| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੩. ਪਤ੍ਤવਗ੍ਗੋ
3. Pattavaggo
੧. ਪਤ੍ਤਸਿਕ੍ਖਾਪਦવਣ੍ਣਨਾ
1. Pattasikkhāpadavaṇṇanā
ਦ੍વੇ ਅਪਤ੍ਤਾ, ਤਸ੍ਮਾ ਏਤੇ ਭਾਜਨਪਰਿਭੋਗੇਨ ਪਰਿਭੁਞ੍ਜਿਤਬ੍ਬਾ, ਨਅਧਿਟ੍ਠਾਨੂਪਗਾਨવਿਕਪ੍ਪਨੂਪਗਤਾਤਿ ਅਤ੍ਥੋਤਿ ਚ। ਸਮਣਸਾਰੁਪ੍ਪੇਨ ਪਕ੍ਕਨ੍ਤਿ ਅਯੋਪਤ੍ਤੋ ਪਞ੍ਚਹਿ ਪਾਕੇਹਿ ਪਕ੍ਕੋ ਹੋਤਿ, ਮਤ੍ਤਿਕਾਪਤ੍ਤੋ ਦ੍વੀਹਿ। ‘‘ਭਿਕ੍ਖੁਨਿਯਾ ਪਤ੍ਤਸਨ੍ਨਿਚ੍ਚਯਸ੍ਸ વਾਰਿਤਤ੍ਤਾ (વਜਿਰ॰ ਟੀ॰ ਪਾਰਾਜਿਕ ੬੦੨) ਭਿਕ੍ਖੁਸ੍ਸਪਿ ਤਂ ‘ਅਨਨੁਰੂਪ’ਨ੍ਤਿ ਕਤ੍વਾ ‘ਪੁਰਾਣਪਤ੍ਤਂ ਪਚ੍ਚੁਦ੍ਧਰਿਤ੍વਾ’ਤਿ વੁਤ੍ਤ’’ਨ੍ਤਿ ਚ ਲਿਖਿਤਂ, ਤਂ ਨ ਯੁਤ੍ਤਂ ਪਾਲ਼ਿਯਂ ‘‘ਸਨ੍ਨਿਚ੍ਚਯਂ ਕਰੇਯ੍ਯਾਤਿ ਅਨਧਿਟ੍ਠਿਤੋ ਅવਿਕਪ੍ਪਿਤੋ’’ਤਿ (ਪਾਚਿ॰ ੭੩੫) વੁਤ੍ਤਤ੍ਤਾ। ਸੋ ਹਿ ਕਥਿਨਕ੍ਖਨ੍ਧਕੇ (ਮਹਾવ॰ ੩੦੬ ਆਦਯੋ) ਨਿਚ੍ਚਯਸਨ੍ਨਿਧਿ વਿਯ ਏਕੋਪਿ ਪੁਨਦਿવਸੇ ‘‘ਸਨ੍ਨਿਚ੍ਚਯੋ’’ਤਿ વੁਚ੍ਚਤਿ। ਅਨਨ੍ਤਰਸਿਕ੍ਖਾਪਦੇ ਪਨ ‘‘ਦੁਤਿਯੋ વਾਰਿਤੋ’’ਤਿ ਅਧਿਟ੍ਠਾਨਂ ਨਿਯਤਂ। ਤਸ੍ਮਾ ਦ੍વੇ ਪਤ੍ਤੇ ਅਧਿਟ੍ਠਾਤੁਂ ਨ ਲਭਤਿ। ਸਚੇ ਏਕਤੋ ਅਧਿਟ੍ਠਾਤਿ, ਦ੍વੇਪਿ ਅਨਧਿਟ੍ਠਿਤਾ ਹੋਨ੍ਤਿ। વਿਸੁਂ વਿਸੁਂ ਅਧਿਟ੍ਠਾਤਿ, ਦੁਤਿਯੋ ਅਨਧਿਟ੍ਠਿਤੋ। વਿਕਪ੍ਪੇਤੁਂ ਪਨ ਬਹੂਪਿ ਲਭਤਿ। ਕਾਕਣਿਕਮਤ੍ਤਮ੍ਪੀਤਿ ਏਤ੍ਥ ਪਿ-ਕਾਰੋ ‘‘ਏਕਪਾਕਮ੍ਪਿ ਜਨੇਤੀ’’ਤਿ ਪਾਕਂ ਸਮ੍ਪਿਣ੍ਡੇਤਿ। ਅਥ વਾ ਸਚੇ ਏਕਪਾਕੇਨੇવ ਸਾਰੁਪ੍ਪੋ, વਟ੍ਟਤੀਤਿ ਪਾਕਪਰਿਮਾਣਂ ਨ વੁਤ੍ਤਨ੍ਤਿ ਗਹੇਤਬ੍ਬਂ। ਅਪਤ੍ਤਤ੍ਤਾ ਅਧਿਟ੍ਠਾਨੂਪਗੋ ਨ ਹੋਤਿ। ਅਪਚ੍ਚੁਦ੍ਧਰਨ੍ਤੇਨ વਿਕਪ੍ਪੇਤਬ੍ਬੋਤਿ ਪੁਰਾਣਪਤ੍ਤਂ ਅਪਚ੍ਚੁਦ੍ਧਰਨ੍ਤੇਨ ਸੋ ਪਤ੍ਤੋ વਿਕਪ੍ਪੇਤਬ੍ਬੋਤਿ ਅਤ੍ਥੋਤਿ ਲਿਖਿਤਂ।
Dve apattā, tasmā ete bhājanaparibhogena paribhuñjitabbā, naadhiṭṭhānūpagānavikappanūpagatāti atthoti ca. Samaṇasāruppena pakkanti ayopatto pañcahi pākehi pakko hoti, mattikāpatto dvīhi. ‘‘Bhikkhuniyā pattasanniccayassa vāritattā (vajira. ṭī. pārājika 602) bhikkhussapi taṃ ‘ananurūpa’nti katvā ‘purāṇapattaṃ paccuddharitvā’ti vutta’’nti ca likhitaṃ, taṃ na yuttaṃ pāḷiyaṃ ‘‘sanniccayaṃ kareyyāti anadhiṭṭhito avikappito’’ti (pāci. 735) vuttattā. So hi kathinakkhandhake (mahāva. 306 ādayo) niccayasannidhi viya ekopi punadivase ‘‘sanniccayo’’ti vuccati. Anantarasikkhāpade pana ‘‘dutiyo vārito’’ti adhiṭṭhānaṃ niyataṃ. Tasmā dve patte adhiṭṭhātuṃ na labhati. Sace ekato adhiṭṭhāti, dvepi anadhiṭṭhitā honti. Visuṃ visuṃ adhiṭṭhāti, dutiyo anadhiṭṭhito. Vikappetuṃ pana bahūpi labhati. Kākaṇikamattampīti ettha pi-kāro ‘‘ekapākampi janetī’’ti pākaṃ sampiṇḍeti. Atha vā sace ekapākeneva sāruppo, vaṭṭatīti pākaparimāṇaṃ na vuttanti gahetabbaṃ. Apattattā adhiṭṭhānūpagona hoti. Apaccuddharantena vikappetabboti purāṇapattaṃ apaccuddharantena so patto vikappetabboti atthoti likhitaṃ.
ਪਤ੍ਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pattasikkhāpadavaṇṇanā niṭṭhitā.
