| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ปโตทสุตฺตวณฺณนา
3. Patodasuttavaṇṇanā
๑๑๓. ตติเย ปโตทจฺฉายนฺติ วิชฺฌนตฺถํ อุกฺขิตฺตสฺส ปโตทสฺส ฉายํฯ สํวิชฺชตีติ ‘‘ชโว เม คเหตโพฺพ’’ติ สลฺลกฺขณวเสน สํวิชฺชติฯ สํเวคํ อาปชฺชตีติ สํเวคํ ปฎิปชฺชติ โลมเวธวิโทฺธติ โลมกูเป ปโตทเวเธน วิทฺธมโตฺตฯ จมฺมเวธวิโทฺธติ ฉวิจมฺมํ ฉินฺทเนฺตน ปโตทเวเธน วิโทฺธฯ อฎฺฐิเวธวิโทฺธติ อฎฺฐิํ ภินฺทเนฺตน เวเธน วิโทฺธฯ กาเยนาติ นามกาเยนฯ ปรมสจฺจนฺติ นิพฺพานํฯ สจฺฉิกโรตีติ ปสฺสติฯ ปญฺญายาติ สหวิปสฺสนาย มคฺคปญฺญายฯ
113. Tatiye patodacchāyanti vijjhanatthaṃ ukkhittassa patodassa chāyaṃ. Saṃvijjatīti ‘‘javo me gahetabbo’’ti sallakkhaṇavasena saṃvijjati. Saṃvegaṃ āpajjatīti saṃvegaṃ paṭipajjati lomavedhaviddhoti lomakūpe patodavedhena viddhamatto. Cammavedhaviddhoti chavicammaṃ chindantena patodavedhena viddho. Aṭṭhivedhaviddhoti aṭṭhiṃ bhindantena vedhena viddho. Kāyenāti nāmakāyena. Paramasaccanti nibbānaṃ. Sacchikarotīti passati. Paññāyāti sahavipassanāya maggapaññāya.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ปโตทสุตฺตํ • 3. Patodasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๗. เกสิสุตฺตาทิวณฺณนา • 1-7. Kesisuttādivaṇṇanā
