| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੭) ੨. ਪਤ੍ਤਕਮ੍ਮવਗ੍ਗੋ
(7) 2. Pattakammavaggo
੧. ਪਤ੍ਤਕਮ੍ਮਸੁਤ੍ਤવਣ੍ਣਨਾ
1. Pattakammasuttavaṇṇanā
੬੧. ਦੁਤਿਯਸ੍ਸ ਪਠਮੇ ਅਨਿਟ੍ਠਪਟਿਕ੍ਖੇਪੇਨ ਇਟ੍ਠਾ। ਮਨੇ ਕਮਨ੍ਤਿ ਪવਿਸਨ੍ਤੀਤਿ ਕਨ੍ਤਾ। ਮਨਂ ਅਪ੍ਪਾਯਨ੍ਤਿ ਪવਡ੍ਢੇਨ੍ਤੀਤਿ ਮਨਾਪਾ। ਦੁਲ੍ਲਭਾਤਿ ਪਰਮਦੁਲ੍ਲਭਾ। ਭੋਗਾਤਿ ਭੁਞ੍ਜਿਤਬ੍ਬਾ ਰੂਪਾਦਯੋ વਿਸਯਾ। ਸਹਧਮ੍ਮੇਨਾਤਿ ਧਮ੍ਮੇਨੇવ ਸਦ੍ਧਿਂ ਉਪ੍ਪਜ੍ਜਨ੍ਤੁ, ਮਾ ਧਮ੍ਮੂਪਘਾਤਂ ਕਤ੍વਾ ਅਧਮ੍ਮੇਨਾਤਿ। ਅਥવਾ ਸਹਧਮ੍ਮੇਨਾਤਿ ਸਕਾਰਣੇਨ, ਤੇਨ ਤੇਨ ਸੇਨਾਪਤਿਸੇਟ੍ਠਿਟ੍ਠਾਨਾਦਿਕਾਰਣੇਨ ਸਦ੍ਧਿਂਯੇવ ਉਪ੍ਪਜ੍ਜਨ੍ਤੂਤਿ ਅਤ੍ਥੋ। ਯਸੋਤਿ ਪਰਿવਾਰਸਮ੍ਪਤ੍ਤਿ। ਸਹ ਞਾਤੀਭੀਤਿ ਞਾਤਕੇਹਿ ਸਦ੍ਧਿਂ। ਸਹ ਉਪਜ੍ਝਾਯੇਹੀਤਿ ਸੁਖਦੁਕ੍ਖੇਸੁ ਉਪਨਿਜ੍ਝਾਯਿਤਬ੍ਬਤ੍ਤਾ ਉਪਜ੍ਝਾਯਸਙ੍ਖਾਤੇਹਿ ਸਨ੍ਦਿਟ੍ਠਸਮ੍ਭਤ੍ਤੇਹਿ ਸਦ੍ਧਿਂ।
61. Dutiyassa paṭhame aniṭṭhapaṭikkhepena iṭṭhā. Mane kamanti pavisantīti kantā. Manaṃ appāyanti pavaḍḍhentīti manāpā. Dullabhāti paramadullabhā. Bhogāti bhuñjitabbā rūpādayo visayā. Sahadhammenāti dhammeneva saddhiṃ uppajjantu, mā dhammūpaghātaṃ katvā adhammenāti. Athavā sahadhammenāti sakāraṇena, tena tena senāpatiseṭṭhiṭṭhānādikāraṇena saddhiṃyeva uppajjantūti attho. Yasoti parivārasampatti. Sahañātībhīti ñātakehi saddhiṃ. Saha upajjhāyehīti sukhadukkhesu upanijjhāyitabbattā upajjhāyasaṅkhātehi sandiṭṭhasambhattehi saddhiṃ.
ਅਕਿਚ੍ਚਂ ਕਰੋਤੀਤਿ ਅਕਾਤਬ੍ਬਂ ਕਰੋਤਿ। ਕਿਚ੍ਚਂ ਅਪਰਾਧੇਤੀਤਿ ਕਤ੍ਤਬ੍ਬਯੁਤ੍ਤਕਂ ਕਿਚ੍ਚਂ ਅਕਰੋਨ੍ਤੋ ਤਂ ਅਪਰਾਧੇਤਿ ਨਾਮ। ਧਂਸਤੀਤਿ ਪਤਤਿ ਪਰਿਹਾਯਤਿ। ਅਭਿਜ੍ਝਾવਿਸਮਲੋਭਨ੍ਤਿ ਅਭਿਜ੍ਝਾਸਙ੍ਖਾਤਂ વਿਸਮਲੋਭਂ। ਪਜਹਤੀਤਿ ਨੁਦਤਿ ਨੀਹਰਤਿ। ਮਹਾਪਞ੍ਞੋਤਿ ਮਹਨ੍ਤਪਞ੍ਞੋ। ਪੁਥੁਪਞ੍ਞੋਤਿ ਪੁਥੁਲਪਞ੍ਞੋ। ਆਪਾਤਦਸੋਤਿ ਤਂ ਤਂ ਅਤ੍ਥਂ ਆਪਾਤੇਤਿ ਤਮੇવ ਪਸ੍ਸਤਿ, ਸੁਖੁਮਮ੍ਪਿਸ੍ਸ ਅਤ੍ਥਜਾਤਂ ਆਪਾਤਂ ਆਗਚ੍ਛਤਿਯੇવਾਤਿ ਅਤ੍ਥੋ।
Akiccaṃ karotīti akātabbaṃ karoti. Kiccaṃ aparādhetīti kattabbayuttakaṃ kiccaṃ akaronto taṃ aparādheti nāma. Dhaṃsatīti patati parihāyati. Abhijjhāvisamalobhanti abhijjhāsaṅkhātaṃ visamalobhaṃ. Pajahatīti nudati nīharati. Mahāpaññoti mahantapañño. Puthupaññoti puthulapañño. Āpātadasoti taṃ taṃ atthaṃ āpāteti tameva passati, sukhumampissa atthajātaṃ āpātaṃ āgacchatiyevāti attho.
ਉਟ੍ਠਾਨવੀਰਿਯਾਧਿਗਤੇਹੀਤਿ ਉਟ੍ਠਾਨਸਙ੍ਖਾਤੇਨ વੀਰਿਯੇਨ ਅਧਿਗਤੇਹਿ। ਬਾਹਾਬਲਪਰਿਚਿਤੇਹੀਤਿ ਬਾਹਾਬਲੇਨ ਪਰਿਚਿਤੇਹਿ વਡ੍ਢਿਤੇਹਿ। ਸੇਦਾવਕ੍ਖਿਤ੍ਤੇਹੀਤਿ ਅવਕ੍ਖਿਤ੍ਤਸੇਦੇਹਿ, ਸੇਦਂ ਮੁਞ੍ਚਿਤ੍વਾ વਾਯਾਮੇਨ ਪਯੋਗੇਨ ਸਮਧਿਗਤੇਹੀਤਿ ਅਤ੍ਥੋ। ਧਮ੍ਮਿਕੇਹੀਤਿ ਧਮ੍ਮਯੁਤ੍ਤੇਹਿ। ਧਮ੍ਮਲਦ੍ਧੇਹੀਤਿ ਦਸਕੁਸਲਕਮ੍ਮਪਥਧਮ੍ਮੇ ਅਕੋਪੇਤ੍વਾ ਲਦ੍ਧੇਹਿ। ਪਤ੍ਤਕਮ੍ਮਾਨੀਤਿ ਯੁਤ੍ਤਕਮ੍ਮਾਨਿ ਅਨੁਚ੍ਛવਿਕਕਮ੍ਮਾਨਿ। ਸੁਖੇਤੀਤਿ ਸੁਖਿਤਂ ਕਰੋਤਿ। ਪੀਣੇਤੀਤਿ ਪੀਣਿਤਂ ਬਲਸਮ੍ਪਨ੍ਨਂ ਕਰੋਤਿ। ਠਾਨਗਤਂ ਹੋਤੀਤਿ ਕਾਰਣਗਤਂ ਹੋਤਿ। ਕਿਂ ਪਨ ਤਨ੍ਤਿ? ਚਤੂਸੁ ਪਤ੍ਤਕਮ੍ਮੇਸੁ ਏਕਂ ਭੋਗੇਹਿ ਕਤ੍ਤਬ੍ਬਕਮ੍ਮਂ ਭੋਗਜਾਤਮੇવ ਠਾਨਗਤਂ। ਪਤ੍ਤਗਤਨ੍ਤਿ ਯੁਤ੍ਤਪ੍ਪਤ੍ਤਟ੍ਠਾਨਗਤਂ। ਆਯਤਨਸੋ ਪਰਿਭੁਤ੍ਤਨ੍ਤਿ ਕਾਰਣੇਨੇવ ਪਰਿਭੁਤ੍ਤਂ ਭੋਗਜਾਤਂ ਹੋਤਿ।
Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhābalena paricitehi vaḍḍhitehi. Sedāvakkhittehīti avakkhittasedehi, sedaṃ muñcitvā vāyāmena payogena samadhigatehīti attho. Dhammikehīti dhammayuttehi. Dhammaladdhehīti dasakusalakammapathadhamme akopetvā laddhehi. Pattakammānīti yuttakammāni anucchavikakammāni. Sukhetīti sukhitaṃ karoti. Pīṇetīti pīṇitaṃ balasampannaṃ karoti. Ṭhānagataṃ hotīti kāraṇagataṃ hoti. Kiṃ pana tanti? Catūsu pattakammesu ekaṃ bhogehi kattabbakammaṃ bhogajātameva ṭhānagataṃ. Pattagatanti yuttappattaṭṭhānagataṃ. Āyatanaso paribhuttanti kāraṇeneva paribhuttaṃ bhogajātaṃ hoti.
ਪਰਿਯੋਧਾਯ ਸਂવਤ੍ਤਤੀਤਿ ਪਿਦਹਿਤ੍વਾ વਤ੍ਤਤਿ। ਯਥਾ ਅਗ੍ਗਿਆਦੀਹਿ ਉਪ੍ਪਨ੍ਨਾਸੁ ਆਪਦਾਸੁ, ਏવਂ ਆਦਿਤ੍ਤਗੇਹਨਿਬ੍ਬਾਪਨਾਦੀਨਂ ਅਤ੍ਥਾਯ ਧਨਪਰਿਚ੍ਚਾਗਂ ਕਤ੍વਾ ਤਾਸਂ ਆਪਦਾਨਂ ਮਗ੍ਗਂ ਪਿਦਹਤਿ ਨਿવਾਰੇਤਿ। ਸੋਤ੍ਥਿਂ ਅਤ੍ਤਾਨਂ ਕਰੋਤੀਤਿ ਨਿਰੁਪਦ੍ਦવਂ ਖੇਮਂ ਅਤ੍ਤਾਨਂ ਕਰੋਤਿ। ਞਾਤਿਬਲਿਨ੍ਤਿ ਞਾਤਕਾਨਂ ਬਲਿਂ। ਅਤਿਥਿਬਲਿਨ੍ਤਿ ਆਗਨ੍ਤੁਕਾਨਂ ਬਲਿਂ। ਪੁਬ੍ਬਪੇਤਬਲਿਨ੍ਤਿ ਪਰਲੋਕਗਤਾਨਂ ਞਾਤਕਾਨਂ ਬਲਿਂ। ਰਾਜਬਲਿਨ੍ਤਿ ਰਞ੍ਞੋ ਕਤ੍ਤਬ੍ਬਯੁਤ੍ਤਕਂ ਰਾਜਬਲਿਂ। ਦੇવਤਾਬਲਿਨ੍ਤਿ ਦੇવਤਾਨਂ ਕਤ੍ਤਬ੍ਬਬਲਿਂ। ਸਬ੍ਬਮੇਤਂ ਤੇਸਂ ਤੇਸਂ ਯਥਾਨੁਚ੍ਛવਿਕવਸੇਨ ਦਾਤਬ੍ਬਦਾਨਸ੍ਸ ਅਧਿવਚਨਂ।
Pariyodhāyasaṃvattatīti pidahitvā vattati. Yathā aggiādīhi uppannāsu āpadāsu, evaṃ ādittagehanibbāpanādīnaṃ atthāya dhanapariccāgaṃ katvā tāsaṃ āpadānaṃ maggaṃ pidahati nivāreti. Sotthiṃ attānaṃ karotīti nirupaddavaṃ khemaṃ attānaṃ karoti. Ñātibalinti ñātakānaṃ baliṃ. Atithibalinti āgantukānaṃ baliṃ. Pubbapetabalinti paralokagatānaṃ ñātakānaṃ baliṃ. Rājabalinti rañño kattabbayuttakaṃ rājabaliṃ. Devatābalinti devatānaṃ kattabbabaliṃ. Sabbametaṃ tesaṃ tesaṃ yathānucchavikavasena dātabbadānassa adhivacanaṃ.
ਖਨ੍ਤਿਸੋਰਚ੍ਚੇ ਨਿવਿਟ੍ਠਾਤਿ ਅਧਿવਾਸਨਕ੍ਖਨ੍ਤਿਯਞ੍ਚ ਸੁਸੀਲਤਾਯ ਚ ਨਿવਿਟ੍ਠਾ। ਏਕਮਤ੍ਤਾਨਂ ਦਮੇਨ੍ਤੀਤਿ ਏਕਂ ਅਤ੍ਤਨੋવ ਅਤ੍ਤਭਾવਂ ਇਨ੍ਦ੍ਰਿਯਦਮੇਨ ਦਮੇਨ੍ਤਿ। ਸਮੇਨ੍ਤੀਤਿ ਅਤ੍ਤਨੋ ਚਿਤ੍ਤਂ ਕਿਲੇਸવੂਪਸਮਨੇਨ ਸਮੇਨ੍ਤਿ। ਪਰਿਨਿਬ੍ਬਾਪੇਨ੍ਤੀਤਿ ਕਿਲੇਸਪਰਿਨਿਬ੍ਬਾਨੇਨੇવ ਪਰਿਨਿਬ੍ਬਾਪੇਨ੍ਤਿ। ਉਦ੍ਧਗ੍ਗਿਕਨ੍ਤਿਆਦੀਸੁ ਉਪਰੂਪਰਿਭੂਮੀਸੁ ਫਲਦਾਨવਸੇਨ ਉਦ੍ਧਮਗ੍ਗਮਸ੍ਸਾਤਿ ਉਦ੍ਧਗ੍ਗਿਕਾ। ਸਗ੍ਗਸ੍ਸ ਹਿਤਾਤਿ ਤਤ੍ਰੁਪਪਤ੍ਤਿਜਨਨਤੋ ਸੋવਗ੍ਗਿਕਾ। ਨਿਬ੍ਬਤ੍ਤਨਿਬ੍ਬਤ੍ਤਟ੍ਠਾਨੇ ਸੁਖੋવ વਿਪਾਕੋ ਅਸ੍ਸਾਤਿ ਸੁਖવਿਪਾਕਾ। ਸੁਟ੍ਠੁ ਅਗ੍ਗਾਨਂ ਦਿਬ੍ਬવਣ੍ਣਾਦੀਨਂ ਦਸਨ੍ਨਂ વਿਸੇਸਾਨਂ ਨਿਬ੍ਬਤ੍ਤਨਤੋ ਸਗ੍ਗਸਂવਤ੍ਤਨਿਕਾ, ਏવਰੂਪਂ ਦਕ੍ਖਿਣਂ ਪਤਿਟ੍ਠਾਪੇਤੀਤਿ ਅਤ੍ਥੋ।
Khantisoracce niviṭṭhāti adhivāsanakkhantiyañca susīlatāya ca niviṭṭhā. Ekamattānaṃ damentīti ekaṃ attanova attabhāvaṃ indriyadamena damenti. Samentīti attano cittaṃ kilesavūpasamanena samenti. Parinibbāpentīti kilesaparinibbāneneva parinibbāpenti. Uddhaggikantiādīsu uparūparibhūmīsu phaladānavasena uddhamaggamassāti uddhaggikā. Saggassa hitāti tatrupapattijananato sovaggikā. Nibbattanibbattaṭṭhāne sukhova vipāko assāti sukhavipākā. Suṭṭhu aggānaṃ dibbavaṇṇādīnaṃ dasannaṃ visesānaṃ nibbattanato saggasaṃvattanikā, evarūpaṃ dakkhiṇaṃ patiṭṭhāpetīti attho.
ਅਰਿਯਧਮ੍ਮੇ ਠਿਤੋਤਿ ਪਞ੍ਚਸੀਲਧਮ੍ਮੇ ਪਤਿਟ੍ਠਿਤੋ। ਪੇਚ੍ਚ ਸਗ੍ਗੇ ਪਮੋਦਤੀਤਿ ਪਰਲੋਕਂ ਗਨ੍ਤ੍વਾ ਯਤ੍ਥ ਸਗ੍ਗੇ ਪਟਿਸਨ੍ਧਿਂ ਗਣ੍ਹਾਤਿ, ਤਤ੍ਥ ਮੋਦਤਿ। ਸੋਤਾਪਨ੍ਨਸਕਦਾਗਾਮਿਨੋ વਾ ਹੋਨ੍ਤੁ ਅਨਾਗਾਮੀ વਾ, ਸਬ੍ਬੇਸਂ ਅਯਂ ਪਟਿਪਦਾ ਲਬ੍ਭਤੇવਾਤਿ।
Ariyadhamme ṭhitoti pañcasīladhamme patiṭṭhito. Pecca sagge pamodatīti paralokaṃ gantvā yattha sagge paṭisandhiṃ gaṇhāti, tattha modati. Sotāpannasakadāgāmino vā hontu anāgāmī vā, sabbesaṃ ayaṃ paṭipadā labbhatevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਪਤ੍ਤਕਮ੍ਮਸੁਤ੍ਤਂ • 1. Pattakammasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੪. ਪਤ੍ਤਕਮ੍ਮਸੁਤ੍ਤਾਦਿવਣ੍ਣਨਾ • 1-4. Pattakammasuttādivaṇṇanā
