| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൬. പതിട്ഠിതസുത്തം
6. Patiṭṭhitasuttaṃ
൫൨൬. ‘‘ഏകധമ്മേ പതിട്ഠിതസ്സ, ഭിക്ഖവേ, ഭിക്ഖുനോ പഞ്ചിന്ദ്രിയാനി ഭാവിതാനി ഹോന്തി സുഭാവിതാനി. കതമസ്മിം ഏകധമ്മേ? അപ്പമാദേ. കതമോ ച ഭിക്ഖവേ, അപ്പമാദോ? ഇധ, ഭിക്ഖവേ, ഭിക്ഖു ചിത്തം രക്ഖതി ആസവേസു ച സാസവേസു ച ധമ്മേസു. തസ്സ ചിത്തം രക്ഖതോ ആസവേസു ച സാസവേസു ച ധമ്മേസു സദ്ധിന്ദ്രിയമ്പി ഭാവനാപാരിപൂരിം ഗച്ഛതി. വീരിയിന്ദ്രിയമ്പി ഭാവനാപാരിപൂരിം ഗച്ഛതി. സതിന്ദ്രിയമ്പി ഭാവനാപാരിപൂരിം ഗച്ഛതി. സമാധിന്ദ്രിയമ്പി ഭാവനാപാരിപൂരിം ഗച്ഛതി. പഞ്ഞിന്ദ്രിയമ്പി ഭാവനാപാരിപൂരിം ഗച്ഛതി. ഏവമ്പി ഖോ, ഭിക്ഖവേ, ഏകധമ്മേ പതിട്ഠിതസ്സ ഭിക്ഖുനോ പഞ്ചിന്ദ്രിയാനി ഭാവിതാനി ഹോന്തി സുഭാവിതാനീ’’തി. ഛട്ഠം.
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬-൭. പതിട്ഠിതസുത്താദിവണ്ണനാ • 6-7. Patiṭṭhitasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. പതിട്ഠിതസുത്തവണ്ണനാ • 6. Patiṭṭhitasuttavaṇṇanā
