| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇аван̣н̣анаа
1. Pattasikkhāpadavaṇṇanā
598-602. бад̇д̇аваг̇г̇асса батамз бхан̣д̣анд̇и виггзд̇аб̣б̣абхан̣д̣ам̣. яасмаа ван̣н̣асад̣̇д̣̇о сан̣таанаж̇аад̇ируубааяад̇анагааран̣абамаан̣аг̇ун̣абасам̣саад̣̇ийсу д̣̇иссад̇и. ‘‘маханд̇ам̣ саббарааж̇аван̣н̣ам̣ абхинимминид̇ваа’’д̇иаад̣̇ийсу (сам̣. ни. 1.142) хи сан̣таанам̣ вужжад̇и. ‘‘б̣раахман̣ова сздто ван̣н̣о, хийно ан̃н̃о ван̣н̣о’’д̇иаад̣̇ийсу (ма. ни. 2.402) ж̇аад̇и. ‘‘барамааяа ван̣н̣абогкарад̇ааяа саманнааг̇ад̇о’’д̇иаад̣̇ийсу (д̣̇ий. ни. 1.303) руубааяад̇анам̣.
598-602. Pattavaggassa paṭhame bhaṇḍanti vikketabbabhaṇḍaṃ. Yasmā vaṇṇasaddo saṇṭhānajātirūpāyatanakāraṇapamāṇaguṇapasaṃsādīsu dissati. ‘‘Mahantaṃ sapparājavaṇṇaṃ abhinimminitvā’’tiādīsu (saṃ. ni. 1.142) hi saṇṭhānaṃ vuccati. ‘‘Brāhmaṇova seṭṭho vaṇṇo, hīno añño vaṇṇo’’tiādīsu (ma. ni. 2.402) jāti. ‘‘Paramāya vaṇṇapokkharatāya samannāgato’’tiādīsu (dī. ni. 1.303) rūpāyatanaṃ.
‘‘на хараами на бхан̃ж̇аами, аараа син̇гхаами ваариж̇ам̣;
‘‘Na harāmi na bhañjāmi, ārā siṅghāmi vārijaṃ;
ат̇а гзна ну ван̣н̣зна, г̇анд̇хад̇т̇знод̇и вужжад̇ий’’д̇и. (сам̣. ни. 1.234; ж̇аа. 1.6.116) –
Atha kena nu vaṇṇena, gandhatthenoti vuccatī’’ti. (saṃ. ni. 1.234; jā. 1.6.116) –
аад̣̇ийсу гааран̣ам̣. ‘‘д̇аяо бад̇д̇асса ван̣н̣аа’’д̇иаад̣̇ийсу (баараа. 602) бамаан̣ам̣. ‘‘гад̣̇аа сан̃н̃ул̣хаа бана д̇з г̇ахабад̇и имз саман̣асса г̇од̇амасса ван̣н̣аа’’д̇иаад̣̇ийсу (ма. ни. 2.77) г̇ун̣о. ‘‘ван̣н̣аарахасса ван̣н̣ам̣ бхаасад̇ий’’д̇иаад̣̇ийсу (а. ни. 4.3) басам̣саа. д̇асмаа вуд̇д̇ам̣ ‘‘д̇аяо бад̇д̇асса ван̣н̣аад̇и д̇ийн̣и бад̇д̇асса бамаан̣ааний’’д̇и.
Ādīsu kāraṇaṃ. ‘‘Tayo pattassa vaṇṇā’’tiādīsu (pārā. 602) pamāṇaṃ. ‘‘Kadā saññuḷhā pana te gahapati ime samaṇassa gotamassa vaṇṇā’’tiādīsu (ma. ni. 2.77) guṇo. ‘‘Vaṇṇārahassa vaṇṇaṃ bhāsatī’’tiādīsu (a. ni. 4.3) pasaṃsā. Tasmā vuttaṃ ‘‘tayo pattassa vaṇṇāti tīṇi pattassa pamāṇānī’’ti.
ад̣дхад̇зрасабалаа ход̇ийд̇и зд̇т̇а ‘‘маасаанам̣ ад̣дхад̇зрасабалаани г̇ан̣хаад̇ий’’д̇и вад̣̇анд̇и. ‘‘маг̇ад̇ханаал̣и наама чабасад̇аа наал̣ий’’д̇и гзжи. ‘‘адтабасад̇аа’’д̇и абарз. д̇ад̇т̇а буримаанам̣ мад̇зна д̇ибасад̇ааяа наал̣ияаа д̣̇вз наал̣ияо згаа маг̇ад̇ханаал̣и ход̇и, бажчимаанам̣ жад̇убасад̇ааяа наал̣ияаа д̣̇вз наал̣ияо згаа маг̇ад̇ханаал̣и. аажарияад̇хаммабаалад̇т̇зрзна бана ‘‘багад̇ияаа жад̇умудтигам̣ гуд̣увам̣, жад̇угуд̣увам̣ наал̣игам̣, д̇ааяа наал̣ияаа сол̣аса наал̣ияо д̣̇он̣ам̣, д̇ам̣ бана маг̇ад̇ханаал̣ияаа д̣̇ваад̣̇аса наал̣ияо хонд̇ий’’д̇и вуд̇д̇ам̣, д̇асмаа д̇зна наязна ‘‘маг̇ад̇ханаал̣и наама бан̃жа гуд̣уваани зган̃жа мудтим̣ згааяа мудтияаа д̇ад̇ияан̃жа бхааг̇ам̣ г̇ан̣хаад̇ий’’д̇и взд̣̇ид̇аб̣б̣ам̣.
Aḍḍhaterasapalā hotīti ettha ‘‘māsānaṃ aḍḍhaterasapalāni gaṇhātī’’ti vadanti. ‘‘Magadhanāḷi nāma chapasatā nāḷī’’ti keci. ‘‘Aṭṭhapasatā’’ti apare. Tattha purimānaṃ matena tipasatāya nāḷiyā dve nāḷiyo ekā magadhanāḷi hoti, pacchimānaṃ catupasatāya nāḷiyā dve nāḷiyo ekā magadhanāḷi. Ācariyadhammapālattherena pana ‘‘pakatiyā catumuṭṭhikaṃ kuḍuvaṃ, catukuḍuvaṃ nāḷikaṃ, tāya nāḷiyā soḷasa nāḷiyo doṇaṃ, taṃ pana magadhanāḷiyā dvādasa nāḷiyo hontī’’ti vuttaṃ, tasmā tena nayena ‘‘magadhanāḷi nāma pañca kuḍuvāni ekañca muṭṭhiṃ ekāya muṭṭhiyā tatiyañca bhāgaṃ gaṇhātī’’ti veditabbaṃ.
саб̣б̣асамбхаарасан̇кад̇од̇и ж̇ийрагаад̣̇исаб̣б̣асамбхаарзхи сан̇кад̇о. аалобасса аалобасса ануруубанд̇и зд̇т̇а ‘‘б̣яан̃ж̇анасса мад̇д̇аа наама од̣̇анажад̇уд̇т̇о бхааг̇о’’д̇и б̣рахмааяусуд̇д̇асса адтагат̇ааяам̣ (ма. ни. адта. 2.387) вуд̇д̇ад̇д̇аа аалобасса жад̇уд̇т̇абхааг̇аббамаан̣ам̣ б̣яан̃ж̇анам̣ аалобасса ануруубанд̇и г̇ахзд̇аб̣б̣ам̣. ид̇ха бана суубассзва од̣̇анажад̇уд̇т̇абхааг̇аббамаан̣ад̇ам̣ д̣̇ассзд̇ваа зд̇асса лагкан̣з д̣̇ассид̇з ид̇арассаби д̣̇ассид̇амзва ход̇ийд̇и б̣яан̃ж̇анасса д̇ат̇аа висзсзд̇ваа бамаан̣ам̣ на д̣̇ассид̇ам̣.
Sabbasambhārasaṅkhatoti jīrakādisabbasambhārehi saṅkhato. Ālopassa ālopassa anurūpanti ettha ‘‘byañjanassa mattā nāma odanacatuttho bhāgo’’ti brahmāyusuttassa aṭṭhakathāyaṃ (ma. ni. aṭṭha. 2.387) vuttattā ālopassa catutthabhāgappamāṇaṃ byañjanaṃ ālopassa anurūpanti gahetabbaṃ. Idha pana sūpasseva odanacatutthabhāgappamāṇataṃ dassetvā etassa lakkhaṇe dassite itarassapi dassitameva hotīti byañjanassa tathā visesetvā pamāṇaṃ na dassitaṃ.
маг̇ад̇ханаал̣ияаа убад̣дхаббамаан̣о ид̇ха бад̇т̇од̇и ааха ‘‘бад̇т̇од̣̇ананд̇и маг̇ад̇ханаал̣ияаа убад̣дханаал̣игод̣̇ана’’нд̇и. иминаа жа ‘‘бад̇т̇ад̣̇ваяам̣ маг̇ад̇ханаал̣ий’’д̇и д̣̇ассид̇ам̣ ход̇и. бад̇т̇о жа ‘‘жад̇убало гуд̣уво, жад̇угуд̣уво бад̇т̇о’’д̇и иминаа логияавохаарзна взд̣̇ид̇аб̣б̣о. бхааж̇анабарибхог̇знаад̇и уд̣̇агаахаран̣аад̣̇инаа бхааж̇анабарибхог̇зна.
Magadhanāḷiyā upaḍḍhappamāṇo idha patthoti āha ‘‘patthodananti magadhanāḷiyā upaḍḍhanāḷikodana’’nti. Iminā ca ‘‘patthadvayaṃ magadhanāḷī’’ti dassitaṃ hoti. Pattho ca ‘‘catupalo kuḍuvo, catukuḍuvo pattho’’ti iminā lokiyavohārena veditabbo. Bhājanaparibhogenāti udakāharaṇādinā bhājanaparibhogena.
607. д̇ход̇зд̇и барибхог̇аавасаанад̣̇ассанад̇т̇ам̣ вуд̇д̇ам̣, на бана д̇ход̇зязва д̣̇уггадам̣ аабаж̇ж̇ад̇и д̇ад̇о бурзд̇арам̣ барибхог̇агаалзязва аабаж̇ж̇анад̇о.
607.Dhoteti paribhogāvasānadassanatthaṃ vuttaṃ, na pana dhoteyeva dukkaṭaṃ āpajjati tato puretaraṃ paribhogakāleyeva āpajjanato.
608. бан̃жахи д̣̇вийхийд̇и ид̣̇ам̣ ‘‘зд̇д̇аавад̇аа гаал̣аван̣н̣ад̇аа самбаж̇ж̇ад̇ий’’д̇и д̣̇ассанад̇т̇ам̣ вуд̇д̇ам̣. ‘‘яад̣̇и бана згзнаби баагзна гаал̣аван̣н̣о ход̇и, ад̇хидтаанубаг̇оязваа’’д̇и вад̣̇анд̇и. хад̇т̇аанааг̇ад̇ассаби ад̇хидтаад̇аб̣б̣абхаавад̣̇ассанад̇т̇ам̣ ‘‘яад̣̇ихий’’д̇иаад̣̇и вуд̇д̇ам̣. иминаа жа д̣̇уурз тид̇амби ад̇хидтаад̇ум̣ вигаббзд̇ун̃жа лабхад̇и, табид̇адтаанасаллагкан̣ан̃жа на бамаан̣анд̇и взд̣̇ид̇аб̣б̣ам̣. суд̇ваа ваад̇и бад̇д̇агаарагзна бзсид̇абхигкунаа анаан̣ад̇д̇о гзвалам̣ д̇асса гат̇знд̇асса важанамад̇д̇ам̣ суд̇ваа. на бамаан̣анд̇и д̇зна абзсид̇ад̇д̇аа. сааманд̇авихаарзд̇и ид̣̇ам̣ убажаарамад̇д̇ам̣, д̇ад̇о д̣̇уурз тид̇амби ад̇хидтаад̇ум̣ ваддад̇иязва. табид̇адтаанам̣ саллагкзд̇ваад̇и ид̣̇амби убажаарамад̇д̇ам̣, бад̇д̇асаллагкан̣амзвзд̇т̇а бамаан̣ам̣. бад̇д̇з ваа чид̣̇д̣̇ам̣ ход̇ийд̇и мукаваддид̇о хздтаа д̣̇ван̇г̇уламад̇д̇огаасад̇о бадтааяа яад̇т̇а гад̇т̇ажи чид̣̇д̣̇ам̣ ход̇и. сзсамзд̇т̇а батамагат̇инз вуд̇д̇анаяамзва.
608.Pañcahi dvīhīti idaṃ ‘‘ettāvatā kāḷavaṇṇatā sampajjatī’’ti dassanatthaṃ vuttaṃ. ‘‘Yadi pana ekenapi pākena kāḷavaṇṇo hoti, adhiṭṭhānupagoyevā’’ti vadanti. Hatthānāgatassapi adhiṭṭhātabbabhāvadassanatthaṃ ‘‘yadihī’’tiādi vuttaṃ. Iminā ca dūre ṭhitampi adhiṭṭhātuṃ vikappetuñca labhati, ṭhapitaṭṭhānasallakkhaṇañca na pamāṇanti veditabbaṃ. Sutvā vāti pattakārakena pesitabhikkhunā anāṇatto kevalaṃ tassa kathentassa vacanamattaṃ sutvā. Na pamāṇanti tena apesitattā. Sāmantavihāreti idaṃ upacāramattaṃ, tato dūre ṭhitampi adhiṭṭhātuṃ vaṭṭatiyeva. Ṭhapitaṭṭhānaṃ sallakkhetvāti idampi upacāramattaṃ, pattasallakkhaṇamevettha pamāṇaṃ. Patte vā chiddaṃ hotīti mukhavaṭṭito heṭṭhā dvaṅgulamattokāsato paṭṭhāya yattha katthaci chiddaṃ hoti. Sesamettha paṭhamakathine vuttanayameva.
бад̇д̇асигкаабад̣̇аван̣н̣анаа нидтид̇аа.
Pattasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бад̇д̇асигкаабад̣̇ам̣ • 1. Pattasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
