| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇аван̣н̣анаа
1. Pattasikkhāpadavaṇṇanā
598. б̣ахуу бад̇д̇з саннижаяанд̇и зд̇т̇а саннижаяанд̇и бхааванабум̣сагам̣, б̣ахуу бад̇д̇з ваа г̇ахзд̇ваа саннижаяам̣ гариссанд̇ийд̇и ад̇т̇о. ‘‘ад̣дхад̇зрасабаламаасаанам̣ г̇аахигаа’’д̇и ликид̇ам̣. зд̇т̇а –
598.Bahūpatte sannicayanti ettha sannicayanti bhāvanapuṃsakaṃ, bahū patte vā gahetvā sannicayaṃ karissantīti attho. ‘‘Aḍḍhaterasapalamāsānaṃ gāhikā’’ti likhitaṃ. Ettha –
‘‘гуд̣уво жад̇убалзяяо, гуд̣уваанам̣ жад̇уг̇г̇ун̣ам̣;
‘‘Kuḍuvo catupaleyyo, kuḍuvānaṃ catugguṇaṃ;
бад̇т̇ам̣ жад̇уг̇г̇ун̣о маасаа-д̇и гамааху жад̇уг̇г̇ун̣а’’нд̇и. –
Patthaṃ catugguṇo māsā-ti kamāhu catugguṇa’’nti. –
аад̣̇им̣ логавохаарам̣ д̣̇ассзд̇ваава гзжи бабан̃жзнд̇и.
Ādiṃ lokavohāraṃ dassetvāva keci papañcenti.
602. каад̣̇ананд̇и каад̣̇анийяам̣ суубаад̣̇и. ‘‘б̣яан̃ж̇анасса мад̇д̇аа наама од̣̇анад̇о жад̇уд̇т̇о бхааг̇о’’д̇и (ма. ни. адта. 2.387) б̣рахмааяусуд̇д̇адтагат̇ааяам̣ вуд̇д̇ад̇д̇аа аалобасса жад̇уд̇т̇абхааг̇ам̣ б̣яан̃ж̇анам̣ ануруубанд̇и г̇ахзд̇аб̣б̣ам̣. ‘‘бхигкунияаа бад̇д̇асаннижаяасса ваарид̇ад̇д̇аа д̇ад̣̇ануломад̇о бхигкуунамби д̣̇уд̇ияо ваарид̇о’’д̇и вуд̇д̇ам̣, д̇ам̣ на яуд̇д̇ам̣, баал̣ияан̃хи ‘‘саннижаяам̣ гарзяяаад̇и анад̇хидтид̇о авигаббид̇о’’д̇и (баажи. 735) вуд̇д̇ам̣. со хи гат̇инагканд̇хагз (махаава. 306 аад̣̇аяо) нижаяасаннид̇хи вияа згоби бунад̣̇ивасз ‘‘саннижаяо’’д̇и вужжад̇и. ананд̇арасигкаабад̣̇з бана ‘‘д̣̇уд̇ияо ваарид̇од̇и ад̇хидтаанам̣ нияад̇ам̣, д̇асмаа д̣̇вз бад̇д̇з ад̇хидтаад̇ум̣ на лабхад̇и. сажз згад̇о ад̇хидтаад̇и, д̣̇взби на ад̇хидтид̇аа хонд̇и. висум̣ висум̣ ад̇хидтаад̇и, д̣̇уд̇ияо анад̇хидтид̇о’’д̇и вад̣̇анд̇и. вигаббзд̇ум̣ бана б̣ахууби лабхад̇и. ид̣̇аани вад̇д̇аб̣б̣ам̣ санд̇хааяа ‘‘наамамад̇д̇з висзсо’’д̇и вуд̇д̇ам̣. д̇ад̇т̇а нааманд̇и маж̇жхимо маж̇жхимомаго маж̇жхимуггадтод̇иаад̣̇и.
602.Khādananti khādanīyaṃ sūpādi. ‘‘Byañjanassa mattā nāma odanato catuttho bhāgo’’ti (ma. ni. aṭṭha. 2.387) brahmāyusuttaṭṭhakathāyaṃ vuttattā ālopassa catutthabhāgaṃ byañjanaṃ anurūpanti gahetabbaṃ. ‘‘Bhikkhuniyā pattasannicayassa vāritattā tadanulomato bhikkhūnampi dutiyo vārito’’ti vuttaṃ, taṃ na yuttaṃ, pāḷiyañhi ‘‘sannicayaṃ kareyyāti anadhiṭṭhito avikappito’’ti (pāci. 735) vuttaṃ. So hi kathinakkhandhake (mahāva. 306 ādayo) nicayasannidhi viya ekopi punadivase ‘‘sannicayo’’ti vuccati. Anantarasikkhāpade pana ‘‘dutiyo vāritoti adhiṭṭhānaṃ niyataṃ, tasmā dve patte adhiṭṭhātuṃ na labhati. Sace ekato adhiṭṭhāti, dvepi na adhiṭṭhitā honti. Visuṃ visuṃ adhiṭṭhāti, dutiyo anadhiṭṭhito’’ti vadanti. Vikappetuṃ pana bahūpi labhati. Idāni vattabbaṃ sandhāya ‘‘nāmamatte viseso’’ti vuttaṃ. Tattha nāmanti majjhimo majjhimomako majjhimukkaṭṭhotiādi.
608. ‘‘баагасса хи уунад̇д̇аа бад̇д̇асан̇кяам̣ на г̇ажчад̇ий’’д̇и важанад̇о ад̇хидтид̇абад̇д̇оби карабаагзна сзд̇ад̇д̇аа ад̇хидтаанам̣ виж̇ахад̇ийд̇и жз? на, ад̇хидтаанавиж̇аханзсу навасу анааг̇ад̇ад̇д̇аа, д̇асмаа батамабаагаанам̣ зва уунад̇д̇аа бад̇д̇асан̇кяам̣ на г̇ажчад̇и, д̇асмим̣ сад̇и ан̃н̃ам̣ вин̃н̃аабзд̇ум̣ на ваддад̇и. ‘‘уунабан̃жаб̣анд̇ханзнаа’’д̇и хи вуд̇д̇ам̣. чид̣̇д̣̇з, рааж̇ияаа ваа хи сад̇и д̇зхи ад̇хидтаанам̣ виж̇ахад̇ийд̇и виж̇ахид̇з нааяам̣ бадисзд̇хо, д̇асмаа бажжуд̣̇д̇харид̇ваа, вигаббзд̇вааби ан̃н̃ам̣ вин̃н̃аабзд̇ум̣ на лабхад̇и.
608. ‘‘Pākassa hi ūnattā pattasaṅkhyaṃ na gacchatī’’ti vacanato adhiṭṭhitapattopi kharapākena setattā adhiṭṭhānaṃ vijahatīti ce? Na, adhiṭṭhānavijahanesu navasu anāgatattā, tasmā paṭhamapākānaṃ eva ūnattā pattasaṅkhyaṃ na gacchati, tasmiṃ sati aññaṃ viññāpetuṃ na vaṭṭati. ‘‘Ūnapañcabandhanenā’’ti hi vuttaṃ. Chidde, rājiyā vā hi sati tehi adhiṭṭhānaṃ vijahatīti vijahite nāyaṃ paṭisedho, tasmā paccuddharitvā, vikappetvāpi aññaṃ viññāpetuṃ na labhati.
звам̣ бад̇д̇агаараго муулам̣ лабхид̇ваад̇и зд̇т̇а бажид̇ваа табид̇ад̣̇ивасад̇о бадтааяа. д̣̇аад̇угаамо худ̇ваад̇и зд̇т̇а д̣̇иннад̣̇ивасад̇о, суд̇ад̣̇ивасад̇о ваа бадтааяа д̣̇асаахам̣ взд̣̇ид̇аб̣б̣ам̣. лин̇г̇абаривад̇д̇зна бана д̣̇асаахаад̇иггамз бад̇д̇асаамигасса бхигкусса, бхигкунияаа бана рад̇д̇аад̇иггамз ниссаг̇г̇ияам̣.
Evaṃ pattakārako mūlaṃ labhitvāti ettha pacitvā ṭhapitadivasato paṭṭhāya. Dātukāmo hutvāti ettha dinnadivasato, sutadivasato vā paṭṭhāya dasāhaṃ veditabbaṃ. Liṅgaparivattena pana dasāhātikkame pattasāmikassa bhikkhussa, bhikkhuniyā pana rattātikkame nissaggiyaṃ.
бад̇д̇асигкаабад̣̇аван̣н̣анаа нидтид̇аа.
Pattasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бад̇д̇асигкаабад̣̇ам̣ • 1. Pattasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
