| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. පත්‌තනිකුජ්‌ජනසුත්‌තං
7. Pattanikujjanasuttaṃ
87. 1 ‘‘අට්‌ඨහි , භික්‌ඛවෙ, අඞ්‌ගෙහි සමන්‌නාගතස්‌ස උපාසකස්‌ස ආකඞ්‌ඛමානො සඞ්‌ඝො පත්‌තං නික්‌කුජ්‌ජෙය්‍ය 2. කතමෙහි අට්‌ඨහි? භික්‌ඛූනං අලාභාය පරිසක්‌කති, භික්‌ඛූනං අනත්‌ථාය පරිසක්‌කති, භික්‌ඛූනං අවාසාය 3 පරිසක්‌කති, භික්‌ඛූ අක්‌කොසති පරිභාසති, භික්‌ඛූ භික්‌ඛූහි භෙදෙති 4, බුද්‌ධස්‌ස අවණ්‌ණං භාසති, ධම්‌මස්‌ස අවණ්‌ණං භාසති, සඞ්‌ඝස්‌ස අවණ්‌ණං භාසති. ඉමෙහි ඛො, භික්‌ඛවෙ, අට්‌ඨහඞ්‌ගෙහි සමන්‌නාගතස්‌ස උපාසකස්‌ස ආකඞ්‌ඛමානො සඞ්‌ඝො පත්‌තං නික්‌කුජ්‌ජෙය්‍ය.
87.5 ‘‘Aṭṭhahi , bhikkhave, aṅgehi samannāgatassa upāsakassa ākaṅkhamāno saṅgho pattaṃ nikkujjeyya 6. Katamehi aṭṭhahi? Bhikkhūnaṃ alābhāya parisakkati, bhikkhūnaṃ anatthāya parisakkati, bhikkhūnaṃ avāsāya 7 parisakkati, bhikkhū akkosati paribhāsati, bhikkhū bhikkhūhi bhedeti 8, buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati. Imehi kho, bhikkhave, aṭṭhahaṅgehi samannāgatassa upāsakassa ākaṅkhamāno saṅgho pattaṃ nikkujjeyya.
‘‘අට්‌ඨහි, භික්‌ඛවෙ, අඞ්‌ගෙහි සමන්‌නාගතස්‌ස උපාසකස්‌ස ආකඞ්‌ඛමානො සඞ්‌ඝො පත්‌තං උක්‌කුජ්‌ජෙය්‍ය. කතමෙහි අට්‌ඨහි? න භික්‌ඛූනං අලාභාය පරිසක්‌කති, න භික්‌ඛූනං අනත්‌ථාය පරිසක්‌කති, න භික්‌ඛූනං අවාසාය පරිසක්‌කති, න භික්‌ඛූ අක්‌කොසති පරිභාසති, න භික්‌ඛූ භික්‌ඛූහි භෙදෙති, බුද්‌ධස්‌ස වණ්‌ණං භාසති, ධම්‌මස්‌ස වණ්‌ණං භාසති, සඞ්‌ඝස්‌ස වණ්‌ණං භාසති. ඉමෙහි ඛො, භික්‌ඛවෙ, අට්‌ඨහඞ්‌ගෙහි සමන්‌නාගතස්‌ස උපාසකස්‌ස ආකඞ්‌ඛමානො සඞ්‌ඝො පත්‌තං උක්‌කුජ්‌ජෙය්‍යා’’ති. සත්‌තමං.
‘‘Aṭṭhahi, bhikkhave, aṅgehi samannāgatassa upāsakassa ākaṅkhamāno saṅgho pattaṃ ukkujjeyya. Katamehi aṭṭhahi? Na bhikkhūnaṃ alābhāya parisakkati, na bhikkhūnaṃ anatthāya parisakkati, na bhikkhūnaṃ avāsāya parisakkati, na bhikkhū akkosati paribhāsati, na bhikkhū bhikkhūhi bhedeti, buddhassa vaṇṇaṃ bhāsati, dhammassa vaṇṇaṃ bhāsati, saṅghassa vaṇṇaṃ bhāsati. Imehi kho, bhikkhave, aṭṭhahaṅgehi samannāgatassa upāsakassa ākaṅkhamāno saṅgho pattaṃ ukkujjeyyā’’ti. Sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. පත්‌තනිකුජ්‌ජනසුත්‌තවණ්‌ණනා • 7. Pattanikujjanasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සද්‌ධාසුත්‌තාදිවණ්‌ණනා • 1-10. Saddhāsuttādivaṇṇanā
