| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਪਤ੍ਤਸੁਤ੍ਤવਣ੍ਣਨਾ
6. Pattasuttavaṇṇanā
੧੫੨. ਛਟ੍ਠੇ ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਉਪਾਦਾਯਾਤਿ ਪਞ੍ਚ ਉਪਾਦਾਨਕ੍ਖਨ੍ਧੇ ਆਦਿਯਿਤ੍વਾ, ਸਭਾવਸਾਮਞ੍ਞਲਕ੍ਖਣવਸੇਨ ਨਾਨਪ੍ਪਕਾਰਤੋ વਿਭਜਿਤ੍વਾ ਦਸ੍ਸੇਨ੍ਤੋ। ਸਨ੍ਦਸ੍ਸੇਤੀਤਿ ਖਨ੍ਧਾਨਂ ਸਭਾવਲਕ੍ਖਣਾਦੀਨਿ ਦਸ੍ਸੇਤਿ। ਸਮਾਦਪੇਤੀਤਿ ਗਣ੍ਹਾਪੇਤਿ। ਸਮੁਤ੍ਤੇਜੇਤੀਤਿ ਸਮਾਦਾਨਮ੍ਹਿ ਉਸ੍ਸਾਹਂ ਜਨੇਤਿ। ਸਮ੍ਪਹਂਸੇਤੀਤਿ ਪਟਿવਿਦ੍ਧਗੁਣੇਨ વੋਦਾਪੇਤਿ ਜੋਤਾਪੇਤਿ। ਅਟ੍ਠਿਂ ਕਤ੍વਾਤਿ ਅਤ੍ਥਿਕਂ ਕਤ੍વਾ, ‘‘ਅਯਂ ਨੋ ਅਧਿਗਨ੍ਤਬ੍ਬੋ ਅਤ੍ਥੋ’’ਤਿ ਏવਂ ਸਲ੍ਲਕ੍ਖੇਤ੍વਾ ਤਾਯ ਦੇਸਨਾਯ ਅਤ੍ਥਿਕਾ ਹੁਤ੍વਾ। ਮਨਸਿ ਕਤ੍વਾਤਿ ਚਿਤ੍ਤੇ ਠਪੇਤ੍વਾ। ਸਬ੍ਬਚੇਤਸੋ ਸਮਨ੍ਨਾਹਰਿਤ੍વਾਤਿ ਸਬ੍ਬੇਨ ਤੇਨ ਕਮ੍ਮਕਾਰਕਚਿਤ੍ਤੇਨ ਸਮਨ੍ਨਾਹਰਿਤ੍વਾ। ਓਹਿਤਸੋਤਾਤਿ ਠਪਿਤਾਸੋਤਾ। ਅਬ੍ਭੋਕਾਸੇ ਨਿਕ੍ਖਿਤ੍ਤਾਤਿ ਓਤਾਪਨਤ੍ਥਾਯ ਠਪਿਤਾ।
152. Chaṭṭhe pañcannaṃ upādānakkhandhānaṃ upādāyāti pañca upādānakkhandhe ādiyitvā, sabhāvasāmaññalakkhaṇavasena nānappakārato vibhajitvā dassento. Sandassetīti khandhānaṃ sabhāvalakkhaṇādīni dasseti. Samādapetīti gaṇhāpeti. Samuttejetīti samādānamhi ussāhaṃ janeti. Sampahaṃsetīti paṭividdhaguṇena vodāpeti jotāpeti. Aṭṭhiṃ katvāti atthikaṃ katvā, ‘‘ayaṃ no adhigantabbo attho’’ti evaṃ sallakkhetvā tāya desanāya atthikā hutvā. Manasi katvāti citte ṭhapetvā. Sabbacetaso samannāharitvāti sabbena tena kammakārakacittena samannāharitvā. Ohitasotāti ṭhapitāsotā. Abbhokāse nikkhittāti otāpanatthāya ṭhapitā.
ਰੂਪਂ વੇਦਯਿਤਂ ਸਞ੍ਞਾਨ੍ਤਿ, ਏਤੇ ਰੂਪਾਦਯੋ ਤਯੋ ਖਨ੍ਧਾ। ਯਞ੍ਚ ਸਙ੍ਖਤਨ੍ਤਿ ਇਮਿਨਾ ਸਙ੍ਖਾਰਕ੍ਖਨ੍ਧੋ ਗਹਿਤੋ। ਏવਂ ਤਤ੍ਥ વਿਰਜ੍ਜਤੀਤਿ ‘‘ਏਸੋ ਅਹਂ ਨ ਹੋਮਿ, ਏਤਂ ਮਯ੍ਹਂ ਨ ਹੋਤੀ’’ਤਿ ਪਸ੍ਸਨ੍ਤੋ ਏવਂ ਤੇਸੁ ਖਨ੍ਧੇਸੁ વਿਰਜ੍ਜਤਿ। ਖੇਮਤ੍ਤਨ੍ਤਿ ਖੇਮੀਭੂਤਂ ਅਤ੍ਤਭਾવਂ। ਇਮਿਨਾ ਫਲਕ੍ਖਣਂ ਦਸ੍ਸੇਤਿ। ਅਨ੍વੇਸਨ੍ਤਿ ਭવਯੋਨਿਗਤਿਠਿਤਿਸਤ੍ਤਾવਾਸਸਙ੍ਖਾਤੇਸੁ ਸਬ੍ਬਟ੍ਠਾਨੇਸੁ ਪਰਿਯੇਸਮਾਨਾ। ਨਾਜ੍ਝਗਾਤਿ ਨ ਪਸ੍ਸੀਤਿ। ਛਟ੍ਠਂ।
Rūpaṃ vedayitaṃ saññānti, ete rūpādayo tayo khandhā. Yañca saṅkhatanti iminā saṅkhārakkhandho gahito. Evaṃ tattha virajjatīti ‘‘eso ahaṃ na homi, etaṃ mayhaṃ na hotī’’ti passanto evaṃ tesu khandhesu virajjati. Khemattanti khemībhūtaṃ attabhāvaṃ. Iminā phalakkhaṇaṃ dasseti. Anvesanti bhavayonigatiṭhitisattāvāsasaṅkhātesu sabbaṭṭhānesu pariyesamānā. Nājjhagāti na passīti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਪਤ੍ਤਸੁਤ੍ਤਂ • 6. Pattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਪਤ੍ਤਸੁਤ੍ਤવਣ੍ਣਨਾ • 6. Pattasuttavaṇṇanā
