| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(7) 2. бад̇д̇агаммаваг̇г̇о
(7) 2. Pattakammavaggo
1-4. бад̇д̇агаммасуд̇д̇аад̣̇иван̣н̣анаа
1-4. Pattakammasuttādivaṇṇanā
61-64. д̣̇уд̇ияасса батамз яз анидтаа на хонд̇и, д̇з идтаад̇и ад̇хиббзд̇аад̇и ааха ‘‘анидтабадигкзбзна идтаа’’д̇и. идтаад̇и жа барияидтаа ваа ход̇у маа ваа, идтаарамман̣абхууд̇аад̇и ад̇т̇о. г̇авзсид̇амби хи идтанд̇и вужжад̇и, д̇ам̣ ид̇ха наад̇хиббзд̇ам̣. манзд̇и манасмим̣. ганд̇аад̇и ваа гаманийяаа, гаамзд̇аб̣б̣аад̇и ад̇т̇о. манам̣ аббааяанд̇ийд̇и идтабхаавзна манам̣ вад̣дхзнд̇и. гаммасаад̇хано ид̇ха бхог̇а-сад̣̇д̣̇од̇и ааха ‘‘бхог̇аад̇и бхун̃ж̇ид̇аб̣б̣аа’’д̇иаад̣̇и. д̇хаммуубагхаад̇ам̣ гад̇ваа гусалад̇хаммам̣ винод̣̇зд̇ваа. убаниж̇жхааяийяанд̇ийд̇и убаж̇жхааяаад̇и ааха ‘‘сукад̣̇угкзсу убаниж̇жхааяид̇аб̣б̣ад̇д̇аа’’д̇и, сукад̣̇угкзсу уббаннзсу ануссарид̇аб̣б̣ад̇д̇аад̇и ад̇т̇о. санд̣̇идтасамбхад̇д̇зхийд̇и зд̇т̇а д̇ад̇т̇а д̇ад̇т̇а сан̇г̇амма д̣̇идтамад̇д̇аа наад̇ид̣̇ал̣хамид̇д̇аа санд̣̇идтаа, судту бхад̇д̇аа синзхаванд̇о д̣̇ал̣хамид̇д̇аа самбхад̇д̇аа.
61-64. Dutiyassa paṭhame ye aniṭṭhā na honti, te iṭṭhāti adhippetāti āha ‘‘aniṭṭhapaṭikkhepena iṭṭhā’’ti. Iṭṭhāti ca pariyiṭṭhā vā hotu mā vā, iṭṭhārammaṇabhūtāti attho. Gavesitampi hi iṭṭhanti vuccati, taṃ idha nādhippetaṃ. Maneti manasmiṃ. Kantāti vā kamanīyā, kāmetabbāti attho. Manaṃ appāyantīti iṭṭhabhāvena manaṃ vaḍḍhenti. Kammasādhano idha bhoga-saddoti āha ‘‘bhogāti bhuñjitabbā’’tiādi. Dhammūpaghātaṃ katvā kusaladhammaṃ vinodetvā. Upanijjhāyīyantīti upajjhāyāti āha ‘‘sukhadukkhesu upanijjhāyitabbattā’’ti, sukhadukkhesu uppannesu anussaritabbattāti attho. Sandiṭṭhasambhattehīti ettha tattha tattha saṅgamma diṭṭhamattā nātidaḷhamittā sandiṭṭhā, suṭṭhu bhattā sinehavanto daḷhamittā sambhattā.
висамалобханд̇и б̣алавалобхам̣. сукид̇анд̇и сан̃ж̇аад̇асукам̣. бийн̣ид̇анд̇и д̇хаад̇ам̣ сухид̇ам̣. д̇ат̇аабхууд̇о бана яасмаа б̣аласамбанно ход̇и, д̇асмаа ‘‘б̣аласамбаннам̣ гарод̇ий’’д̇и вуд̇д̇ам̣.
Visamalobhanti balavalobhaṃ. Sukhitanti sañjātasukhaṃ. Pīṇitanti dhātaṃ suhitaṃ. Tathābhūto pana yasmā balasampanno hoti, tasmā ‘‘balasampannaṃ karotī’’ti vuttaṃ.
собханз гааяигаваажасигагаммз рад̇од̇и суурад̇о угаарасса д̣̇ийгхам̣ гад̇ваа, д̇асса бхааво соражжам̣, гааяигаваажасиго авийд̇иггамо. со бана ад̇т̇ад̇о сусийлабхаавод̇и ааха ‘‘канд̇исоражжз нивидтаад̇и ад̇хиваасанагканд̇ияан̃жа сусийлад̇ааяа жа нивидтаа’’д̇и. згамад̇д̇аананд̇и згам̣ жид̇д̇анд̇и ад̇т̇о. рааг̇аад̣̇ийнан̃хи буб̣б̣абхааг̇ияам̣ д̣̇аманаад̣̇и бажжзгам̣ ижчид̇аб̣б̣ам̣, на маг̇г̇агкан̣з вияа згаж̇жхам̣ бадисан̇каанамукзна баж̇аханад̇о. згамад̇д̇аананд̇и ваа вивзгавасзна згам̣ згаагинам̣ ад̇д̇аанам̣. д̇знзвааха ‘‘згам̣ ад̇д̇анова ад̇д̇абхаава’’нд̇иаад̣̇и. убаруубарибхуумийсууд̇и чагаамасаг̇г̇асан̇каад̇аасу убаруубаригаамабхуумийсу. гаммасса палам̣ аг̇г̇ам̣ наама. д̇ам̣ банзд̇т̇а ужжаг̇аамийд̇и ааха ‘‘уд̣̇д̇хамаг̇г̇амассаа’’д̇и. суваг̇г̇з нияуд̇д̇аа, суваг̇г̇аббаяож̇анаад̇и ваа соваг̇г̇игаа. д̣̇асаннам̣ висзсаананд̇и д̣̇иб̣б̣аааяуван̣н̣аяасасукааад̇хибад̇зяяаанан̃жзва идтаруубаад̣̇ийнан̃жа палависзсаанам̣. ван̣н̣аг̇г̇ахан̣зна жзд̇т̇а саго ад̇д̇абхаававан̣н̣о г̇ахид̇о, руубаг̇г̇ахан̣зна б̣ахид̣̇д̇хаа руубаарамман̣ам̣. д̣̇уд̇ияад̇ад̇ияажад̇уд̇т̇аани уд̇д̇аанад̇т̇аанзва.
Sobhane kāyikavācasikakamme ratoti sūrato ukārassa dīghaṃ katvā, tassa bhāvo soraccaṃ, kāyikavācasiko avītikkamo. So pana atthato susīlabhāvoti āha ‘‘khantisoracce niviṭṭhāti adhivāsanakkhantiyañca susīlatāya ca niviṭṭhā’’ti. Ekamattānanti ekaṃ cittanti attho. Rāgādīnañhi pubbabhāgiyaṃ damanādi paccekaṃ icchitabbaṃ, na maggakkhaṇe viya ekajjhaṃ paṭisaṅkhānamukhena pajahanato. Ekamattānanti vā vivekavasena ekaṃ ekākinaṃ attānaṃ. Tenevāha ‘‘ekaṃ attanova attabhāva’’ntiādi. Uparūparibhūmīsūti chakāmasaggasaṅkhātāsu uparūparikāmabhūmīsu. Kammassa phalaṃ aggaṃ nāma. Taṃ panettha uccagāmīti āha ‘‘uddhamaggamassā’’ti. Suvagge niyuttā, suvaggappayojanāti vā sovaggikā. Dasannaṃ visesānanti dibbaāyuvaṇṇayasasukhaādhipateyyānañceva iṭṭharūpādīnañca phalavisesānaṃ. Vaṇṇaggahaṇena cettha sako attabhāvavaṇṇo gahito, rūpaggahaṇena bahiddhā rūpārammaṇaṃ. Dutiyatatiyacatutthāni uttānatthāneva.
бад̇д̇агаммасуд̇д̇аад̣̇иван̣н̣анаа нидтид̇аа.
Pattakammasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. бад̇д̇агаммасуд̇д̇ам̣ • 1. Pattakammasuttaṃ
2. аанан̣яасуд̇д̇ам̣ • 2. Ānaṇyasuttaṃ
3. б̣рахмасуд̇д̇ам̣ • 3. Brahmasuttaṃ
4. нираяасуд̇д̇ам̣ • 4. Nirayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. бад̇д̇агаммасуд̇д̇аван̣н̣анаа • 1. Pattakammasuttavaṇṇanā
2. аанан̣яасуд̇д̇аван̣н̣анаа • 2. Ānaṇyasuttavaṇṇanā
3. б̣рахмасуд̇д̇аван̣н̣анаа • 3. Brahmasuttavaṇṇanā
