| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၆. ပတ္တဒာယကတ္ထေရအပဒာနံ
6. Pattadāyakattheraapadānaṃ
၂၀.
20.
‘‘ပရမေန ဒမထေန၊ သိဒ္ဓတ္ထသ္သ မဟေသိနော။
‘‘Paramena damathena, siddhatthassa mahesino;
ပတ္တဒာနံ မယာ ဒိန္နံ၊ ဥဇုဘူတသ္သ တာဒိနော။
Pattadānaṃ mayā dinnaṃ, ujubhūtassa tādino.
၂၁.
21.
‘‘စတုန္နဝုတိတော ကပ္ပေ၊ ယံ ဒာနမဒဒိံ တဒာ။
‘‘Catunnavutito kappe, yaṃ dānamadadiṃ tadā;
ဒုဂ္ဂတိံ နာဘိဇာနာမိ၊ ပတ္တဒာနသ္သိဒံ ဖလံ။
Duggatiṃ nābhijānāmi, pattadānassidaṃ phalaṃ.
၂၂.
22.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ ပတ္တဒာယကော ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā pattadāyako thero imā gāthāyo abhāsitthāti.
ပတ္တဒာယကတ္ထေရသ္သာပဒာနံ ဆဋ္ဌံ။
Pattadāyakattherassāpadānaṃ chaṭṭhaṃ.
