| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. бад̇од̣̇асуд̇д̇ам̣
3. Patodasuttaṃ
113. ‘‘жад̇д̇ааромз , бхигкавз, бхад̣̇раа ассааж̇аанийяаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо бхад̣̇ро ассааж̇аанийяо бад̇од̣̇ажчааяам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и – ‘гим̣ ну ко мам̣ аж̇ж̇а ассад̣̇аммасаарат̇и гааран̣ам̣ гаарзссад̇и, гимассаахам̣ 1 бадигаромий’д̇и! зваруубоби, бхигкавз, ид̇хзгажжо бхад̣̇ро ассааж̇аанийяо ход̇и. аяам̣, бхигкавз, батамо бхад̣̇ро ассааж̇аанийяо санд̇о сам̣виж̇ж̇амаано логасмим̣.
113. ‘‘Cattārome , bhikkhave, bhadrā assājānīyā santo saṃvijjamānā lokasmiṃ. Katame cattāro? Idha, bhikkhave, ekacco bhadro assājānīyo patodacchāyaṃ disvā saṃvijjati saṃvegaṃ āpajjati – ‘kiṃ nu kho maṃ ajja assadammasārathi kāraṇaṃ kāressati, kimassāhaṃ 2 paṭikaromī’ti! Evarūpopi, bhikkhave, idhekacco bhadro assājānīyo hoti. Ayaṃ, bhikkhave, paṭhamo bhadro assājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро ассааж̇аанийяо на хзва ко бад̇од̣̇ажчааяам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и, аби жа ко ломавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и – ‘гим̣ ну ко мам̣ аж̇ж̇а ассад̣̇аммасаарат̇и гааран̣ам̣ гаарзссад̇и, гимассаахам̣ бадигаромий’д̇и! зваруубоби, бхигкавз, ид̇хзгажжо бхад̣̇ро ассааж̇аанийяо ход̇и. аяам̣, бхигкавз, д̣̇уд̇ияо бхад̣̇ро ассааж̇аанийяо санд̇о сам̣виж̇ж̇амаано логасмим̣.
‘‘Puna caparaṃ, bhikkhave, idhekacco bhadro assājānīyo na heva kho patodacchāyaṃ disvā saṃvijjati saṃvegaṃ āpajjati, api ca kho lomavedhaviddho saṃvijjati saṃvegaṃ āpajjati – ‘kiṃ nu kho maṃ ajja assadammasārathi kāraṇaṃ kāressati, kimassāhaṃ paṭikaromī’ti! Evarūpopi, bhikkhave, idhekacco bhadro assājānīyo hoti. Ayaṃ, bhikkhave, dutiyo bhadro assājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро ассааж̇аанийяо на хзва ко бад̇од̣̇ажчааяам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и нааби ломавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и, аби жа ко жаммавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и – ‘гим̣ ну ко мам̣ аж̇ж̇а ассад̣̇аммасаарат̇и гааран̣ам̣ гаарзссад̇и, гимассаахам̣ бадигаромий’д̇и! зваруубоби, бхигкавз, ид̇хзгажжо бхад̣̇ро ассааж̇аанийяо ход̇и. аяам̣, бхигкавз, д̇ад̇ияо бхад̣̇ро ассааж̇аанийяо санд̇о сам̣виж̇ж̇амаано логасмим̣.
‘‘Puna caparaṃ, bhikkhave, idhekacco bhadro assājānīyo na heva kho patodacchāyaṃ disvā saṃvijjati saṃvegaṃ āpajjati nāpi lomavedhaviddho saṃvijjati saṃvegaṃ āpajjati, api ca kho cammavedhaviddho saṃvijjati saṃvegaṃ āpajjati – ‘kiṃ nu kho maṃ ajja assadammasārathi kāraṇaṃ kāressati, kimassāhaṃ paṭikaromī’ti! Evarūpopi, bhikkhave, idhekacco bhadro assājānīyo hoti. Ayaṃ, bhikkhave, tatiyo bhadro assājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро ассааж̇аанийяо на хзва ко бад̇од̣̇ажчааяам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и нааби ломавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и нааби жаммавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и, аби жа ко адтивзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и – ‘гим̣ ну ко мам̣ аж̇ж̇а ассад̣̇аммасаарат̇и гааран̣ам̣ гаарзссад̇и, гимассаахам̣ бадигаромий’д̇и ! зваруубоби, бхигкавз, ид̇хзгажжо бхад̣̇ро ассааж̇аанийяо ход̇и. аяам̣, бхигкавз, жад̇уд̇т̇о бхад̣̇ро ассааж̇аанийяо санд̇о сам̣виж̇ж̇амаано логасмим̣. имз ко, бхигкавз, жад̇д̇ааро бхад̣̇раа ассааж̇аанийяаа санд̇о сам̣виж̇ж̇амаанаа логасмим̣.
‘‘Puna caparaṃ, bhikkhave, idhekacco bhadro assājānīyo na heva kho patodacchāyaṃ disvā saṃvijjati saṃvegaṃ āpajjati nāpi lomavedhaviddho saṃvijjati saṃvegaṃ āpajjati nāpi cammavedhaviddho saṃvijjati saṃvegaṃ āpajjati, api ca kho aṭṭhivedhaviddho saṃvijjati saṃvegaṃ āpajjati – ‘kiṃ nu kho maṃ ajja assadammasārathi kāraṇaṃ kāressati, kimassāhaṃ paṭikaromī’ti ! Evarūpopi, bhikkhave, idhekacco bhadro assājānīyo hoti. Ayaṃ, bhikkhave, catuttho bhadro assājānīyo santo saṃvijjamāno lokasmiṃ. Ime kho, bhikkhave, cattāro bhadrā assājānīyā santo saṃvijjamānā lokasmiṃ.
‘‘звамзвам̣ ко, бхигкавз, жад̇д̇ааромз бхад̣̇раа бурисааж̇аанийяаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо бхад̣̇ро бурисааж̇аанийяо сун̣аад̇и – ‘амугасмим̣ наама г̇аамз ваа ниг̇амз ваа ид̇т̇ий ваа бурисо ваа д̣̇угкид̇о ваа гаалан̇гад̇о 3 ваа’д̇и. со д̇зна сам̣виж̇ж̇ад̇и, сам̣взг̇ам̣ аабаж̇ж̇ад̇и. сам̣виг̇г̇о яонисо бад̣̇ахад̇и. бахид̇ад̇д̇о гааязна жзва барамасажжам̣ 4 сажчигарод̇и, бан̃н̃ааяа жа ад̇ивиж̇жха бассад̇и. сзяяат̇ааби со, бхигкавз, бхад̣̇ро ассааж̇аанийяо бад̇од̣̇ажчааяам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и; д̇ат̇уубамаахам̣, бхигкавз, имам̣ бхад̣̇рам̣ бурисааж̇аанийяам̣ вад̣̇аами. зваруубоби, бхигкавз, ид̇хзгажжо бхад̣̇ро бурисааж̇аанийяо ход̇и. аяам̣, бхигкавз, батамо бхад̣̇ро бурисааж̇аанийяо санд̇о сам̣виж̇ж̇амаано логасмим̣.
‘‘Evamevaṃ kho, bhikkhave, cattārome bhadrā purisājānīyā santo saṃvijjamānā lokasmiṃ. Katame cattāro? Idha, bhikkhave, ekacco bhadro purisājānīyo suṇāti – ‘amukasmiṃ nāma gāme vā nigame vā itthī vā puriso vā dukkhito vā kālaṅkato 5 vā’ti. So tena saṃvijjati, saṃvegaṃ āpajjati. Saṃviggo yoniso padahati. Pahitatto kāyena ceva paramasaccaṃ 6 sacchikaroti, paññāya ca ativijjha passati. Seyyathāpi so, bhikkhave, bhadro assājānīyo patodacchāyaṃ disvā saṃvijjati saṃvegaṃ āpajjati; tathūpamāhaṃ, bhikkhave, imaṃ bhadraṃ purisājānīyaṃ vadāmi. Evarūpopi, bhikkhave, idhekacco bhadro purisājānīyo hoti. Ayaṃ, bhikkhave, paṭhamo bhadro purisājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро бурисааж̇аанийяо на хзва ко сун̣аад̇и – ‘амугасмим̣ наама г̇аамз ваа ниг̇амз ваа ид̇т̇ий ваа бурисо ваа д̣̇угкид̇о ваа гаалан̇гад̇о ваа’д̇и, аби жа ко саамам̣ бассад̇и ид̇т̇им̣ ваа бурисам̣ ваа д̣̇угкид̇ам̣ ваа гаалан̇гад̇ам̣ ваа. со д̇зна сам̣виж̇ж̇ад̇и, сам̣взг̇ам̣ аабаж̇ж̇ад̇и. сам̣виг̇г̇о яонисо бад̣̇ахад̇и. бахид̇ад̇д̇о гааязна жзва барамасажжам̣ сажчигарод̇и, бан̃н̃ааяа жа ад̇ивиж̇жха бассад̇и. сзяяат̇ааби со, бхигкавз, бхад̣̇ро ассааж̇аанийяо ломавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и; д̇ат̇уубамаахам̣, бхигкавз, имам̣ бхад̣̇рам̣ бурисааж̇аанийяам̣ вад̣̇аами. зваруубоби, бхигкавз, ид̇хзгажжо бхад̣̇ро бурисааж̇аанийяо ход̇и. аяам̣, бхигкавз, д̣̇уд̇ияо бхад̣̇ро бурисааж̇аанийяо санд̇о сам̣виж̇ж̇амаано логасмим̣.
‘‘Puna caparaṃ, bhikkhave, idhekacco bhadro purisājānīyo na heva kho suṇāti – ‘amukasmiṃ nāma gāme vā nigame vā itthī vā puriso vā dukkhito vā kālaṅkato vā’ti, api ca kho sāmaṃ passati itthiṃ vā purisaṃ vā dukkhitaṃ vā kālaṅkataṃ vā. So tena saṃvijjati, saṃvegaṃ āpajjati. Saṃviggo yoniso padahati. Pahitatto kāyena ceva paramasaccaṃ sacchikaroti, paññāya ca ativijjha passati. Seyyathāpi so, bhikkhave, bhadro assājānīyo lomavedhaviddho saṃvijjati saṃvegaṃ āpajjati; tathūpamāhaṃ, bhikkhave, imaṃ bhadraṃ purisājānīyaṃ vadāmi. Evarūpopi, bhikkhave, idhekacco bhadro purisājānīyo hoti. Ayaṃ, bhikkhave, dutiyo bhadro purisājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро бурисааж̇аанийяо на хзва ко сун̣аад̇и – ‘амугасмим̣ наама г̇аамз ваа ниг̇амз ваа ид̇т̇ий ваа бурисо ваа д̣̇угкид̇о ваа гаалан̇гад̇о ваа’д̇и, нааби саамам̣ бассад̇и ид̇т̇им̣ ваа бурисам̣ ваа д̣̇угкид̇ам̣ ваа гаалан̇гад̇ам̣ ваа, аби жа квасса н̃аад̇и ваа саалохид̇о ваа д̣̇угкид̇о ваа ход̇и гаалан̇гад̇о ваа. со д̇зна сам̣виж̇ж̇ад̇и, сам̣взг̇ам̣ аабаж̇ж̇ад̇и. сам̣виг̇г̇о яонисо бад̣̇ахад̇и. бахид̇ад̇д̇о гааязна жзва барамасажжам̣ сажчигарод̇и, бан̃н̃ааяа жа ад̇ивиж̇жха бассад̇и. сзяяат̇ааби со, бхигкавз, бхад̣̇ро ассааж̇аанийяо жаммавзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и; д̇ат̇уубамаахам̣, бхигкавз, имам̣ бхад̣̇рам̣ бурисааж̇аанийяам̣ вад̣̇аами. зваруубоби, бхигкавз, ид̇хзгажжо бхад̣̇ро бурисааж̇аанийяо ход̇и. аяам̣, бхигкавз, д̇ад̇ияо бхад̣̇ро бурисааж̇аанийяо санд̇о сам̣виж̇ж̇амаано логасмим̣.
‘‘Puna caparaṃ, bhikkhave, idhekacco bhadro purisājānīyo na heva kho suṇāti – ‘amukasmiṃ nāma gāme vā nigame vā itthī vā puriso vā dukkhito vā kālaṅkato vā’ti, nāpi sāmaṃ passati itthiṃ vā purisaṃ vā dukkhitaṃ vā kālaṅkataṃ vā, api ca khvassa ñāti vā sālohito vā dukkhito vā hoti kālaṅkato vā. So tena saṃvijjati, saṃvegaṃ āpajjati. Saṃviggo yoniso padahati. Pahitatto kāyena ceva paramasaccaṃ sacchikaroti, paññāya ca ativijjha passati. Seyyathāpi so, bhikkhave, bhadro assājānīyo cammavedhaviddho saṃvijjati saṃvegaṃ āpajjati; tathūpamāhaṃ, bhikkhave, imaṃ bhadraṃ purisājānīyaṃ vadāmi. Evarūpopi, bhikkhave, idhekacco bhadro purisājānīyo hoti. Ayaṃ, bhikkhave, tatiyo bhadro purisājānīyo santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо бхад̣̇ро бурисааж̇аанийяо на хзва ко сун̣аад̇и – ‘амугасмим̣ наама г̇аамз ваа ниг̇амз ваа ид̇т̇ий ваа бурисо ваа д̣̇угкид̇о ваа гаалан̇гад̇о ваа’д̇и, нааби саамам̣ бассад̇и ид̇т̇им̣ ваа бурисам̣ ваа д̣̇угкид̇ам̣ ваа гаалан̇гад̇ам̣ ваа, наабисса н̃аад̇и ваа саалохид̇о ваа д̣̇угкид̇о ваа ход̇и гаалан̇гад̇о ваа, аби жа ко сааман̃н̃зва пудто ход̇и саарийригаахи взд̣̇анаахи д̣̇угкаахи д̇иб̣б̣аахи 7 караахи гадугаахи асаад̇аахи аманаабаахи баан̣ахараахи. со д̇зна сам̣виж̇ж̇ад̇и, сам̣взг̇ам̣ аабаж̇ж̇ад̇и. сам̣виг̇г̇о яонисо бад̣̇ахад̇и. бахид̇ад̇д̇о гааязна жзва барамасажжам̣ сажчигарод̇и, бан̃н̃ааяа жа ад̇ивиж̇жха бассад̇и. сзяяат̇ааби со, бхигкавз, бхад̣̇ро ассааж̇аанийяо адтивзд̇хавид̣̇д̇хо сам̣виж̇ж̇ад̇и сам̣взг̇ам̣ аабаж̇ж̇ад̇и; д̇ат̇уубамаахам̣, бхигкавз, имам̣ бхад̣̇рам̣ бурисааж̇аанийяам̣ вад̣̇аами. зваруубоби, бхигкавз, ид̇хзгажжо бхад̣̇ро бурисааж̇аанийяо ход̇и. аяам̣, бхигкавз, жад̇уд̇т̇о бхад̣̇ро бурисааж̇аанийяо санд̇о сам̣виж̇ж̇амаано логасмим̣. имз ко, бхигкавз, жад̇д̇ааро бхад̣̇раа бурисааж̇аанийяаа санд̇о сам̣виж̇ж̇амаанаа логасми’’нд̇и. д̇ад̇ияам̣.
‘‘Puna caparaṃ, bhikkhave, idhekacco bhadro purisājānīyo na heva kho suṇāti – ‘amukasmiṃ nāma gāme vā nigame vā itthī vā puriso vā dukkhito vā kālaṅkato vā’ti, nāpi sāmaṃ passati itthiṃ vā purisaṃ vā dukkhitaṃ vā kālaṅkataṃ vā, nāpissa ñāti vā sālohito vā dukkhito vā hoti kālaṅkato vā, api ca kho sāmaññeva phuṭṭho hoti sārīrikāhi vedanāhi dukkhāhi tibbāhi 8 kharāhi kaṭukāhi asātāhi amanāpāhi pāṇaharāhi. So tena saṃvijjati, saṃvegaṃ āpajjati. Saṃviggo yoniso padahati. Pahitatto kāyena ceva paramasaccaṃ sacchikaroti, paññāya ca ativijjha passati. Seyyathāpi so, bhikkhave, bhadro assājānīyo aṭṭhivedhaviddho saṃvijjati saṃvegaṃ āpajjati; tathūpamāhaṃ, bhikkhave, imaṃ bhadraṃ purisājānīyaṃ vadāmi. Evarūpopi, bhikkhave, idhekacco bhadro purisājānīyo hoti. Ayaṃ, bhikkhave, catuttho bhadro purisājānīyo santo saṃvijjamāno lokasmiṃ. Ime kho, bhikkhave, cattāro bhadrā purisājānīyā santo saṃvijjamānā lokasmi’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. бад̇од̣̇асуд̇д̇аван̣н̣анаа • 3. Patodasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. гзсисуд̇д̇аад̣̇иван̣н̣анаа • 1-7. Kesisuttādivaṇṇanā
