| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
3. бад̇д̇аваг̇г̇о
3. Pattavaggo
44. ад̇ирзгабад̇д̇ам̣ д̣̇асаахам̣ ад̇иггаамзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияз бхигкуу аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкуу ад̇ирзгабад̇д̇ам̣ д̇хаарзсум̣, д̇асмим̣ вад̇т̇усмим̣. згаа бан̃н̃ад̇д̇и, згаа анубан̃н̃ад̇д̇и. чаннам̣ аабад̇д̇исамудтаанаанам̣ д̣̇вийхи самудтаанзхи самудтаад̇и – сияаа гааяад̇о жа ваажад̇о жа самудтаад̇и, на жид̇д̇ад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
44. Atirekapattaṃ dasāhaṃ atikkāmentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū atirekapattaṃ dhāresuṃ, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato ca vācato ca samuṭṭhāti, na cittato; siyā kāyato ca vācato ca cittato ca samuṭṭhāti…pe….
45. уунабан̃жаб̣анд̇ханзна бад̇д̇зна ан̃н̃ам̣ навам̣ бад̇д̇ам̣ жзд̇аабзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саггзсу бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияз бхигкуу аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкуу аббамад̇д̇агзнаби бхиннзна аббамад̇д̇агзнаби кан̣д̣зна виликид̇амад̇д̇знаби б̣ахуу бад̇д̇з вин̃н̃аабзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
45. Ūnapañcabandhanena pattena aññaṃ navaṃ pattaṃ cetāpentassa nissaggiyaṃ pācittiyaṃ kattha paññattanti? Sakkesu paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
46. бхзсаж̇ж̇аани бадиг̇г̇ахзд̇ваа сад̇д̇аахам̣ ад̇иггаамзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? самб̣ахулз бхигкуу аараб̣бха. гисмим̣ вад̇т̇усминд̇и? самб̣ахулаа бхигкуу бхзсаж̇ж̇аани бадиг̇г̇ахзд̇ваа сад̇д̇аахам̣ ад̇иггаамзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̣̇вийхи самудтаанзхи самудтаад̇и гат̇инагз…бз….
46. Bhesajjāni paṭiggahetvā sattāhaṃ atikkāmentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū bhesajjāni paṭiggahetvā sattāhaṃ atikkāmesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti kathinake…pe….
47. ад̇ирзгамаасз сзсз г̇имхаанз вассигасаадигажийварам̣ бариязсанд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияз бхигкуу аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкуу ад̇ирзгамаасз сзсз г̇имхаанз вассигасаадигажийварам̣ бариязсим̣су, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
47. Atirekamāse sese gimhāne vassikasāṭikacīvaraṃ pariyesantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū atirekamāse sese gimhāne vassikasāṭikacīvaraṃ pariyesiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
48. бхигкусса саамам̣ жийварам̣ д̣̇ад̇ваа губид̇зна анад̇д̇аманзна ажчинд̣̇анд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? ааяасманд̇ам̣ убананд̣̇ам̣ сагяабуд̇д̇ам̣ аараб̣бха. гисмим̣ вад̇т̇усминд̇и? ааяасмаа убананд̣̇о сагяабуд̇д̇о бхигкусса саамам̣ жийварам̣ д̣̇ад̇ваа губид̇о анад̇д̇амано ажчинд̣̇и, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и…бз….
48. Bhikkhussa sāmaṃ cīvaraṃ datvā kupitena anattamanena acchindantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ upanandaṃ sakyaputtaṃ ārabbha. Kismiṃ vatthusminti? Āyasmā upanando sakyaputto bhikkhussa sāmaṃ cīvaraṃ datvā kupito anattamano acchindi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
49. саамам̣ суд̇д̇ам̣ вин̃н̃аабзд̇ваа д̇анд̇авааязхи жийварам̣ вааяаабзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? рааж̇аг̇ахз бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияз бхигкуу аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкуу саамам̣ суд̇д̇ам̣ вин̃н̃аабзд̇ваа д̇анд̇авааязхи жийварам̣ вааяаабзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
49. Sāmaṃ suttaṃ viññāpetvā tantavāyehi cīvaraṃ vāyāpentassa nissaggiyaṃ pācittiyaṃ kattha paññattanti? Rājagahe paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū sāmaṃ suttaṃ viññāpetvā tantavāyehi cīvaraṃ vāyāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
50. буб̣б̣з аббаваарид̇асса ан̃н̃аад̇агасса г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇анд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? ааяасманд̇ам̣ убананд̣̇ам̣ сагяабуд̇д̇ам̣ аараб̣бха. гисмим̣ вад̇т̇усминд̇и? ааяасмаа убананд̣̇о сагяабуд̇д̇о буб̣б̣з аббаваарид̇о ан̃н̃аад̇агасса г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇и, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
50. Pubbe appavāritassa aññātakassa gahapatikassa tantavāye upasaṅkamitvā cīvare vikappaṃ āpajjantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ upanandaṃ sakyaputtaṃ ārabbha. Kismiṃ vatthusminti? Āyasmā upanando sakyaputto pubbe appavārito aññātakassa gahapatikassa tantavāye upasaṅkamitvā cīvare vikappaṃ āpajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
51. ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? самб̣ахулз бхигкуу аараб̣бха. гисмим̣ вад̇т̇усминд̇и? самб̣ахулаа бхигкуу ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̣̇вийхи самудтаанзхи самудтаад̇и гат̇инагз…бз….
51. Accekacīvaraṃ paṭiggahetvā cīvarakālasamayaṃ atikkāmentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū accekacīvaraṃ paṭiggahetvā cīvarakālasamayaṃ atikkāmesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti kathinake…pe….
52. д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасанд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? самб̣ахулз бхигкуу аараб̣бха. гисмим̣ вад̇т̇усминд̇и? самб̣ахулаа бхигкуу д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасим̣су, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̣̇вийхи самудтаанзхи самудтаад̇и гат̇инагз…бз….
52. Tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti kathinake…pe….
53. ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзнд̇асса ниссаг̇г̇ияам̣ баажид̇д̇ияам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияз бхигкуу аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкуу ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и…бз….
53. Jānaṃ saṅghikaṃ lābhaṃ pariṇataṃ attano pariṇāmentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū jānaṃ saṅghikaṃ lābhaṃ pariṇataṃ attano pariṇāmesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
бад̇д̇аваг̇г̇о д̇ад̇ияо.
Pattavaggo tatiyo.
д̇им̣са ниссаг̇г̇ияаа баажид̇д̇ияаа нидтид̇аа.
Tiṃsa nissaggiyā pācittiyā niṭṭhitā.
д̇ассуд̣̇д̣̇аанам̣ –
Tassuddānaṃ –
д̣̇асзгарад̇д̇имаасо жа, д̇хованан̃жа бадиг̇г̇ахо;
Dasekarattimāso ca, dhovanañca paṭiggaho;
ан̃н̃аад̇ам̣ д̇ан̃жа 1 уд̣̇д̣̇исса, убхиннам̣ д̣̇ууд̇агзна жа.
Aññātaṃ tañca 2 uddissa, ubhinnaṃ dūtakena ca.
госияаа суд̣̇д̇хад̣̇взбхааг̇аа, чаб̣б̣ассаани нисийд̣̇анам̣;
Kosiyā suddhadvebhāgā, chabbassāni nisīdanaṃ;
д̣̇вз жа ломаани уг̇г̇ан̣хз, убхо наанаббагаарагаа.
Dve ca lomāni uggaṇhe, ubho nānappakārakā.
д̣̇вз жа бад̇д̇аани бхзсаж̇ж̇ам̣, вассигаа д̣̇аанабан̃жамам̣;
Dve ca pattāni bhesajjaṃ, vassikā dānapañcamaṃ;
саамам̣ вааяаабанажжзго, саасан̇гам̣ сан̇гхигзна жаад̇и.
Sāmaṃ vāyāpanacceko, sāsaṅkaṃ saṅghikena cāti.
Footnotes:
