| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๖. ปตฺตสุตฺตวณฺณนา
6. Pattasuttavaṇṇanā
๑๕๒. ฉเฎฺฐ ปญฺจนฺนํ อุปาทานกฺขนฺธานํ อุปาทายาติ ปญฺจ อุปาทานกฺขเนฺธ อาทิยิตฺวา, สภาวสามญฺญลกฺขณวเสน นานปฺปการโต วิภชิตฺวา ทเสฺสโนฺตฯ สนฺทเสฺสตีติ ขนฺธานํ สภาวลกฺขณาทีนิ ทเสฺสติฯ สมาทเปตีติ คณฺหาเปติฯ สมุเตฺตเชตีติ สมาทานมฺหิ อุสฺสาหํ ชเนติฯ สมฺปหํเสตีติ ปฎิวิทฺธคุเณน โวทาเปติ โชตาเปติฯ อฎฺฐิํ กตฺวาติ อตฺถิกํ กตฺวา, ‘‘อยํ โน อธิคนฺตโพฺพ อโตฺถ’’ติ เอวํ สลฺลเกฺขตฺวา ตาย เทสนาย อตฺถิกา หุตฺวาฯ มนสิ กตฺวาติ จิเตฺต ฐเปตฺวาฯ สพฺพเจตโส สมนฺนาหริตฺวาติ สเพฺพน เตน กมฺมการกจิเตฺตน สมนฺนาหริตฺวาฯ โอหิตโสตาติ ฐปิตาโสตาฯ อโพฺภกาเส นิกฺขิตฺตาติ โอตาปนตฺถาย ฐปิตาฯ
152. Chaṭṭhe pañcannaṃ upādānakkhandhānaṃ upādāyāti pañca upādānakkhandhe ādiyitvā, sabhāvasāmaññalakkhaṇavasena nānappakārato vibhajitvā dassento. Sandassetīti khandhānaṃ sabhāvalakkhaṇādīni dasseti. Samādapetīti gaṇhāpeti. Samuttejetīti samādānamhi ussāhaṃ janeti. Sampahaṃsetīti paṭividdhaguṇena vodāpeti jotāpeti. Aṭṭhiṃ katvāti atthikaṃ katvā, ‘‘ayaṃ no adhigantabbo attho’’ti evaṃ sallakkhetvā tāya desanāya atthikā hutvā. Manasi katvāti citte ṭhapetvā. Sabbacetaso samannāharitvāti sabbena tena kammakārakacittena samannāharitvā. Ohitasotāti ṭhapitāsotā. Abbhokāse nikkhittāti otāpanatthāya ṭhapitā.
รูปํ เวทยิตํ สญฺญานฺติ, เอเต รูปาทโย ตโย ขนฺธาฯ ยญฺจ สงฺขตนฺติ อิมินา สงฺขารกฺขโนฺธ คหิโตฯ เอวํ ตตฺถ วิรชฺชตีติ ‘‘เอโส อหํ น โหมิ, เอตํ มยฺหํ น โหตี’’ติ ปสฺสโนฺต เอวํ เตสุ ขเนฺธสุ วิรชฺชติฯ เขมตฺตนฺติ เขมีภูตํ อตฺตภาวํฯ อิมินา ผลกฺขณํ ทเสฺสติฯ อเนฺวสนฺติ ภวโยนิคติฐิติสตฺตาวาสสงฺขาเตสุ สพฺพฎฺฐาเนสุ ปริเยสมานาฯ นาชฺฌคาติ น ปสฺสีติฯ ฉฎฺฐํฯ
Rūpaṃ vedayitaṃ saññānti, ete rūpādayo tayo khandhā. Yañca saṅkhatanti iminā saṅkhārakkhandho gahito. Evaṃ tattha virajjatīti ‘‘eso ahaṃ na homi, etaṃ mayhaṃ na hotī’’ti passanto evaṃ tesu khandhesu virajjati. Khemattanti khemībhūtaṃ attabhāvaṃ. Iminā phalakkhaṇaṃ dasseti. Anvesanti bhavayonigatiṭhitisattāvāsasaṅkhātesu sabbaṭṭhānesu pariyesamānā. Nājjhagāti na passīti. Chaṭṭhaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. ปตฺตสุตฺตํ • 6. Pattasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. ปตฺตสุตฺตวณฺณนา • 6. Pattasuttavaṇṇanā
