| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. бад̇д̇асуд̇д̇аван̣н̣анаа
6. Pattasuttavaṇṇanā
152. бан̃жаннам̣ убаад̣̇аанагканд̇хаанам̣ лагкан̣аад̣̇ийни жзва самуд̣̇аяан̃жа ассаад̣̇аад̣̇ийнаваниссаран̣аани жа г̇ахзд̇ваа саммаа д̇зсам̣ лагкан̣аад̣̇ийнам̣ г̇ахан̣ам̣ ход̇ийд̇и ааха ‘‘бан̃жа убаад̣̇аанагканд̇хз аад̣̇ияид̇ваа’’д̇и. руббанавзд̣̇ияанасан̃ж̇аананаабхисан̇каран̣авиж̇аананаани канд̇хаанам̣ сабхаавалагкан̣аани. аад̣̇и-сад̣̇д̣̇зна расабажжубадтаанабад̣̇адтаанаани жзва самуд̣̇аяаад̣̇ийни жа сан̇г̇ан̣хаад̇и. д̣̇ассзд̇ийд̇и бажжагкад̇о д̣̇ассзд̇и, хад̇т̇аамалагам̣ вияа баагадз вибхууд̇з гад̇ваа вибхаавзд̇и. г̇ан̣хаабзд̇ийд̇и д̇з д̇хаммз манасаа анубзгкид̇з д̣̇идтияаа суббадивид̣̇д̇хз гаронд̇о уг̇г̇ан̣хаабзд̇и. самаад̣̇аанамхийд̇и д̇ад̇т̇а ад̇т̇асса саммад̣̇зва аад̣̇ияанз канд̇хаанан̃жа саммасанавасзна ан̃н̃ад̇хаммавасзна самаад̣̇ияанз. бадивид̣̇д̇хаг̇ун̣знаад̇и д̇ааяа д̣̇зсанааяа, д̇ам̣ ниссааяа бажжад̇д̇абурисагаарзна жа д̇зсам̣ бадивид̣̇д̇хаг̇ун̣зна . ж̇од̇аабзд̇ийд̇и д̇зсам̣ жид̇д̇асанд̇аанам̣ ассад̣̇д̇хияаад̣̇игилзсамалавид̇хаманзна бабхассарам̣ гарод̇и. адтим̣ гад̇ваад̇и д̇ааяа д̣̇зсанааяа баабзд̇аб̣б̣ам̣ ад̇т̇ам̣ баяож̇анам̣ д̣̇ал̣хам̣ гад̇ваа. д̇знааха ‘‘аяам̣ но’’д̇иаад̣̇и. гаммагаарагажид̇д̇ам̣ наама од̇аран̣ажид̇д̇ам̣. ‘‘яонисоманасигаарабуб̣б̣агам̣ вибассанаажид̇д̇а’’нд̇и гзжи. охид̇асод̇аад̇и анан̃н̃авихид̇ад̇ааяа д̇хаммассаванааяа аббид̇асод̇аа, д̇ад̇о зва д̇ад̣̇ад̇т̇ам̣ табид̇асод̇аа.
152. Pañcannaṃ upādānakkhandhānaṃ lakkhaṇādīni ceva samudayañca assādādīnavanissaraṇāni ca gahetvā sammā tesaṃ lakkhaṇādīnaṃ gahaṇaṃ hotīti āha ‘‘pañca upādānakkhandhe ādiyitvā’’ti. Ruppanavediyanasañjānanaabhisaṅkharaṇavijānanāni khandhānaṃ sabhāvalakkhaṇāni. Ādi-saddena rasapaccupaṭṭhānapadaṭṭhānāni ceva samudayādīni ca saṅgaṇhāti. Dassetīti paccakkhato dasseti, hatthāmalakaṃ viya pākaṭe vibhūte katvā vibhāveti. Gaṇhāpetīti te dhamme manasā anupekkhite diṭṭhiyā suppaṭividdhe karonto uggaṇhāpeti. Samādānamhīti tattha atthassa sammadeva ādiyane khandhānañca sammasanavasena aññadhammavasena samādiyane. Paṭividdhaguṇenāti tāya desanāya, taṃ nissāya paccattapurisakārena ca tesaṃ paṭividdhaguṇena . Jotāpetīti tesaṃ cittasantānaṃ assaddhiyādikilesamalavidhamanena pabhassaraṃ karoti. Aṭṭhiṃ katvāti tāya desanāya pāpetabbaṃ atthaṃ payojanaṃ daḷhaṃ katvā. Tenāha ‘‘ayaṃ no’’tiādi. Kammakārakacittaṃ nāma otaraṇacittaṃ. ‘‘Yonisomanasikārapubbakaṃ vipassanācitta’’nti keci. Ohitasotāti anaññavihitatāya dhammassavanāya appitasotā, tato eva tadatthaṃ ṭhapitasotā.
зд̇з руубаад̣̇аяо канд̇хз яан̃жа сан̇кад̇ам̣ самид̣̇д̇хабажжаязхи гад̇ам̣, д̇ан̃жа ‘‘зсо ахам̣ на хоми, зд̇ам̣ маяхам̣ на ход̇ий’’д̇и бассанд̇од̇и яож̇анаа. кзмо ад̇д̇аад̇и кзмад̇д̇аа, д̇ам̣ кзмад̇д̇ам̣. д̇знааха ‘‘кзмибхууд̇ам̣ ад̇д̇абхаава’’нд̇и. бариязсамаанаа маарасзнаа.
Ete rūpādayo khandhe yañca saṅkhataṃ samiddhapaccayehi kataṃ, tañca ‘‘eso ahaṃ na homi, etaṃ mayhaṃ na hotī’’ti passantoti yojanā. Khemo attāti khemattā, taṃ khemattaṃ. Tenāha ‘‘khemibhūtaṃ attabhāva’’nti. Pariyesamānā mārasenā.
бад̇д̇асуд̇д̇аван̣н̣анаа нидтид̇аа.
Pattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. бад̇д̇асуд̇д̇ам̣ • 6. Pattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. бад̇д̇асуд̇д̇аван̣н̣анаа • 6. Pattasuttavaṇṇanā
