| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇аван̣н̣анаа
1. Pattasikkhāpadavaṇṇanā
д̣̇вз абад̇д̇аа, д̇асмаа зд̇з бхааж̇анабарибхог̇зна барибхун̃ж̇ид̇аб̣б̣аа, наад̇хидтаануубаг̇аанавигаббануубаг̇ад̇аад̇и ад̇т̇од̇и жа. саман̣асааруббзна багганд̇и аяобад̇д̇о бан̃жахи баагзхи багго ход̇и, мад̇д̇игаабад̇д̇о д̣̇вийхи. ‘‘бхигкунияаа бад̇д̇асаннижжаяасса ваарид̇ад̇д̇аа (важ̇ира. дий. баарааж̇ига 602) бхигкуссаби д̇ам̣ ‘ананурууба’нд̇и гад̇ваа ‘бураан̣абад̇д̇ам̣ бажжуд̣̇д̇харид̇ваа’д̇и вуд̇д̇а’’нд̇и жа ликид̇ам̣, д̇ам̣ на яуд̇д̇ам̣ баал̣ияам̣ ‘‘саннижжаяам̣ гарзяяаад̇и анад̇хидтид̇о авигаббид̇о’’д̇и (баажи. 735) вуд̇д̇ад̇д̇аа. со хи гат̇инагканд̇хагз (махаава. 306 аад̣̇аяо) нижжаяасаннид̇хи вияа згоби бунад̣̇ивасз ‘‘саннижжаяо’’д̇и вужжад̇и. ананд̇арасигкаабад̣̇з бана ‘‘д̣̇уд̇ияо ваарид̇о’’д̇и ад̇хидтаанам̣ нияад̇ам̣. д̇асмаа д̣̇вз бад̇д̇з ад̇хидтаад̇ум̣ на лабхад̇и. сажз згад̇о ад̇хидтаад̇и, д̣̇взби анад̇хидтид̇аа хонд̇и. висум̣ висум̣ ад̇хидтаад̇и, д̣̇уд̇ияо анад̇хидтид̇о. вигаббзд̇ум̣ бана б̣ахууби лабхад̇и. гааган̣игамад̇д̇амбийд̇и зд̇т̇а би-гааро ‘‘згабаагамби ж̇анзд̇ий’’д̇и баагам̣ самбин̣д̣зд̇и. ат̇а ваа сажз згабаагзнзва сааруббо, ваддад̇ийд̇и баагабаримаан̣ам̣ на вуд̇д̇анд̇и г̇ахзд̇аб̣б̣ам̣. абад̇д̇ад̇д̇аа ад̇хидтаануубаг̇о на ход̇и. абажжуд̣̇д̇харанд̇зна вигаббзд̇аб̣б̣од̇и бураан̣абад̇д̇ам̣ абажжуд̣̇д̇харанд̇зна со бад̇д̇о вигаббзд̇аб̣б̣од̇и ад̇т̇од̇и ликид̇ам̣.
Dve apattā, tasmā ete bhājanaparibhogena paribhuñjitabbā, naadhiṭṭhānūpagānavikappanūpagatāti atthoti ca. Samaṇasāruppena pakkanti ayopatto pañcahi pākehi pakko hoti, mattikāpatto dvīhi. ‘‘Bhikkhuniyā pattasanniccayassa vāritattā (vajira. ṭī. pārājika 602) bhikkhussapi taṃ ‘ananurūpa’nti katvā ‘purāṇapattaṃ paccuddharitvā’ti vutta’’nti ca likhitaṃ, taṃ na yuttaṃ pāḷiyaṃ ‘‘sanniccayaṃ kareyyāti anadhiṭṭhito avikappito’’ti (pāci. 735) vuttattā. So hi kathinakkhandhake (mahāva. 306 ādayo) niccayasannidhi viya ekopi punadivase ‘‘sanniccayo’’ti vuccati. Anantarasikkhāpade pana ‘‘dutiyo vārito’’ti adhiṭṭhānaṃ niyataṃ. Tasmā dve patte adhiṭṭhātuṃ na labhati. Sace ekato adhiṭṭhāti, dvepi anadhiṭṭhitā honti. Visuṃ visuṃ adhiṭṭhāti, dutiyo anadhiṭṭhito. Vikappetuṃ pana bahūpi labhati. Kākaṇikamattampīti ettha pi-kāro ‘‘ekapākampi janetī’’ti pākaṃ sampiṇḍeti. Atha vā sace ekapākeneva sāruppo, vaṭṭatīti pākaparimāṇaṃ na vuttanti gahetabbaṃ. Apattattā adhiṭṭhānūpagona hoti. Apaccuddharantena vikappetabboti purāṇapattaṃ apaccuddharantena so patto vikappetabboti atthoti likhitaṃ.
бад̇д̇асигкаабад̣̇аван̣н̣анаа нидтид̇аа.
Pattasikkhāpadavaṇṇanā niṭṭhitā.
