| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
3. бад̇д̇аваг̇г̇о
3. Pattavaggo
1. бад̇д̇асигкаабад̣̇аван̣н̣анаа
1. Pattasikkhāpadavaṇṇanā
602. д̇ад̇ияаваг̇г̇асса батамз ад̣дхад̇зрасабалаад̇и мааг̇ад̇хигааяа маанад̇улааяа ад̣дхад̇зрасабалабаримид̇ам̣ уд̣̇агам̣ г̇ан̣ханд̇ам̣ санд̇хааяа вуд̇д̇ам̣, д̇ат̇аа баримид̇ам̣ яавамаасаад̣̇им̣ г̇ан̣ханд̇им̣ санд̇хааяаад̇и гзжи. аажарияад̇хаммабаалад̇т̇зрзна бана ‘‘багад̇ижад̇умудтигам̣ гуд̣увам̣, жад̇угуд̣увам̣ наал̣и, д̇ааяа наал̣ияаа сол̣аса наал̣ияо д̣̇он̣ам̣, д̇ам̣ бана маг̇ад̇ханаал̣ияаа д̣̇ваад̣̇аса наал̣ияо хонд̇ийд̇и вад̣̇анд̇ий’’д̇и вуд̇д̇ам̣. д̣̇амил̣анаал̣ийд̇и бураан̣анаал̣им̣ санд̇хааяа вуд̇д̇ам̣. саа жа жад̇умудтигзхи гуд̣увзхи адта гуд̣уваа, д̇ааяа наал̣ияаа д̣̇вз наал̣ияо маг̇ад̇ханаал̣им̣ г̇ан̣хаад̇и. бураан̣аа бана ‘‘сийхал̣анаал̣и д̇иссо наал̣ияо г̇ан̣хаад̇ий’’д̇и вад̣̇анд̇и, д̇зсам̣ мад̇зна маг̇ад̇ханаал̣и ид̣̇аани бавад̇д̇амаанааяа жад̇угуд̣увааяа д̣̇амил̣анаал̣ияаа жад̇унаал̣игаа ход̇и, д̇ад̇о маг̇ад̇ханаал̣ид̇о убад̣дхан̃жа бураан̣ад̣̇амил̣анаал̣исан̇каад̇ам̣ бад̇т̇ам̣ наама ход̇и, зд̇зна жа ‘‘омаго наама бад̇д̇о бад̇т̇од̣̇анам̣ г̇ан̣хаад̇ий’’д̇и баал̣иважанан̃жа самзд̇и, логиязхиби –
602. Tatiyavaggassa paṭhame aḍḍhaterasapalāti māgadhikāya mānatulāya aḍḍhaterasapalaparimitaṃ udakaṃ gaṇhantaṃ sandhāya vuttaṃ, tathā parimitaṃ yavamāsādiṃ gaṇhantiṃ sandhāyāti keci. Ācariyadhammapālattherena pana ‘‘pakaticatumuṭṭhikaṃ kuḍuvaṃ, catukuḍuvaṃ nāḷi, tāya nāḷiyā soḷasa nāḷiyo doṇaṃ, taṃ pana magadhanāḷiyā dvādasa nāḷiyo hontīti vadantī’’ti vuttaṃ. Damiḷanāḷīti purāṇanāḷiṃ sandhāya vuttaṃ. Sā ca catumuṭṭhikehi kuḍuvehi aṭṭha kuḍuvā, tāya nāḷiyā dve nāḷiyo magadhanāḷiṃ gaṇhāti. Purāṇā pana ‘‘sīhaḷanāḷi tisso nāḷiyo gaṇhātī’’ti vadanti, tesaṃ matena magadhanāḷi idāni pavattamānāya catukuḍuvāya damiḷanāḷiyā catunāḷikā hoti, tato magadhanāḷito upaḍḍhañca purāṇadamiḷanāḷisaṅkhātaṃ patthaṃ nāma hoti, etena ca ‘‘omako nāma patto patthodanaṃ gaṇhātī’’ti pāḷivacanañca sameti, lokiyehipi –
‘‘логияам̣ маг̇ад̇хан̃жзд̇и, бад̇т̇ад̣̇ваяамуд̣̇аахадам̣;
‘‘Lokiyaṃ magadhañceti, patthadvayamudāhaṭaṃ;
логияам̣ сол̣асабалам̣, мааг̇ад̇хам̣ д̣̇иг̇ун̣ам̣ мад̇а’’нд̇и. –
Lokiyaṃ soḷasapalaṃ, māgadhaṃ diguṇaṃ mata’’nti. –
звам̣ логз наал̣ияаа маг̇ад̇ханаал̣и д̣̇иг̇ун̣аад̇и д̣̇ассид̇аа, зван̃жа г̇аяхамаанз омагабад̇д̇асса жа яаабанамад̇д̇од̣̇анаг̇аахигаа жа сид̣̇д̇хаа ход̇и. на хи саггаа адтагуд̣увад̇о уунод̣̇анаг̇аахинаа бад̇д̇зна ат̇уубийгад̇ам̣ бин̣д̣абаад̇ам̣ бариязсид̇ваа яаабзд̇ум̣. д̇знзва взран̃ж̇аган̣д̣адтагат̇ааяам̣ ‘‘бад̇т̇о наама наал̣имад̇д̇ам̣ ход̇и згасса бурисасса алам̣ яаабанааяа. вуд̇д̇амби хзд̇ам̣ ‘бад̇т̇од̣̇ано нааламаяам̣ д̣̇увинна’’’нд̇и (ж̇аа. 2.21.192) вуд̇д̇ам̣, ‘‘згзгасса д̣̇виннам̣ д̇ин̣н̣ам̣ баход̇ий’’д̇и жа ааг̇ахам̣, д̇асмаа ид̇ха вуд̇д̇анаяаанусаарзнзва г̇ахзд̇аб̣б̣ам̣.
Evaṃ loke nāḷiyā magadhanāḷi diguṇāti dassitā, evañca gayhamāne omakapattassa ca yāpanamattodanagāhikā ca siddhā hoti. Na hi sakkā aṭṭhakuḍuvato ūnodanagāhinā pattena athūpīkataṃ piṇḍapātaṃ pariyesitvā yāpetuṃ. Teneva verañjakaṇḍaṭṭhakathāyaṃ ‘‘pattho nāma nāḷimattaṃ hoti ekassa purisassa alaṃ yāpanāya. Vuttampi hetaṃ ‘patthodano nālamayaṃ duvinna’’’nti (jā. 2.21.192) vuttaṃ, ‘‘ekekassa dvinnaṃ tiṇṇaṃ pahotī’’ti ca āgahaṃ, tasmā idha vuttanayānusāreneva gahetabbaṃ.
аалобасса ануруубанд̇и зд̇т̇а ‘‘б̣яан̃ж̇анасса мад̇д̇аа наама од̣̇анад̇о жад̇уд̇т̇абхааг̇о’’д̇и (ма. ни. адта. 2.387) б̣рахмааяусуд̇д̇адтагат̇ааяам̣ вуд̇д̇ад̇д̇аа аалобасса жад̇уд̇т̇абхааг̇амзва б̣яан̃ж̇анам̣ ануруубанд̇и д̣̇адтаб̣б̣ам̣. од̣̇анаг̇ад̇игаанзваад̇и од̣̇анасса анд̇о зва бависанасийлаани сияум̣, ад̇д̇ано огаасам̣ на г̇авзсанд̇ийд̇и ад̇т̇о. наамамад̇д̇зд̇и ‘‘маж̇жхимо бад̇д̇о маж̇жхимомаго’’д̇иаад̣̇инаамамад̇д̇з.
Ālopassaanurūpanti ettha ‘‘byañjanassa mattā nāma odanato catutthabhāgo’’ti (ma. ni. aṭṭha. 2.387) brahmāyusuttaṭṭhakathāyaṃ vuttattā ālopassa catutthabhāgameva byañjanaṃ anurūpanti daṭṭhabbaṃ. Odanagatikānevāti odanassa anto eva pavisanasīlāni siyuṃ, attano okāsaṃ na gavesantīti attho. Nāmamatteti ‘‘majjhimo patto majjhimomako’’tiādināmamatte.
607-8. звам̣ баяог̇з баяог̇зд̇и барияосаанаалобаж̇жхохаран̣абаяог̇з баяог̇з, аалобз аалобзд̇и ад̇т̇о. гад̇ваад̇и баагабарияосаанам̣ гад̇ваа. бажид̇ваа табзссаамийд̇и гаал̣аван̣н̣абаагам̣ санд̇хааяа вуд̇д̇ам̣. чид̣̇д̣̇анд̇и мукаваддид̇о д̣̇ван̇г̇уласса хздтаачид̣̇д̣̇ам̣ вуд̇д̇ам̣. сзсам̣ батамагат̇инз вуд̇д̇анаяамзва.
607-8.Evaṃ payoge payogeti pariyosānālopajjhoharaṇapayoge payoge, ālope ālopeti attho. Katvāti pākapariyosānaṃ katvā. Pacitvā ṭhapessāmīti kāḷavaṇṇapākaṃ sandhāya vuttaṃ. Chiddanti mukhavaṭṭito dvaṅgulassa heṭṭhāchiddaṃ vuttaṃ. Sesaṃ paṭhamakathine vuttanayameva.
бад̇д̇асигкаабад̣̇аван̣н̣анаа нидтид̇аа.
Pattasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бад̇д̇асигкаабад̣̇ам̣ • 1. Pattasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бад̇д̇асигкаабад̣̇аван̣н̣анаа • 1. Pattasikkhāpadavaṇṇanā
