| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੭) ੨. ਪਤ੍ਤਕਮ੍ਮવਗ੍ਗੋ
(7) 2. Pattakammavaggo
੧-੪. ਪਤ੍ਤਕਮ੍ਮਸੁਤ੍ਤਾਦਿવਣ੍ਣਨਾ
1-4. Pattakammasuttādivaṇṇanā
੬੧-੬੪. ਦੁਤਿਯਸ੍ਸ ਪਠਮੇ ਯੇ ਅਨਿਟ੍ਠਾ ਨ ਹੋਨ੍ਤਿ, ਤੇ ਇਟ੍ਠਾਤਿ ਅਧਿਪ੍ਪੇਤਾਤਿ ਆਹ ‘‘ਅਨਿਟ੍ਠਪਟਿਕ੍ਖੇਪੇਨ ਇਟ੍ਠਾ’’ਤਿ। ਇਟ੍ਠਾਤਿ ਚ ਪਰਿਯਿਟ੍ਠਾ વਾ ਹੋਤੁ ਮਾ વਾ, ਇਟ੍ਠਾਰਮ੍ਮਣਭੂਤਾਤਿ ਅਤ੍ਥੋ। ਗવੇਸਿਤਮ੍ਪਿ ਹਿ ਇਟ੍ਠਨ੍ਤਿ વੁਚ੍ਚਤਿ, ਤਂ ਇਧ ਨਾਧਿਪ੍ਪੇਤਂ। ਮਨੇਤਿ ਮਨਸ੍ਮਿਂ। ਕਨ੍ਤਾਤਿ વਾ ਕਮਨੀਯਾ, ਕਾਮੇਤਬ੍ਬਾਤਿ ਅਤ੍ਥੋ। ਮਨਂ ਅਪ੍ਪਾਯਨ੍ਤੀਤਿ ਇਟ੍ਠਭਾવੇਨ ਮਨਂ વਡ੍ਢੇਨ੍ਤਿ। ਕਮ੍ਮਸਾਧਨੋ ਇਧ ਭੋਗ-ਸਦ੍ਦੋਤਿ ਆਹ ‘‘ਭੋਗਾਤਿ ਭੁਞ੍ਜਿਤਬ੍ਬਾ’’ਤਿਆਦਿ। ਧਮ੍ਮੂਪਘਾਤਂ ਕਤ੍વਾ ਕੁਸਲਧਮ੍ਮਂ વਿਨੋਦੇਤ੍વਾ। ਉਪਨਿਜ੍ਝਾਯੀਯਨ੍ਤੀਤਿ ਉਪਜ੍ਝਾਯਾਤਿ ਆਹ ‘‘ਸੁਖਦੁਕ੍ਖੇਸੁ ਉਪਨਿਜ੍ਝਾਯਿਤਬ੍ਬਤ੍ਤਾ’’ਤਿ, ਸੁਖਦੁਕ੍ਖੇਸੁ ਉਪ੍ਪਨ੍ਨੇਸੁ ਅਨੁਸ੍ਸਰਿਤਬ੍ਬਤ੍ਤਾਤਿ ਅਤ੍ਥੋ। ਸਨ੍ਦਿਟ੍ਠਸਮ੍ਭਤ੍ਤੇਹੀਤਿ ਏਤ੍ਥ ਤਤ੍ਥ ਤਤ੍ਥ ਸਙ੍ਗਮ੍ਮ ਦਿਟ੍ਠਮਤ੍ਤਾ ਨਾਤਿਦਲ਼੍ਹਮਿਤ੍ਤਾ ਸਨ੍ਦਿਟ੍ਠਾ, ਸੁਟ੍ਠੁ ਭਤ੍ਤਾ ਸਿਨੇਹવਨ੍ਤੋ ਦਲ਼੍ਹਮਿਤ੍ਤਾ ਸਮ੍ਭਤ੍ਤਾ।
61-64. Dutiyassa paṭhame ye aniṭṭhā na honti, te iṭṭhāti adhippetāti āha ‘‘aniṭṭhapaṭikkhepena iṭṭhā’’ti. Iṭṭhāti ca pariyiṭṭhā vā hotu mā vā, iṭṭhārammaṇabhūtāti attho. Gavesitampi hi iṭṭhanti vuccati, taṃ idha nādhippetaṃ. Maneti manasmiṃ. Kantāti vā kamanīyā, kāmetabbāti attho. Manaṃ appāyantīti iṭṭhabhāvena manaṃ vaḍḍhenti. Kammasādhano idha bhoga-saddoti āha ‘‘bhogāti bhuñjitabbā’’tiādi. Dhammūpaghātaṃ katvā kusaladhammaṃ vinodetvā. Upanijjhāyīyantīti upajjhāyāti āha ‘‘sukhadukkhesu upanijjhāyitabbattā’’ti, sukhadukkhesu uppannesu anussaritabbattāti attho. Sandiṭṭhasambhattehīti ettha tattha tattha saṅgamma diṭṭhamattā nātidaḷhamittā sandiṭṭhā, suṭṭhu bhattā sinehavanto daḷhamittā sambhattā.
વਿਸਮਲੋਭਨ੍ਤਿ ਬਲવਲੋਭਂ। ਸੁਖਿਤਨ੍ਤਿ ਸਞ੍ਜਾਤਸੁਖਂ। ਪੀਣਿਤਨ੍ਤਿ ਧਾਤਂ ਸੁਹਿਤਂ। ਤਥਾਭੂਤੋ ਪਨ ਯਸ੍ਮਾ ਬਲਸਮ੍ਪਨ੍ਨੋ ਹੋਤਿ, ਤਸ੍ਮਾ ‘‘ਬਲਸਮ੍ਪਨ੍ਨਂ ਕਰੋਤੀ’’ਤਿ વੁਤ੍ਤਂ।
Visamalobhanti balavalobhaṃ. Sukhitanti sañjātasukhaṃ. Pīṇitanti dhātaṃ suhitaṃ. Tathābhūto pana yasmā balasampanno hoti, tasmā ‘‘balasampannaṃ karotī’’ti vuttaṃ.
ਸੋਭਨੇ ਕਾਯਿਕવਾਚਸਿਕਕਮ੍ਮੇ ਰਤੋਤਿ ਸੂਰਤੋ ਉਕਾਰਸ੍ਸ ਦੀਘਂ ਕਤ੍વਾ, ਤਸ੍ਸ ਭਾવੋ ਸੋਰਚ੍ਚਂ, ਕਾਯਿਕવਾਚਸਿਕੋ ਅવੀਤਿਕ੍ਕਮੋ। ਸੋ ਪਨ ਅਤ੍ਥਤੋ ਸੁਸੀਲਭਾવੋਤਿ ਆਹ ‘‘ਖਨ੍ਤਿਸੋਰਚ੍ਚੇ ਨਿવਿਟ੍ਠਾਤਿ ਅਧਿવਾਸਨਕ੍ਖਨ੍ਤਿਯਞ੍ਚ ਸੁਸੀਲਤਾਯ ਚ ਨਿવਿਟ੍ਠਾ’’ਤਿ। ਏਕਮਤ੍ਤਾਨਨ੍ਤਿ ਏਕਂ ਚਿਤ੍ਤਨ੍ਤਿ ਅਤ੍ਥੋ। ਰਾਗਾਦੀਨਞ੍ਹਿ ਪੁਬ੍ਬਭਾਗਿਯਂ ਦਮਨਾਦਿ ਪਚ੍ਚੇਕਂ ਇਚ੍ਛਿਤਬ੍ਬਂ, ਨ ਮਗ੍ਗਕ੍ਖਣੇ વਿਯ ਏਕਜ੍ਝਂ ਪਟਿਸਙ੍ਖਾਨਮੁਖੇਨ ਪਜਹਨਤੋ। ਏਕਮਤ੍ਤਾਨਨ੍ਤਿ વਾ વਿવੇਕવਸੇਨ ਏਕਂ ਏਕਾਕਿਨਂ ਅਤ੍ਤਾਨਂ। ਤੇਨੇવਾਹ ‘‘ਏਕਂ ਅਤ੍ਤਨੋવ ਅਤ੍ਤਭਾવ’’ਨ੍ਤਿਆਦਿ। ਉਪਰੂਪਰਿਭੂਮੀਸੂਤਿ ਛਕਾਮਸਗ੍ਗਸਙ੍ਖਾਤਾਸੁ ਉਪਰੂਪਰਿਕਾਮਭੂਮੀਸੁ। ਕਮ੍ਮਸ੍ਸ ਫਲਂ ਅਗ੍ਗਂ ਨਾਮ। ਤਂ ਪਨੇਤ੍ਥ ਉਚ੍ਚਗਾਮੀਤਿ ਆਹ ‘‘ਉਦ੍ਧਮਗ੍ਗਮਸ੍ਸਾ’’ਤਿ। ਸੁવਗ੍ਗੇ ਨਿਯੁਤ੍ਤਾ, ਸੁવਗ੍ਗਪ੍ਪਯੋਜਨਾਤਿ વਾ ਸੋવਗ੍ਗਿਕਾ। ਦਸਨ੍ਨਂ વਿਸੇਸਾਨਨ੍ਤਿ ਦਿਬ੍ਬਆਯੁવਣ੍ਣਯਸਸੁਖਆਧਿਪਤੇਯ੍ਯਾਨਞ੍ਚੇવ ਇਟ੍ਠਰੂਪਾਦੀਨਞ੍ਚ ਫਲવਿਸੇਸਾਨਂ। વਣ੍ਣਗ੍ਗਹਣੇਨ ਚੇਤ੍ਥ ਸਕੋ ਅਤ੍ਤਭਾવવਣ੍ਣੋ ਗਹਿਤੋ, ਰੂਪਗ੍ਗਹਣੇਨ ਬਹਿਦ੍ਧਾ ਰੂਪਾਰਮ੍ਮਣਂ। ਦੁਤਿਯਤਤਿਯਚਤੁਤ੍ਥਾਨਿ ਉਤ੍ਤਾਨਤ੍ਥਾਨੇવ।
Sobhane kāyikavācasikakamme ratoti sūrato ukārassa dīghaṃ katvā, tassa bhāvo soraccaṃ, kāyikavācasiko avītikkamo. So pana atthato susīlabhāvoti āha ‘‘khantisoracce niviṭṭhāti adhivāsanakkhantiyañca susīlatāya ca niviṭṭhā’’ti. Ekamattānanti ekaṃ cittanti attho. Rāgādīnañhi pubbabhāgiyaṃ damanādi paccekaṃ icchitabbaṃ, na maggakkhaṇe viya ekajjhaṃ paṭisaṅkhānamukhena pajahanato. Ekamattānanti vā vivekavasena ekaṃ ekākinaṃ attānaṃ. Tenevāha ‘‘ekaṃ attanova attabhāva’’ntiādi. Uparūparibhūmīsūti chakāmasaggasaṅkhātāsu uparūparikāmabhūmīsu. Kammassa phalaṃ aggaṃ nāma. Taṃ panettha uccagāmīti āha ‘‘uddhamaggamassā’’ti. Suvagge niyuttā, suvaggappayojanāti vā sovaggikā. Dasannaṃ visesānanti dibbaāyuvaṇṇayasasukhaādhipateyyānañceva iṭṭharūpādīnañca phalavisesānaṃ. Vaṇṇaggahaṇena cettha sako attabhāvavaṇṇo gahito, rūpaggahaṇena bahiddhā rūpārammaṇaṃ. Dutiyatatiyacatutthāni uttānatthāneva.
ਪਤ੍ਤਕਮ੍ਮਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Pattakammasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਪਤ੍ਤਕਮ੍ਮਸੁਤ੍ਤਂ • 1. Pattakammasuttaṃ
੨. ਆਨਣ੍ਯਸੁਤ੍ਤਂ • 2. Ānaṇyasuttaṃ
੩. ਬ੍ਰਹ੍ਮਸੁਤ੍ਤਂ • 3. Brahmasuttaṃ
੪. ਨਿਰਯਸੁਤ੍ਤਂ • 4. Nirayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਪਤ੍ਤਕਮ੍ਮਸੁਤ੍ਤવਣ੍ਣਨਾ • 1. Pattakammasuttavaṇṇanā
੨. ਆਨਣ੍ਯਸੁਤ੍ਤવਣ੍ਣਨਾ • 2. Ānaṇyasuttavaṇṇanā
੩. ਬ੍ਰਹ੍ਮਸੁਤ੍ਤવਣ੍ਣਨਾ • 3. Brahmasuttavaṇṇanā
