| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇ам̣
1. Pattasikkhāpadaṃ
598. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу б̣ахуу бад̇д̇з саннижаяам̣ гаронд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа б̣ахуу бад̇д̇з саннижаяам̣ гариссанд̇и, бад̇д̇аваан̣иж̇ж̇ам̣ ваа саман̣аа сагяабуд̇д̇ияаа гариссанд̇и аамад̇д̇игаабан̣ам̣ ваа басаарзссанд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ад̇ирзгабад̇д̇ам̣ д̇хаарзссанд̇ий’’д̇и! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, ад̇ирзгабад̇д̇ам̣ д̇хаарзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ад̇ирзгабад̇д̇ам̣ д̇хаарзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа …бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
598. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū bahū patte sannicayaṃ karonti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘kathañhi nāma samaṇā sakyaputtiyā bahū patte sannicayaṃ karissanti, pattavāṇijjaṃ vā samaṇā sakyaputtiyā karissanti āmattikāpaṇaṃ vā pasāressantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū atirekapattaṃ dhāressantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, atirekapattaṃ dhārethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, atirekapattaṃ dhāressatha! Netaṃ, moghapurisā, appasannānaṃ vā pasādāya …pe… evañca pana, bhikkhave, imaṃ sikkhāpadaṃ uddiseyyātha –
599. ‘‘яо бана бхигку ад̇ирзгабад̇д̇ам̣ д̇хаарзяяа, ниссаг̇г̇ияам̣ баажид̇д̇ияа’’нд̇и.
599.‘‘Yo pana bhikkhu atirekapattaṃ dhāreyya, nissaggiyaṃ pācittiya’’nti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
600. д̇зна ко бана самаязна ааяасмад̇о аананд̣̇асса ад̇ирзгабад̇д̇о уббанно ход̇и. ааяасмаа жа аананд̣̇о д̇ам̣ бад̇д̇ам̣ ааяасмад̇о саарибуд̇д̇асса д̣̇аад̇угаамо ход̇и. ааяасмаа жа саарибуд̇д̇о саагзд̇з вихарад̇и. ат̇а ко ааяасмад̇о аананд̣̇асса зд̇ад̣̇ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣ – ‘на ад̇ирзгабад̇д̇о д̇хаарзд̇аб̣б̣о’д̇и. аяан̃жа мз ад̇ирзгабад̇д̇о уббанно. ахан̃жимам̣ бад̇д̇ам̣ ааяасмад̇о саарибуд̇д̇асса д̣̇аад̇угаамо. ааяасмаа жа саарибуд̇д̇о саагзд̇з вихарад̇и. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзси. ‘‘гийважирам̣ банаананд̣̇а, саарибуд̇д̇о ааг̇ажчиссад̇ий’’д̇и? ‘‘навамам̣ ваа, бхаг̇аваа, д̣̇ивасам̣ д̣̇асамам̣ ваа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз , д̣̇асаахабарамам̣ ад̇ирзгабад̇д̇ам̣ д̇хаарзд̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
600. Tena kho pana samayena āyasmato ānandassa atirekapatto uppanno hoti. Āyasmā ca ānando taṃ pattaṃ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi – ‘‘bhagavatā sikkhāpadaṃ paññattaṃ – ‘na atirekapatto dhāretabbo’ti. Ayañca me atirekapatto uppanno. Ahañcimaṃ pattaṃ āyasmato sāriputtassa dātukāmo. Āyasmā ca sāriputto sākete viharati. Kathaṃ nu kho mayā paṭipajjitabba’’nti? Bhagavato etamatthaṃ ārocesi. ‘‘Kīvaciraṃ panānanda, sāriputto āgacchissatī’’ti? ‘‘Navamaṃ vā, bhagavā, divasaṃ dasamaṃ vā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave , dasāhaparamaṃ atirekapattaṃ dhāretuṃ. Evañca pana, bhikkhave, imaṃ sikkhāpadaṃ uddiseyyātha –
601. ‘‘д̣̇асаахабарамам̣ ад̇ирзгабад̇д̇о д̇хаарзд̇аб̣б̣о. д̇ам̣ ад̇иггаамаяад̇о ниссаг̇г̇ияам̣ баажид̇д̇ияа’’нд̇и.
601.‘‘Dasāhaparamaṃ atirekapatto dhāretabbo. Taṃ atikkāmayato nissaggiyaṃ pācittiya’’nti.
602. д̣̇асаахабараманд̇и д̣̇асаахабарамад̇аа д̇хаарзд̇аб̣б̣о.
602.Dasāhaparamanti dasāhaparamatā dhāretabbo.
ад̇ирзгабад̇д̇о наама анад̇хидтид̇о авигаббид̇о.
Atirekapatto nāma anadhiṭṭhito avikappito.
бад̇д̇о наама д̣̇вз бад̇д̇аа аяобад̇д̇о мад̇д̇игаабад̇д̇од̇и.
Patto nāma dve pattā ayopatto mattikāpattoti.
д̇аяо бад̇д̇асса ван̣н̣аа уггадто бад̇д̇о маж̇жхимо бад̇д̇о омаго бад̇д̇о. уггадто наама бад̇д̇о ад̣дхаал̣хагод̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. маж̇жхимо наама бад̇д̇о наал̣игод̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. омаго наама бад̇д̇о бад̇т̇од̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. д̇ад̇о уггадто абад̇д̇о, омаго абад̇д̇о.
Tayo pattassa vaṇṇā ukkaṭṭho patto majjhimo patto omako patto. Ukkaṭṭho nāma patto aḍḍhāḷhakodanaṃ gaṇhāti catubhāgaṃ khādanaṃ tadupiyaṃ byañjanaṃ. Majjhimo nāma patto nāḷikodanaṃ gaṇhāti catubhāgaṃ khādanaṃ tadupiyaṃ byañjanaṃ. Omako nāma patto patthodanaṃ gaṇhāti catubhāgaṃ khādanaṃ tadupiyaṃ byañjanaṃ. Tato ukkaṭṭho apatto, omako apatto.
д̇ам̣ ад̇иггаамаяад̇о ниссаг̇г̇ияо ход̇ийд̇и згаад̣̇асз арун̣уг̇г̇аманз ниссаг̇г̇ияо ход̇и. ниссаж̇ж̇ид̇аб̣б̣о сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣о. д̇зна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘аяам̣ мз, бханд̇з, бад̇д̇о д̣̇асаахаад̇игганд̇о ниссаг̇г̇ияо. имаахам̣ сан̇гхасса ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа, ниссадтабад̇д̇о д̣̇аад̇аб̣б̣о.
Taṃ atikkāmayato nissaggiyo hotīti ekādase aruṇuggamane nissaggiyo hoti. Nissajjitabbo saṅghassa vā gaṇassa vā puggalassa vā. Evañca pana, bhikkhave, nissajjitabbo. Tena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ayaṃ me, bhante, patto dasāhātikkanto nissaggiyo. Imāhaṃ saṅghassa nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā, nissaṭṭhapatto dātabbo.
603. ‘‘сун̣аад̇у мз, бханд̇з, сан̇гхо. аяам̣ бад̇д̇о ид̇т̇аннаамасса бхигкуно ниссаг̇г̇ияо сан̇гхасса ниссадто. яад̣̇и сан̇гхасса бад̇д̇агаллам̣, сан̇гхо имам̣ бад̇д̇ам̣ ид̇т̇аннаамасса бхигкуно д̣̇ад̣̇зяяаа’’д̇и.
603. ‘‘Suṇātu me, bhante, saṅgho. Ayaṃ patto itthannāmassa bhikkhuno nissaggiyo saṅghassa nissaṭṭho. Yadi saṅghassa pattakallaṃ, saṅgho imaṃ pattaṃ itthannāmassa bhikkhuno dadeyyā’’ti.
604. д̇зна бхигкунаа самб̣ахулз бхигкуу убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамассу важанийяаа – ‘‘аяам̣ мз, бханд̇з, бад̇д̇о д̣̇асаахаад̇игганд̇о ниссаг̇г̇ияо. имаахам̣ ааяасманд̇аанам̣ ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа, ниссадтабад̇д̇о д̣̇аад̇аб̣б̣о.
604. Tena bhikkhunā sambahule bhikkhū upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassu vacanīyā – ‘‘ayaṃ me, bhante, patto dasāhātikkanto nissaggiyo. Imāhaṃ āyasmantānaṃ nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā, nissaṭṭhapatto dātabbo.
605. ‘‘сун̣анд̇у мз ааяасманд̇аа. аяам̣ бад̇д̇о ид̇т̇аннаамасса бхигкуно ниссаг̇г̇ияо ааяасманд̇аанам̣ ниссадто. яад̣̇ааяасманд̇аанам̣ бад̇д̇агаллам̣, ааяасманд̇аа имам̣ бад̇д̇ам̣ ид̇т̇аннаамасса бхигкуно д̣̇ад̣̇зяяу’’нд̇и.
605. ‘‘Suṇantu me āyasmantā. Ayaṃ patto itthannāmassa bhikkhuno nissaggiyo āyasmantānaṃ nissaṭṭho. Yadāyasmantānaṃ pattakallaṃ, āyasmantā imaṃ pattaṃ itthannāmassa bhikkhuno dadeyyu’’nti.
606. д̇зна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘аяам̣ мз, аавусо, бад̇д̇о д̣̇асаахаад̇игганд̇о ниссаг̇г̇ияо. имаахам̣ ааяасмад̇о ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. д̇зна бхигкунаа аабад̇д̇и бадиг̇г̇ахзд̇аб̣б̣аа, ниссадтабад̇д̇о д̣̇аад̇аб̣б̣о – ‘‘имам̣ бад̇д̇ам̣ ааяасмад̇о д̣̇аммий’’д̇и.
606. Tena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘ayaṃ me, āvuso, patto dasāhātikkanto nissaggiyo. Imāhaṃ āyasmato nissajjāmī’’ti. Nissajjitvā āpatti desetabbā. Tena bhikkhunā āpatti paṭiggahetabbā, nissaṭṭhapatto dātabbo – ‘‘imaṃ pattaṃ āyasmato dammī’’ti.
607. д̣̇асаахаад̇игганд̇з ад̇игганд̇асан̃н̃ий, ниссаг̇г̇ияам̣ баажид̇д̇ияам̣. д̣̇асаахаад̇игганд̇з взмад̇иго, ниссаг̇г̇ияам̣ баажид̇д̇ияам̣. д̣̇асаахаад̇игганд̇з анад̇игганд̇асан̃н̃ий, ниссаг̇г̇ияам̣ баажид̇д̇ияам̣. анад̇хидтид̇з ад̇хидтид̇асан̃н̃ий, ниссаг̇г̇ияам̣ баажид̇д̇ияам̣. авигаббид̇з вигаббид̇асан̃н̃ий, ниссаг̇г̇ияам̣ баажид̇д̇ияам̣. ависсаж̇ж̇ид̇з виссаж̇ж̇ид̇асан̃н̃ий, ниссаг̇г̇ияам̣ баажид̇д̇ияам̣. анадтз надтасан̃н̃ий ниссаг̇г̇ияам̣ баажид̇д̇ияам̣. авинадтз винадтасан̃н̃ий, ниссаг̇г̇ияам̣ баажид̇д̇ияам̣ . абхиннз бхиннасан̃н̃ий, ниссаг̇г̇ияам̣ баажид̇д̇ияам̣. авилуд̇д̇з вилуд̇д̇асан̃н̃ий, ниссаг̇г̇ияам̣ баажид̇д̇ияам̣.
607. Dasāhātikkante atikkantasaññī, nissaggiyaṃ pācittiyaṃ. Dasāhātikkante vematiko, nissaggiyaṃ pācittiyaṃ. Dasāhātikkante anatikkantasaññī, nissaggiyaṃ pācittiyaṃ. Anadhiṭṭhite adhiṭṭhitasaññī, nissaggiyaṃ pācittiyaṃ. Avikappite vikappitasaññī, nissaggiyaṃ pācittiyaṃ. Avissajjite vissajjitasaññī, nissaggiyaṃ pācittiyaṃ. Anaṭṭhe naṭṭhasaññī nissaggiyaṃ pācittiyaṃ. Avinaṭṭhe vinaṭṭhasaññī, nissaggiyaṃ pācittiyaṃ . Abhinne bhinnasaññī, nissaggiyaṃ pācittiyaṃ. Avilutte viluttasaññī, nissaggiyaṃ pācittiyaṃ.
ниссаг̇г̇ияам̣ бад̇д̇ам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса. д̣̇асаахаанад̇игганд̇з ад̇игганд̇асан̃н̃ий, аабад̇д̇и д̣̇уггадасса. д̣̇асаахаанад̇игганд̇з взмад̇иго, аабад̇д̇и д̣̇уггадасса. д̣̇асаахаанад̇игганд̇з анад̇игганд̇асан̃н̃ий, анаабад̇д̇и.
Nissaggiyaṃ pattaṃ anissajjitvā paribhuñjati, āpatti dukkaṭassa. Dasāhānatikkante atikkantasaññī, āpatti dukkaṭassa. Dasāhānatikkante vematiko, āpatti dukkaṭassa. Dasāhānatikkante anatikkantasaññī, anāpatti.
608. анаабад̇д̇и анд̇од̣̇асаахам̣ ад̇хидтзд̇и, вигаббзд̇и, виссаж̇ж̇зд̇и, нассад̇и, винассад̇и, бхиж̇ж̇ад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, уммад̇д̇агасса, аад̣̇игаммигассаад̇и.
608. Anāpatti antodasāhaṃ adhiṭṭheti, vikappeti, vissajjeti, nassati, vinassati, bhijjati, acchinditvā gaṇhanti, vissāsaṃ gaṇhanti, ummattakassa, ādikammikassāti.
д̇зна ко бана самаязна чаб̣б̣аг̇г̇ияаа бхигкуу ниссадтабад̇д̇ам̣ на д̣̇знд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ниссадтабад̇д̇о на д̣̇аад̇аб̣б̣о. яо на д̣̇ад̣̇зяяа, аабад̇д̇и д̣̇уггадассаа’’д̇и.
Tena kho pana samayena chabbaggiyā bhikkhū nissaṭṭhapattaṃ na denti. Bhagavato etamatthaṃ ārocesuṃ. ‘‘Na, bhikkhave, nissaṭṭhapatto na dātabbo. Yo na dadeyya, āpatti dukkaṭassā’’ti.
бад̇д̇асигкаабад̣̇ам̣ нидтид̇ам̣ батамам̣.
Pattasikkhāpadaṃ niṭṭhitaṃ paṭhamaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
