| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. པཏིཊྛིཏསུཏྟཾ
6. Patiṭṭhitasuttaṃ
༥༢༦. ‘‘ཨེཀདྷམྨེ པཏིཊྛིཏསྶ, བྷིཀྑཝེ, བྷིཀྑུནོ པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནི། ཀཏམསྨིཾ ཨེཀདྷམྨེ? ཨཔྤམཱདེ། ཀཏམོ ཙ བྷིཀྑཝེ, ཨཔྤམཱདོ? ཨིདྷ, བྷིཀྑཝེ, བྷིཀྑུ ཙིཏྟཾ རཀྑཏི ཨཱསཝེསུ ཙ སཱསཝེསུ ཙ དྷམྨེསུ། ཏསྶ ཙིཏྟཾ རཀྑཏོ ཨཱསཝེསུ ཙ སཱསཝེསུ ཙ དྷམྨེསུ སདྡྷིནྡྲིཡམྤི བྷཱཝནཱཔཱརིཔཱུརིཾ གཙྪཏི། ཝཱིརིཡིནྡྲིཡམྤི བྷཱཝནཱཔཱརིཔཱུརིཾ གཙྪཏི། སཏིནྡྲིཡམྤི བྷཱཝནཱཔཱརིཔཱུརིཾ གཙྪཏི། སམཱདྷིནྡྲིཡམྤི བྷཱཝནཱཔཱརིཔཱུརིཾ གཙྪཏི། པཉྙིནྡྲིཡམྤི བྷཱཝནཱཔཱརིཔཱུརིཾ གཙྪཏི། ཨེཝམྤི ཁོ, བྷིཀྑཝེ, ཨེཀདྷམྨེ པཏིཊྛིཏསྶ བྷིཀྑུནོ པཉྩིནྡྲིཡཱནི བྷཱཝིཏཱནི ཧོནྟི སུབྷཱཝིཏཱནཱི’’ཏི། ཚཊྛཾ།
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦-༧. པཏིཊྛིཏསུཏྟཱདིཝཎྞནཱ • 6-7. Patiṭṭhitasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. པཏིཊྛིཏསུཏྟཝཎྞནཱ • 6. Patiṭṭhitasuttavaṇṇanā
