| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. පතිට්‌ඨිතසුත්‌තං
6. Patiṭṭhitasuttaṃ
526. ‘‘එකධම්‌මෙ පතිට්‌ඨිතස්‌ස, භික්‌ඛවෙ, භික්‌ඛුනො පඤ්‌චින්‌ද්‍රියානි භාවිතානි හොන්‌ති සුභාවිතානි. කතමස්‌මිං එකධම්‌මෙ? අප්‌පමාදෙ. කතමො ච භික්‌ඛවෙ, අප්‌පමාදො? ඉධ, භික්‌ඛවෙ, භික්‌ඛු චිත්‌තං රක්‌ඛති ආසවෙසු ච සාසවෙසු ච ධම්‌මෙසු. තස්‌ස චිත්‌තං රක්‌ඛතො ආසවෙසු ච සාසවෙසු ච ධම්‌මෙසු සද්‌ධින්‌ද්‍රියම්‌පි භාවනාපාරිපූරිං ගච්‌ඡති. වීරියින්‌ද්‍රියම්‌පි භාවනාපාරිපූරිං ගච්‌ඡති. සතින්‌ද්‍රියම්‌පි භාවනාපාරිපූරිං ගච්‌ඡති. සමාධින්‌ද්‍රියම්‌පි භාවනාපාරිපූරිං ගච්‌ඡති. පඤ්‌ඤින්‌ද්‍රියම්‌පි භාවනාපාරිපූරිං ගච්‌ඡති. එවම්‌පි ඛො, භික්‌ඛවෙ, එකධම්‌මෙ පතිට්‌ඨිතස්‌ස භික්‌ඛුනො පඤ්‌චින්‌ද්‍රියානි භාවිතානි හොන්‌ති සුභාවිතානී’’ති. ඡට්‌ඨං.
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6-7. පතිට්‌ඨිතසුත්‌තාදිවණ්‌ණනා • 6-7. Patiṭṭhitasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. පතිට්‌ඨිතසුත්‌තවණ්‌ණනා • 6. Patiṭṭhitasuttavaṇṇanā
