| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇аван̣н̣анаа
1. Pattasikkhāpadavaṇṇanā
авигаббид̇од̇и ‘‘имам̣ бад̇д̇ам̣ д̇уяхам̣ вигаббзмий’’д̇иаад̣̇инаа наязна авигаббид̇о. ад̣дхаал̣хагод̣̇анам̣ г̇ан̣хаад̇ийд̇и маг̇ад̇ханаал̣ияаа д̣̇виннам̣ д̇ан̣д̣уланаал̣ийнам̣ од̣̇анам̣ г̇ан̣хаад̇и. ‘‘маг̇ад̇ханаал̣и наама ад̣дхад̇зрасабалаа ход̇ий’’д̇и анд̇хагадтагат̇ааяам̣ вуд̇д̇ам̣. ‘‘сийхал̣ад̣̇ийбз багад̇инаал̣и маханд̇аа, д̣̇амил̣анаал̣и куд̣̇д̣̇агаа, маг̇ад̇ханаал̣и бамаан̣аяуд̇д̇аа, д̇ааяа маг̇ад̇ханаал̣ияаа д̣̇ияад̣дханаал̣и згаа сийхал̣анаал̣и ход̇ий’’д̇и (баараа. адта. 2.602) махааадтагат̇ааяам̣ вуд̇д̇ам̣. ануд̇д̇ан̣д̣уланд̇и баагад̇о угганд̇ам̣ д̇ан̣д̣улам̣ уд̇д̇ан̣д̣улам̣, на уд̇д̇ан̣д̣улам̣ ануд̇д̇ан̣д̣улам̣. саб̣б̣асамбхаарасан̇кад̇од̇и ж̇ийрагаад̣̇исаб̣б̣асамбхаарзхи сан̇кад̇о. аалобасса жад̇уд̇т̇абхааг̇аббамаан̣ам̣ б̣яан̃ж̇анам̣ аалобасса ануруубаб̣яан̃ж̇анам̣.
Avikappitoti ‘‘imaṃ pattaṃ tuyhaṃ vikappemī’’tiādinā nayena avikappito. Aḍḍhāḷhakodanaṃ gaṇhātīti magadhanāḷiyā dvinnaṃ taṇḍulanāḷīnaṃ odanaṃ gaṇhāti. ‘‘Magadhanāḷi nāma aḍḍhaterasapalā hotī’’ti andhakaṭṭhakathāyaṃ vuttaṃ. ‘‘Sīhaḷadīpe pakatināḷi mahantā, damiḷanāḷi khuddakā, magadhanāḷi pamāṇayuttā, tāya magadhanāḷiyā diyaḍḍhanāḷi ekā sīhaḷanāḷi hotī’’ti (pārā. aṭṭha. 2.602) mahāaṭṭhakathāyaṃ vuttaṃ. Anuttaṇḍulanti pākato ukkantaṃ taṇḍulaṃ uttaṇḍulaṃ, na uttaṇḍulaṃ anuttaṇḍulaṃ. Sabbasambhārasaṅkhatoti jīrakādisabbasambhārehi saṅkhato. Ālopassa catutthabhāgappamāṇaṃ byañjanaṃ ālopassa anurūpabyañjanaṃ.
звам̣ уггадтабад̇д̇ам̣ д̣̇ассзд̇ваа ид̣̇аани маж̇жхимомагаани д̣̇ассзд̇ум̣ ‘‘уггадтад̇о’’д̇иаад̣̇имааха. д̇ад̇рааяам̣ наяо – сажз наал̣игод̣̇анаад̣̇и саб̣б̣амби багкид̇д̇ам̣ вуд̇д̇анаязнзва хздтимарааж̇исамам̣ д̇идтад̇и, аяам̣ маж̇жхимо наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ маж̇жхимомаго наама бад̇д̇о. сажз д̇ам̣ рааж̇им̣ на самбаабун̣аад̇и, анд̇ог̇ад̇хамзва ход̇и, аяам̣ маж̇жхимуггадто наама бад̇д̇о. сажз бад̇д̇од̣̇анаад̣̇и саб̣б̣амби багкид̇д̇ам̣ хздтимарааж̇исамам̣ д̇идтад̇и, аяам̣ омаго наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ омагомаго наама бад̇д̇о. сажз д̇ам̣ рааж̇им̣ на самбаабун̣аад̇и, анд̇ог̇ад̇хамзва ход̇и, аяам̣ омагуггадто наама бад̇д̇од̇и. д̇знааха ‘‘д̇зсамби вуд̇д̇анаязнзва бхзд̣̇о взд̣̇ид̇аб̣б̣о’’д̇и.
Evaṃ ukkaṭṭhapattaṃ dassetvā idāni majjhimomakāni dassetuṃ ‘‘ukkaṭṭhato’’tiādimāha. Tatrāyaṃ nayo – sace nāḷikodanādi sabbampi pakkhittaṃ vuttanayeneva heṭṭhimarājisamaṃ tiṭṭhati, ayaṃ majjhimo nāma patto. Sace taṃ rājiṃ atikkamma thūpīkataṃ tiṭṭhati, ayaṃ majjhimomako nāma patto. Sace taṃ rājiṃ na sampāpuṇāti, antogadhameva hoti, ayaṃ majjhimukkaṭṭho nāma patto. Sace pattodanādi sabbampi pakkhittaṃ heṭṭhimarājisamaṃ tiṭṭhati, ayaṃ omako nāma patto. Sace taṃ rājiṃ atikkamma thūpīkataṃ tiṭṭhati, ayaṃ omakomako nāma patto. Sace taṃ rājiṃ na sampāpuṇāti, antogadhameva hoti, ayaṃ omakukkaṭṭho nāma pattoti. Tenāha ‘‘tesampi vuttanayeneva bhedo veditabbo’’ti.
ид̣̇аани д̇зсу ад̇хидтаанавигаббанаанад̇хидтаанаавигаббанубаг̇з д̣̇ассзд̇ум̣ ‘‘ижжзд̇зсуу’’д̇иаад̣̇имааха. д̇ад̇т̇а уггадтуггадтод̇и уггадтад̇о уггадто. д̇ад̇о хи со ‘‘абад̇д̇о’’д̇и вуд̇д̇о. омагомагод̇и омагад̇о омаго. д̇ад̇о хи со ‘‘абад̇д̇о’’д̇и вуд̇д̇о. зд̇з бана бхааж̇анабарибхог̇зна барибхун̃ж̇ид̇аб̣б̣аа, на ад̇хидтаанубаг̇аа на вигаббанубаг̇аа, ид̇арз бана сад̇д̇а ад̇хидтахид̇ваа ваа вигаббзд̇ваа ваа барибхун̃ж̇ид̇аб̣б̣аа. д̇знааха ‘‘сзсаа сад̇д̇а бад̇д̇аа бамаан̣аяуд̇д̇аа наамаа’’д̇и.
Idāni tesu adhiṭṭhānavikappanānadhiṭṭhānāvikappanupage dassetuṃ ‘‘iccetesū’’tiādimāha. Tattha ukkaṭṭhukkaṭṭhoti ukkaṭṭhato ukkaṭṭho. Tato hi so ‘‘apatto’’ti vutto. Omakomakoti omakato omako. Tato hi so ‘‘apatto’’ti vutto. Ete pana bhājanaparibhogena paribhuñjitabbā, na adhiṭṭhānupagā na vikappanupagā, itare pana satta adhiṭṭhahitvā vā vikappetvā vā paribhuñjitabbā. Tenāha ‘‘sesā satta pattā pamāṇayuttā nāmā’’ti.
д̇асмаад̇и яасмаа сад̇д̇а бад̇д̇аа бамаан̣аяуд̇д̇аа, д̇асмаа. саман̣асааруббзна багганд̇и зд̇т̇а аяобад̇д̇о бан̃жахи баагзхи (баараа. адта. 2.608) багго саман̣асааруббзна багго ход̇и, мад̇д̇игаабад̇д̇о д̣̇вийхи баагзхи. сажз зго бааго ууно ход̇и, на ад̇хидтаанубаг̇о. яат̇аа жа саман̣асааруббзна баггоязва ад̇хидтаанубаг̇о, д̇ат̇аа убхоби яам̣ муулам̣ д̣̇аад̇аб̣б̣ам̣, д̇асмим̣ д̣̇иннзязва ад̇хидтаанубаг̇аа. яад̣̇и бана аббагамби ад̣̇иннам̣ ход̇и, на ад̇хидтаанубаг̇аа. д̇знааха ‘‘сажз банаа’’д̇иаад̣̇и. ‘‘гааган̣игамад̇д̇ам̣ наама д̣̇ияад̣дхавийхий’’д̇и вад̣̇анд̇и. сажзби бад̇д̇асаамиго вад̣̇ад̇и ‘‘яад̣̇аа д̇умхаагам̣ муулам̣ бхависсад̇и, д̇ад̣̇аа д̣̇ассат̇а, ад̇хидтахид̇ваа барибхун̃ж̇ат̇аа’’д̇и, нзва ад̇хидтаанубаг̇о ход̇и. баагасса хи уунад̇д̇аа бад̇д̇асан̇кам̣ на г̇ажчад̇и. мууласса сагаласса ваа згад̣̇зсасса ваа ад̣̇иннад̇д̇аа сагабхаавам̣ на убзд̇и, ан̃н̃ассзва санд̇аго ход̇и. д̇асмаа баагз жа муулз жа нидтид̇зязва ад̇хидтаанубаг̇о ход̇и. яо ад̇хидтаанубаг̇о, свзва вигаббанубаг̇о жа. д̇знааха ‘‘абажжуд̣̇д̇харанд̇знаа’’д̇иаад̣̇и. абажжуд̣̇д̇харанд̇зна вигаббзд̇аб̣б̣од̇и бураан̣абад̇д̇ам̣ абажжуд̣̇д̇харанд̇зна наво бад̇д̇о вигаббзд̇аб̣б̣од̇и ад̇т̇о, табзд̇аб̣б̣од̇и ад̇хиббааяо. ган̇г̇усид̇т̇анд̇и сад̇д̇аннам̣ д̇хан̃н̃аанам̣ лаамагад̇хан̃н̃асид̇т̇анд̇и ааха ‘‘ган̇г̇усид̇т̇анигкаманамад̇д̇зна чид̣̇д̣̇знаа’’д̇и.
Tasmāti yasmā satta pattā pamāṇayuttā, tasmā. Samaṇasāruppena pakkanti ettha ayopatto pañcahi pākehi (pārā. aṭṭha. 2.608) pakko samaṇasāruppena pakko hoti, mattikāpatto dvīhi pākehi. Sace eko pāko ūno hoti, na adhiṭṭhānupago. Yathā ca samaṇasāruppena pakkoyeva adhiṭṭhānupago, tathā ubhopi yaṃ mūlaṃ dātabbaṃ, tasmiṃ dinneyeva adhiṭṭhānupagā. Yadi pana appakampi adinnaṃ hoti, na adhiṭṭhānupagā. Tenāha ‘‘sace panā’’tiādi. ‘‘Kākaṇikamattaṃ nāma diyaḍḍhavīhī’’ti vadanti. Sacepi pattasāmiko vadati ‘‘yadā tumhākaṃ mūlaṃ bhavissati, tadā dassatha, adhiṭṭhahitvā paribhuñjathā’’ti, neva adhiṭṭhānupago hoti. Pākassa hi ūnattā pattasaṅkhaṃ na gacchati. Mūlassa sakalassa vā ekadesassa vā adinnattā sakabhāvaṃ na upeti, aññasseva santako hoti. Tasmā pāke ca mūle ca niṭṭhiteyeva adhiṭṭhānupago hoti. Yo adhiṭṭhānupago, sveva vikappanupago ca. Tenāha ‘‘apaccuddharantenā’’tiādi. Apaccuddharantena vikappetabboti purāṇapattaṃ apaccuddharantena navo patto vikappetabboti attho, ṭhapetabboti adhippāyo. Kaṅgusitthanti sattannaṃ dhaññānaṃ lāmakadhaññasitthanti āha ‘‘kaṅgusitthanikkhamanamattena chiddenā’’ti.
бад̇д̇асигкаабад̣̇аван̣н̣анаа нидтид̇аа.
Pattasikkhāpadavaṇṇanā niṭṭhitā.
