| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
3. பத்தவக்³கோ³
3. Pattavaggo
1. பத்தஸிக்கா²பத³வண்ணனா
1. Pattasikkhāpadavaṇṇanā
602. ததியவக்³க³ஸ்ஸ பட²மே அட்³ட⁴தேரஸபலாதி மாக³தி⁴காய மானதுலாய அட்³ட⁴தேரஸபலபரிமிதங் உத³கங் க³ண்ஹந்தங் ஸந்தா⁴ய வுத்தங், ததா² பரிமிதங் யவமாஸாதி³ங் க³ண்ஹந்திங் ஸந்தா⁴யாதி கேசி. ஆசரியத⁴ம்மபாலத்தே²ரேன பன ‘‘பகதிசதுமுட்டி²கங் குடு³வங், சதுகுடு³வங் நாளி, தாய நாளியா ஸோளஸ நாளியோ தோ³ணங், தங் பன மக³த⁴னாளியா த்³வாத³ஸ நாளியோ ஹொந்தீதி வத³ந்தீ’’தி வுத்தங். த³மிளனாளீதி புராணனாளிங் ஸந்தா⁴ய வுத்தங். ஸா ச சதுமுட்டி²கேஹி குடு³வேஹி அட்ட² குடு³வா, தாய நாளியா த்³வே நாளியோ மக³த⁴னாளிங் க³ண்ஹாதி. புராணா பன ‘‘ஸீஹளனாளி திஸ்ஸோ நாளியோ க³ண்ஹாதீ’’தி வத³ந்தி, தேஸங் மதேன மக³த⁴னாளி இதா³னி பவத்தமானாய சதுகுடு³வாய த³மிளனாளியா சதுனாளிகா ஹோதி, ததோ மக³த⁴னாளிதோ உபட்³ட⁴ஞ்ச புராணத³மிளனாளிஸங்கா²தங் பத்த²ங் நாம ஹோதி, ஏதேன ச ‘‘ஓமகோ நாம பத்தோ பத்தோ²த³னங் க³ண்ஹாதீ’’தி பாளிவசனஞ்ச ஸமேதி, லோகியேஹிபி –
602. Tatiyavaggassa paṭhame aḍḍhaterasapalāti māgadhikāya mānatulāya aḍḍhaterasapalaparimitaṃ udakaṃ gaṇhantaṃ sandhāya vuttaṃ, tathā parimitaṃ yavamāsādiṃ gaṇhantiṃ sandhāyāti keci. Ācariyadhammapālattherena pana ‘‘pakaticatumuṭṭhikaṃ kuḍuvaṃ, catukuḍuvaṃ nāḷi, tāya nāḷiyā soḷasa nāḷiyo doṇaṃ, taṃ pana magadhanāḷiyā dvādasa nāḷiyo hontīti vadantī’’ti vuttaṃ. Damiḷanāḷīti purāṇanāḷiṃ sandhāya vuttaṃ. Sā ca catumuṭṭhikehi kuḍuvehi aṭṭha kuḍuvā, tāya nāḷiyā dve nāḷiyo magadhanāḷiṃ gaṇhāti. Purāṇā pana ‘‘sīhaḷanāḷi tisso nāḷiyo gaṇhātī’’ti vadanti, tesaṃ matena magadhanāḷi idāni pavattamānāya catukuḍuvāya damiḷanāḷiyā catunāḷikā hoti, tato magadhanāḷito upaḍḍhañca purāṇadamiḷanāḷisaṅkhātaṃ patthaṃ nāma hoti, etena ca ‘‘omako nāma patto patthodanaṃ gaṇhātī’’ti pāḷivacanañca sameti, lokiyehipi –
‘‘லோகியங் மக³த⁴ஞ்சேதி, பத்த²த்³வயமுதா³ஹடங்;
‘‘Lokiyaṃ magadhañceti, patthadvayamudāhaṭaṃ;
லோகியங் ஸோளஸபலங், மாக³த⁴ங் தி³கு³ணங் மத’’ந்தி. –
Lokiyaṃ soḷasapalaṃ, māgadhaṃ diguṇaṃ mata’’nti. –
ஏவங் லோகே நாளியா மக³த⁴னாளி தி³கு³ணாதி த³ஸ்ஸிதா, ஏவஞ்ச க³ய்ஹமானே ஓமகபத்தஸ்ஸ ச யாபனமத்தோத³னகா³ஹிகா ச ஸித்³தா⁴ ஹோதி. ந ஹி ஸக்கா அட்ட²குடு³வதோ ஊனோத³னகா³ஹினா பத்தேன அதூ²பீகதங் பிண்ட³பாதங் பரியேஸித்வா யாபேதுங். தேனேவ வேரஞ்ஜகண்ட³ட்ட²கதா²யங் ‘‘பத்தோ² நாம நாளிமத்தங் ஹோதி ஏகஸ்ஸ புரிஸஸ்ஸ அலங் யாபனாய. வுத்தம்பி ஹேதங் ‘பத்தோ²த³னோ நாலமயங் து³வின்ன’’’ந்தி (ஜா॰ 2.21.192) வுத்தங், ‘‘ஏகேகஸ்ஸ த்³வின்னங் திண்ணங் பஹோதீ’’தி ச ஆக³ஹங், தஸ்மா இத⁴ வுத்தனயானுஸாரேனேவ க³ஹேதப்³ப³ங்.
Evaṃ loke nāḷiyā magadhanāḷi diguṇāti dassitā, evañca gayhamāne omakapattassa ca yāpanamattodanagāhikā ca siddhā hoti. Na hi sakkā aṭṭhakuḍuvato ūnodanagāhinā pattena athūpīkataṃ piṇḍapātaṃ pariyesitvā yāpetuṃ. Teneva verañjakaṇḍaṭṭhakathāyaṃ ‘‘pattho nāma nāḷimattaṃ hoti ekassa purisassa alaṃ yāpanāya. Vuttampi hetaṃ ‘patthodano nālamayaṃ duvinna’’’nti (jā. 2.21.192) vuttaṃ, ‘‘ekekassa dvinnaṃ tiṇṇaṃ pahotī’’ti ca āgahaṃ, tasmā idha vuttanayānusāreneva gahetabbaṃ.
ஆலோபஸ்ஸ அனுரூபந்தி எத்த² ‘‘ப்³யஞ்ஜனஸ்ஸ மத்தா நாம ஓத³னதோ சதுத்த²பா⁴கோ³’’தி (ம॰ நி॰ அட்ட²॰ 2.387) ப்³ரஹ்மாயுஸுத்தட்ட²கதா²யங் வுத்தத்தா ஆலோபஸ்ஸ சதுத்த²பா⁴க³மேவ ப்³யஞ்ஜனங் அனுரூபந்தி த³ட்ட²ப்³ப³ங். ஓத³னக³திகானேவாதி ஓத³னஸ்ஸ அந்தோ ஏவ பவிஸனஸீலானி ஸியுங், அத்தனோ ஓகாஸங் ந க³வேஸந்தீதி அத்தோ². நாமமத்தேதி ‘‘மஜ்ஜி²மோ பத்தோ மஜ்ஜி²மோமகோ’’திஆதி³னாமமத்தே.
Ālopassaanurūpanti ettha ‘‘byañjanassa mattā nāma odanato catutthabhāgo’’ti (ma. ni. aṭṭha. 2.387) brahmāyusuttaṭṭhakathāyaṃ vuttattā ālopassa catutthabhāgameva byañjanaṃ anurūpanti daṭṭhabbaṃ. Odanagatikānevāti odanassa anto eva pavisanasīlāni siyuṃ, attano okāsaṃ na gavesantīti attho. Nāmamatteti ‘‘majjhimo patto majjhimomako’’tiādināmamatte.
607-8. ஏவங் பயோகே³ பயோகே³தி பரியோஸானாலோபஜ்ஜோ²ஹரணபயோகே³ பயோகே³, ஆலோபே ஆலோபேதி அத்தோ². கத்வாதி பாகபரியோஸானங் கத்வா. பசித்வா ட²பெஸ்ஸாமீதி காளவண்ணபாகங் ஸந்தா⁴ய வுத்தங். சி²த்³த³ந்தி முக²வட்டிதோ த்³வங்கு³லஸ்ஸ ஹெட்டா²சி²த்³த³ங் வுத்தங். ஸேஸங் பட²மகதி²னே வுத்தனயமேவ.
607-8.Evaṃ payoge payogeti pariyosānālopajjhoharaṇapayoge payoge, ālope ālopeti attho. Katvāti pākapariyosānaṃ katvā. Pacitvā ṭhapessāmīti kāḷavaṇṇapākaṃ sandhāya vuttaṃ. Chiddanti mukhavaṭṭito dvaṅgulassa heṭṭhāchiddaṃ vuttaṃ. Sesaṃ paṭhamakathine vuttanayameva.
பத்தஸிக்கா²பத³வண்ணனா நிட்டி²தா.
Pattasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. பத்தஸிக்கா²பத³ங் • 1. Pattasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. பத்தஸிக்கா²பத³வண்ணனா • 1. Pattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. பத்தஸிக்கா²பத³வண்ணனா • 1. Pattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. பத்தஸிக்கா²பத³வண்ணனா • 1. Pattasikkhāpadavaṇṇanā
