| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༧. པཏྟནིཀུཛྫནསུཏྟཾ
7. Pattanikujjanasuttaṃ
༨༧. 1 ‘‘ཨཊྛཧི , བྷིཀྑཝེ, ཨངྒེཧི སམནྣཱགཏསྶ ཨུཔཱསཀསྶ ཨཱཀངྑམཱནོ སངྒྷོ པཏྟཾ ནིཀྐུཛྫེཡྻ 2། ཀཏམེཧི ཨཊྛཧི? བྷིཀྑཱུནཾ ཨལཱབྷཱཡ པརིསཀྐཏི, བྷིཀྑཱུནཾ ཨནཏྠཱཡ པརིསཀྐཏི, བྷིཀྑཱུནཾ ཨཝཱསཱཡ 3 པརིསཀྐཏི, བྷིཀྑཱུ ཨཀྐོསཏི པརིབྷཱསཏི, བྷིཀྑཱུ བྷིཀྑཱུཧི བྷེདེཏི 4, བུདྡྷསྶ ཨཝཎྞཾ བྷཱསཏི, དྷམྨསྶ ཨཝཎྞཾ བྷཱསཏི, སངྒྷསྶ ཨཝཎྞཾ བྷཱསཏི། ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ ཨུཔཱསཀསྶ ཨཱཀངྑམཱནོ སངྒྷོ པཏྟཾ ནིཀྐུཛྫེཡྻ།
87.5 ‘‘Aṭṭhahi , bhikkhave, aṅgehi samannāgatassa upāsakassa ākaṅkhamāno saṅgho pattaṃ nikkujjeyya 6. Katamehi aṭṭhahi? Bhikkhūnaṃ alābhāya parisakkati, bhikkhūnaṃ anatthāya parisakkati, bhikkhūnaṃ avāsāya 7 parisakkati, bhikkhū akkosati paribhāsati, bhikkhū bhikkhūhi bhedeti 8, buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati. Imehi kho, bhikkhave, aṭṭhahaṅgehi samannāgatassa upāsakassa ākaṅkhamāno saṅgho pattaṃ nikkujjeyya.
‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ ཨུཔཱསཀསྶ ཨཱཀངྑམཱནོ སངྒྷོ པཏྟཾ ཨུཀྐུཛྫེཡྻ། ཀཏམེཧི ཨཊྛཧི? ན བྷིཀྑཱུནཾ ཨལཱབྷཱཡ པརིསཀྐཏི, ན བྷིཀྑཱུནཾ ཨནཏྠཱཡ པརིསཀྐཏི, ན བྷིཀྑཱུནཾ ཨཝཱསཱཡ པརིསཀྐཏི, ན བྷིཀྑཱུ ཨཀྐོསཏི པརིབྷཱསཏི, ན བྷིཀྑཱུ བྷིཀྑཱུཧི བྷེདེཏི, བུདྡྷསྶ ཝཎྞཾ བྷཱསཏི, དྷམྨསྶ ཝཎྞཾ བྷཱསཏི, སངྒྷསྶ ཝཎྞཾ བྷཱསཏི། ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ ཨུཔཱསཀསྶ ཨཱཀངྑམཱནོ སངྒྷོ པཏྟཾ ཨུཀྐུཛྫེཡྻཱ’’ཏི། སཏྟམཾ།
‘‘Aṭṭhahi, bhikkhave, aṅgehi samannāgatassa upāsakassa ākaṅkhamāno saṅgho pattaṃ ukkujjeyya. Katamehi aṭṭhahi? Na bhikkhūnaṃ alābhāya parisakkati, na bhikkhūnaṃ anatthāya parisakkati, na bhikkhūnaṃ avāsāya parisakkati, na bhikkhū akkosati paribhāsati, na bhikkhū bhikkhūhi bhedeti, buddhassa vaṇṇaṃ bhāsati, dhammassa vaṇṇaṃ bhāsati, saṅghassa vaṇṇaṃ bhāsati. Imehi kho, bhikkhave, aṭṭhahaṅgehi samannāgatassa upāsakassa ākaṅkhamāno saṅgho pattaṃ ukkujjeyyā’’ti. Sattamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. པཏྟནིཀུཛྫནསུཏྟཝཎྞནཱ • 7. Pattanikujjanasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སདྡྷཱསུཏྟཱདིཝཎྞནཱ • 1-10. Saddhāsuttādivaṇṇanā
