| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(7) 2. бад̇д̇агаммаваг̇г̇о
(7) 2. Pattakammavaggo
1. бад̇д̇агаммасуд̇д̇ам̣
1. Pattakammasuttaṃ
61. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа –
61. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘жад̇д̇ааромз , г̇ахабад̇и, д̇хаммаа идтаа ганд̇аа манаабаа д̣̇уллабхаа логасмим̣. гад̇амз жад̇д̇ааро? бхог̇аа мз уббаж̇ж̇анд̇у сахад̇хаммзнаад̇и, аяам̣ батамо д̇хаммо идто ганд̇о манаабо д̣̇уллабхо логасмим̣.
‘‘Cattārome , gahapati, dhammā iṭṭhā kantā manāpā dullabhā lokasmiṃ. Katame cattāro? Bhogā me uppajjantu sahadhammenāti, ayaṃ paṭhamo dhammo iṭṭho kanto manāpo dullabho lokasmiṃ.
‘‘бхог̇з лад̣̇д̇хаа сахад̇хаммзна яасо мз ааг̇ажчад̇у саха н̃аад̇ийхи саха убаж̇жхааязхийд̇и, аяам̣ д̣̇уд̇ияо д̇хаммо идто ганд̇о манаабо д̣̇уллабхо логасмим̣.
‘‘Bhoge laddhā sahadhammena yaso me āgacchatu saha ñātīhi saha upajjhāyehīti, ayaṃ dutiyo dhammo iṭṭho kanto manāpo dullabho lokasmiṃ.
‘‘бхог̇з лад̣̇д̇хаа сахад̇хаммзна яасам̣ лад̣̇д̇хаа саха н̃аад̇ийхи саха убаж̇жхааязхи жирам̣ ж̇ийваами д̣̇ийгхамааяум̣ баалзмийд̇и, аяам̣ д̇ад̇ияо д̇хаммо идто ганд̇о манаабо д̣̇уллабхо логасмим̣.
‘‘Bhoge laddhā sahadhammena yasaṃ laddhā saha ñātīhi saha upajjhāyehi ciraṃ jīvāmi dīghamāyuṃ pālemīti, ayaṃ tatiyo dhammo iṭṭho kanto manāpo dullabho lokasmiṃ.
‘‘бхог̇з лад̣̇д̇хаа сахад̇хаммзна яасам̣ лад̣̇д̇хаа саха н̃аад̇ийхи саха убаж̇жхааязхи жирам̣ ж̇ийвид̇ваа д̣̇ийгхамааяум̣ баалзд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇аамийд̇и, аяам̣ жад̇уд̇т̇о д̇хаммо идто ганд̇о манаабо д̣̇уллабхо логасмим̣. имз ко, г̇ахабад̇и, жад̇д̇ааро д̇хаммаа идтаа ганд̇аа манаабаа д̣̇уллабхаа логасмим̣.
‘‘Bhoge laddhā sahadhammena yasaṃ laddhā saha ñātīhi saha upajjhāyehi ciraṃ jīvitvā dīghamāyuṃ pāletvā kāyassa bhedā paraṃ maraṇā sugatiṃ saggaṃ lokaṃ upapajjāmīti, ayaṃ catuttho dhammo iṭṭho kanto manāpo dullabho lokasmiṃ. Ime kho, gahapati, cattāro dhammā iṭṭhā kantā manāpā dullabhā lokasmiṃ.
‘‘имзсам̣ ко, г̇ахабад̇и, жад̇уннам̣ д̇хаммаанам̣ идтаанам̣ ганд̇аанам̣ манаабаанам̣ д̣̇уллабхаанам̣ логасмим̣ жад̇д̇ааро д̇хаммаа бадилаабхааяа сам̣вад̇д̇анд̇и. гад̇амз жад̇д̇ааро? сад̣̇д̇хаасамбад̣̇аа, сийласамбад̣̇аа, жааг̇асамбад̣̇аа, бан̃н̃аасамбад̣̇аа.
‘‘Imesaṃ kho, gahapati, catunnaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ cattāro dhammā paṭilābhāya saṃvattanti. Katame cattāro? Saddhāsampadā, sīlasampadā, cāgasampadā, paññāsampadā.
‘‘гад̇амаа жа, г̇ахабад̇и, сад̣̇д̇хаасамбад̣̇аа? ид̇ха, г̇ахабад̇и, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и, сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аяам̣ вужжад̇и, г̇ахабад̇и, сад̣̇д̇хаасамбад̣̇аа.
‘‘Katamā ca, gahapati, saddhāsampadā? Idha, gahapati, ariyasāvako saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi, satthā devamanussānaṃ buddho bhagavā’ti. Ayaṃ vuccati, gahapati, saddhāsampadā.
‘‘гад̇амаа жа, г̇ахабад̇и, сийласамбад̣̇аа? ид̇ха, г̇ахабад̇и, арияасааваго баан̣аад̇ибаад̇аа бадивирад̇о ход̇и…бз… сураамзраяамаж̇ж̇абамаад̣̇адтаанаа бадивирад̇о ход̇и. аяам̣ вужжад̇и, г̇ахабад̇и, сийласамбад̣̇аа.
‘‘Katamā ca, gahapati, sīlasampadā? Idha, gahapati, ariyasāvako pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Ayaṃ vuccati, gahapati, sīlasampadā.
‘‘гад̇амаа жа, г̇ахабад̇и, жааг̇асамбад̣̇аа? ид̇ха, г̇ахабад̇и, арияасааваго виг̇ад̇амаламажчзрзна жзд̇асаа аг̇аарам̣ аж̇жхаавасад̇и муд̇д̇ажааг̇о баяад̇абаан̣и восаг̇г̇арад̇о яаажаяог̇о д̣̇аанасам̣вибхааг̇арад̇о. аяам̣ вужжад̇и, г̇ахабад̇и, жааг̇асамбад̣̇аа.
‘‘Katamā ca, gahapati, cāgasampadā? Idha, gahapati, ariyasāvako vigatamalamaccherena cetasā agāraṃ ajjhāvasati muttacāgo payatapāṇi vosaggarato yācayogo dānasaṃvibhāgarato. Ayaṃ vuccati, gahapati, cāgasampadā.
‘‘гад̇амаа жа, г̇ахабад̇и, бан̃н̃аасамбад̣̇аа? абхиж̇жхаависамалобхаабхибхууд̇зна , г̇ахабад̇и, жзд̇асаа вихаранд̇о агижжам̣ гарод̇и, гижжам̣ абараад̇хзд̇и. агижжам̣ гаронд̇о гижжам̣ абараад̇хзнд̇о яасаа жа сукаа жа д̇хам̣сад̇и. б̣яаабаад̣̇аабхибхууд̇зна, г̇ахабад̇и, жзд̇асаа вихаранд̇о агижжам̣ гарод̇и, гижжам̣ абараад̇хзд̇и. агижжам̣ гаронд̇о гижжам̣ абараад̇хзнд̇о яасаа жа сукаа жа д̇хам̣сад̇и. т̇инамид̣̇д̇хаабхибхууд̇зна, г̇ахабад̇и, жзд̇асаа вихаранд̇о агижжам̣ гарод̇и гижжам̣ абараад̇хзд̇и. агижжам̣ гаронд̇о гижжам̣ абараад̇хзнд̇о яасаа жа сукаа жа д̇хам̣сад̇и. уд̣̇д̇хажжагуггужжаабхибхууд̇зна, г̇ахабад̇и, жзд̇асаа вихаранд̇о агижжам̣ гарод̇и, гижжам̣ абараад̇хзд̇и. агижжам̣ гаронд̇о гижжам̣ абараад̇хзнд̇о яасаа жа сукаа жа д̇хам̣сад̇и. вижигижчаабхибхууд̇зна, г̇ахабад̇и, жзд̇асаа вихаранд̇о агижжам̣ гарод̇и, гижжам̣ абараад̇хзд̇и. агижжам̣ гаронд̇о гижжам̣ абараад̇хзнд̇о яасаа жа сукаа жа д̇хам̣сад̇и.
‘‘Katamā ca, gahapati, paññāsampadā? Abhijjhāvisamalobhābhibhūtena , gahapati, cetasā viharanto akiccaṃ karoti, kiccaṃ aparādheti. Akiccaṃ karonto kiccaṃ aparādhento yasā ca sukhā ca dhaṃsati. Byāpādābhibhūtena, gahapati, cetasā viharanto akiccaṃ karoti, kiccaṃ aparādheti. Akiccaṃ karonto kiccaṃ aparādhento yasā ca sukhā ca dhaṃsati. Thinamiddhābhibhūtena, gahapati, cetasā viharanto akiccaṃ karoti kiccaṃ aparādheti. Akiccaṃ karonto kiccaṃ aparādhento yasā ca sukhā ca dhaṃsati. Uddhaccakukkuccābhibhūtena, gahapati, cetasā viharanto akiccaṃ karoti, kiccaṃ aparādheti. Akiccaṃ karonto kiccaṃ aparādhento yasā ca sukhā ca dhaṃsati. Vicikicchābhibhūtena, gahapati, cetasā viharanto akiccaṃ karoti, kiccaṃ aparādheti. Akiccaṃ karonto kiccaṃ aparādhento yasā ca sukhā ca dhaṃsati.
‘‘са ко со, г̇ахабад̇и, арияасааваго абхиж̇жхаависамалобхо жид̇д̇асса убаггилзсод̇и, ид̇и вид̣̇ид̇ваа абхиж̇жхаависамалобхам̣ жид̇д̇асса убаггилзсам̣ баж̇ахад̇и. б̣яаабаад̣̇о жид̇д̇асса убаггилзсод̇и, ид̇и вид̣̇ид̇ваа б̣яаабаад̣̇ам̣ жид̇д̇асса убаггилзсам̣ баж̇ахад̇и. т̇инамид̣̇д̇хам̣ жид̇д̇асса убаггилзсод̇и, ид̇и вид̣̇ид̇ваа т̇инамид̣̇д̇хам̣ жид̇д̇асса убаггилзсам̣ баж̇ахад̇и. уд̣̇д̇хажжагуггужжам̣ жид̇д̇асса убаггилзсод̇и, ид̇и вид̣̇ид̇ваа уд̣̇д̇хажжагуггужжам̣ жид̇д̇асса убаггилзсам̣ баж̇ахад̇и. вижигижчаа жид̇д̇асса убаггилзсод̇и, ид̇и вид̣̇ид̇ваа вижигижчам̣ жид̇д̇асса убаггилзсам̣ баж̇ахад̇и.
‘‘Sa kho so, gahapati, ariyasāvako abhijjhāvisamalobho cittassa upakkilesoti, iti viditvā abhijjhāvisamalobhaṃ cittassa upakkilesaṃ pajahati. Byāpādo cittassa upakkilesoti, iti viditvā byāpādaṃ cittassa upakkilesaṃ pajahati. Thinamiddhaṃ cittassa upakkilesoti, iti viditvā thinamiddhaṃ cittassa upakkilesaṃ pajahati. Uddhaccakukkuccaṃ cittassa upakkilesoti, iti viditvā uddhaccakukkuccaṃ cittassa upakkilesaṃ pajahati. Vicikicchā cittassa upakkilesoti, iti viditvā vicikicchaṃ cittassa upakkilesaṃ pajahati.
‘‘яад̇о жа ко, г̇ахабад̇и, арияасаавагасса абхиж̇жхаависамалобхо жид̇д̇асса убаггилзсод̇и, ид̇и вид̣̇ид̇ваа абхиж̇жхаависамалобхо жид̇д̇асса убаггилзсо бахийно ход̇и. б̣яаабаад̣̇о жид̇д̇асса убаггилзсод̇и, ид̇и вид̣̇ид̇ваа б̣яаабаад̣̇о жид̇д̇асса убаггилзсо бахийно ход̇и. т̇инамид̣̇д̇хам̣ жид̇д̇асса убаггилзсод̇и, ид̇и вид̣̇ид̇ваа т̇инамид̣̇д̇хам̣ жид̇д̇асса убаггилзсо бахийно ход̇и. уд̣̇д̇хажжагуггужжам̣ жид̇д̇асса убаггилзсод̇и, ид̇и вид̣̇ид̇ваа уд̣̇д̇хажжагуггужжам̣ жид̇д̇асса убаггилзсо бахийно ход̇и. вижигижчаа жид̇д̇асса убаггилзсод̇и, ид̇и вид̣̇ид̇ваа вижигижчаа жид̇д̇асса убаггилзсо бахийно ход̇и. аяам̣ вужжад̇и, г̇ахабад̇и, арияасааваго махаабан̃н̃о бут̇убан̃н̃о аабаад̇ад̣̇асо 1 бан̃н̃аасамбанно 2. аяам̣ вужжад̇и, г̇ахабад̇и , бан̃н̃аасамбад̣̇аа. имзсам̣ ко, г̇ахабад̇и, жад̇уннам̣ д̇хаммаанам̣ идтаанам̣ ганд̇аанам̣ манаабаанам̣ д̣̇уллабхаанам̣ логасмим̣ имз жад̇д̇ааро д̇хаммаа бадилаабхааяа сам̣вад̇д̇анд̇и.
‘‘Yato ca kho, gahapati, ariyasāvakassa abhijjhāvisamalobho cittassa upakkilesoti, iti viditvā abhijjhāvisamalobho cittassa upakkileso pahīno hoti. Byāpādo cittassa upakkilesoti, iti viditvā byāpādo cittassa upakkileso pahīno hoti. Thinamiddhaṃ cittassa upakkilesoti, iti viditvā thinamiddhaṃ cittassa upakkileso pahīno hoti. Uddhaccakukkuccaṃ cittassa upakkilesoti, iti viditvā uddhaccakukkuccaṃ cittassa upakkileso pahīno hoti. Vicikicchā cittassa upakkilesoti, iti viditvā vicikicchā cittassa upakkileso pahīno hoti. Ayaṃ vuccati, gahapati, ariyasāvako mahāpañño puthupañño āpātadaso 3 paññāsampanno 4. Ayaṃ vuccati, gahapati , paññāsampadā. Imesaṃ kho, gahapati, catunnaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ ime cattāro dhammā paṭilābhāya saṃvattanti.
‘‘са ко со, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи жад̇д̇аари бад̇д̇агаммаани гад̇д̇аа ход̇и. гад̇амаани жад̇д̇аари? ид̇ха г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи ад̇д̇аанам̣ сукзд̇и бийн̣зд̇и саммаа сукам̣ барихарад̇и. маад̇аабид̇аро сукзд̇и бийн̣зд̇и саммаа сукам̣ барихарад̇и. буд̇д̇ад̣̇аарад̣̇аасагаммагараборисз сукзд̇и бийн̣зд̇и саммаа сукам̣ барихарад̇и. мид̇д̇аамажжз сукзд̇и бийн̣зд̇и саммаа сукам̣ барихарад̇и. ид̣̇амасса батамам̣ таанаг̇ад̇ам̣ ход̇и бад̇д̇аг̇ад̇ам̣ ааяад̇анасо барибхуд̇д̇ам̣.
‘‘Sa kho so, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi cattāri pattakammāni kattā hoti. Katamāni cattāri? Idha gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi attānaṃ sukheti pīṇeti sammā sukhaṃ pariharati. Mātāpitaro sukheti pīṇeti sammā sukhaṃ pariharati. Puttadāradāsakammakaraporise sukheti pīṇeti sammā sukhaṃ pariharati. Mittāmacce sukheti pīṇeti sammā sukhaṃ pariharati. Idamassa paṭhamaṃ ṭhānagataṃ hoti pattagataṃ āyatanaso paribhuttaṃ.
‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи яаа д̇аа хонд̇и аабад̣̇аа аг̇г̇ид̇о ваа уд̣̇агад̇о ваа рааж̇ад̇о ваа жорад̇о ваа аббияад̇о ваа д̣̇ааяаад̣̇ад̇о 5, д̇ат̇ааруубаасу аабад̣̇аасу барияод̇хааяа сам̣вад̇д̇ад̇и. сод̇т̇им̣ ад̇д̇аанам̣ гарод̇и. ид̣̇амасса д̣̇уд̇ияам̣ таанаг̇ад̇ам̣ ход̇и бад̇д̇аг̇ад̇ам̣ ааяад̇анасо барибхуд̇д̇ам̣.
‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi yā tā honti āpadā aggito vā udakato vā rājato vā corato vā appiyato vā dāyādato 6, tathārūpāsu āpadāsu pariyodhāya saṃvattati. Sotthiṃ attānaṃ karoti. Idamassa dutiyaṃ ṭhānagataṃ hoti pattagataṃ āyatanaso paribhuttaṃ.
‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи бан̃жаб̣алим̣ гад̇д̇аа ход̇и – н̃аад̇иб̣алим̣, ад̇ит̇иб̣алим̣, буб̣б̣абзд̇аб̣алим̣, рааж̇аб̣алим̣, д̣̇звад̇ааб̣алим̣. ид̣̇амасса д̇ад̇ияам̣ таанаг̇ад̇ам̣ ход̇и бад̇д̇аг̇ад̇ам̣ ааяад̇анасо барибхуд̇д̇ам̣.
‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi pañcabaliṃ kattā hoti – ñātibaliṃ, atithibaliṃ, pubbapetabaliṃ, rājabaliṃ, devatābaliṃ. Idamassa tatiyaṃ ṭhānagataṃ hoti pattagataṃ āyatanaso paribhuttaṃ.
‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи яз д̇з саман̣аб̣раахман̣аа мад̣̇аббамаад̣̇аа бадивирад̇аа канд̇исоражжз нивидтаа згамад̇д̇аанам̣ д̣̇амзнд̇и, згамад̇д̇аанам̣ самзнд̇и, згамад̇д̇аанам̣ бариниб̣б̣аабзнд̇и, д̇ат̇ааруубзсу саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣ . ид̣̇амасса жад̇уд̇т̇ам̣ таанаг̇ад̇ам̣ ход̇и бад̇д̇аг̇ад̇ам̣ ааяад̇анасо барибхуд̇д̇ам̣.
‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi ye te samaṇabrāhmaṇā madappamādā paṭiviratā khantisoracce niviṭṭhā ekamattānaṃ damenti, ekamattānaṃ samenti, ekamattānaṃ parinibbāpenti, tathārūpesu samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ . Idamassa catutthaṃ ṭhānagataṃ hoti pattagataṃ āyatanaso paribhuttaṃ.
‘‘са ко со, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи имаани жад̇д̇аари бад̇д̇агаммаани гад̇д̇аа ход̇и. яасса гассажи, г̇ахабад̇и, ан̃н̃ад̇ра имзхи жад̇уухи бад̇д̇агаммзхи бхог̇аа баригкаяам̣ г̇ажчанд̇и, имз вужжанд̇и, г̇ахабад̇и, бхог̇аа адтаанаг̇ад̇аа абад̇д̇аг̇ад̇аа анааяад̇анасо барибхуд̇д̇аа. яасса гассажи, г̇ахабад̇и, имзхи жад̇уухи бад̇д̇агаммзхи бхог̇аа баригкаяам̣ г̇ажчанд̇и, имз вужжанд̇и, г̇ахабад̇и, бхог̇аа таанаг̇ад̇аа бад̇д̇аг̇ад̇аа ааяад̇анасо барибхуд̇д̇аа’’д̇и.
‘‘Sa kho so, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi imāni cattāri pattakammāni kattā hoti. Yassa kassaci, gahapati, aññatra imehi catūhi pattakammehi bhogā parikkhayaṃ gacchanti, ime vuccanti, gahapati, bhogā aṭṭhānagatā apattagatā anāyatanaso paribhuttā. Yassa kassaci, gahapati, imehi catūhi pattakammehi bhogā parikkhayaṃ gacchanti, ime vuccanti, gahapati, bhogā ṭhānagatā pattagatā āyatanaso paribhuttā’’ti.
‘‘бхуд̇д̇аа бхог̇аа бхад̇аа бхажжаа 7, вид̇ин̣н̣аа аабад̣̇аасу мз;
‘‘Bhuttā bhogā bhatā bhaccā 8, vitiṇṇā āpadāsu me;
уд̣̇д̇хаг̇г̇аа д̣̇агкин̣аа д̣̇иннаа, ат̇о бан̃жаб̣алий гад̇аа;
Uddhaggā dakkhiṇā dinnā, atho pañcabalī katā;
убадтид̇аа сийлаванд̇о, сан̃н̃ад̇аа б̣рахмажаараяо.
Upaṭṭhitā sīlavanto, saññatā brahmacārayo.
‘‘яад̣̇ад̇т̇ам̣ бхог̇ам̣ ижчзяяа, бан̣д̣ид̇о гхарамаавасам̣;
‘‘Yadatthaṃ bhogaṃ iccheyya, paṇḍito gharamāvasaṃ;
со мз ад̇т̇о ануббад̇д̇о, гад̇ам̣ анануд̇аабияам̣.
So me attho anuppatto, kataṃ ananutāpiyaṃ.
‘‘зд̇ам̣ 9 ануссарам̣ мажжо, арияад̇хаммз тид̇о наро;
‘‘Etaṃ 10 anussaraṃ macco, ariyadhamme ṭhito naro;
ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и. батамам̣;
Idheva naṃ pasaṃsanti, pecca sagge pamodatī’’ti. paṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. бад̇д̇агаммасуд̇д̇аван̣н̣анаа • 1. Pattakammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. бад̇д̇агаммасуд̇д̇аад̣̇иван̣н̣анаа • 1-4. Pattakammasuttādivaṇṇanā
