇ, ಅಪ್ಪಮಾದೋ? ಇಧ, ಭಿಕ್ಖವೇ, ಭಿಕ್ಖು ಚಿತ್ತಂ ರಕ್ಖತಿ ಆಸವೇಸು ಚ ಸಾಸವೇಸು ಚ ಧಮ್ಮೇಸು। ತಸ್ಸ ಚಿತ್ತಂ ರಕ್ಖತೋ ಆಸವೇಸು ಚ ಸಾಸವೇಸು ಚ ಧಮ್ಮೇಸು ಸದ್ಧಿನ್ದ್ರಿಯಮ್ಪಿ ಭಾವನಾಪಾರಿಪೂರಿಂ ಗಚ್ಛತಿ। ವೀರಿಯಿನ್ದ್ರಿಯಮ್ಪಿ ಭಾವನಾಪಾರಿಪೂರಿಂ ಗಚ್ಛತಿ। ಸತಿನ್ದ್ರಿಯಮ್ಪಿ ಭಾವನಾಪಾರಿಪೂರಿಂ ಗಚ್ಛತಿ। ಸಮಾಧಿನ್ದ್ರಿಯಮ್ಪಿ ಭಾವನಾಪಾರಿಪೂರಿಂ ಗಚ್ಛತಿ। ಪಞ್ಞಿನ್ದ್ರಿಯಮ್ಪಿ ಭಾವನಾಪಾರಿಪೂರಿಂ ಗಚ್ಛತಿ। ಏವಮ್ಪಿ ಖೋ, ಭಿಕ್ಖವೇ, ಏಕಧಮ್ಮೇ ಪತಿಟ್ಠಿತಸ್ಸ ಭಿಕ್ಖುನೋ ಪಞ್ಚಿನ್ದ್ರಿಯಾನಿ ಭಾವಿತಾನಿ ಹೋನ್ತಿ ಸುಭಾವಿತಾನೀ’’ತಿ। ಛಟ್ಠಂ।
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬-೭. ಪತಿಟ್ಠಿತಸುತ್ತಾದಿವಣ್ಣನಾ • 6-7. Patiṭṭhitasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಪತಿಟ್ಠಿತಸುತ್ತವಣ್ಣನಾ • 6. Patiṭṭhitasuttavaṇṇanā
