| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੩. ਪਤ੍ਤવਗ੍ਗੋ
3. Pattavaggo
੧੬੪. ਅਤਿਰੇਕਪਤ੍ਤਂ ਦਸਾਹਂ ਅਤਿਕ੍ਕਾਮੇਨ੍ਤੋ ਏਕਂ ਆਪਤ੍ਤਿਂ ਆਪਜ੍ਜਤਿ। ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
164. Atirekapattaṃ dasāhaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਅਞ੍ਞਂ ਨવਂ ਪਤ੍ਤਂ ਚੇਤਾਪੇਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਚੇਤਾਪੇਤਿ, ਪਯੋਗੇ ਦੁਕ੍ਕਟਂ; ਚੇਤਾਪਿਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Ūnapañcabandhanena pattena aññaṃ navaṃ pattaṃ cetāpento dve āpattiyo āpajjati. Cetāpeti, payoge dukkaṭaṃ; cetāpite nissaggiyaṃ pācittiyaṃ.
ਭੇਸਜ੍ਜਾਨਿ ਪਟਿਗ੍ਗਹੇਤ੍વਾ ਸਤ੍ਤਾਹਂ ਅਤਿਕ੍ਕਾਮੇਨ੍ਤੋ ਏਕਂ ਆਪਤ੍ਤਿਂ ਆਪਜ੍ਜਤਿ। ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Bhesajjāni paṭiggahetvā sattāhaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ વਸ੍ਸਿਕਸਾਟਿਕਚੀવਰਂ ਪਰਿਯੇਸਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਯੇਸਤਿ, ਪਯੋਗੇ ਦੁਕ੍ਕਟਂ; ਪਰਿਯਿਟ੍ਠੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Atirekamāse sese gimhāne vassikasāṭikacīvaraṃ pariyesanto dve āpattiyo āpajjati. Pariyesati, payoge dukkaṭaṃ; pariyiṭṭhe nissaggiyaṃ pācittiyaṃ.
ਭਿਕ੍ਖੁਸ੍ਸ ਸਾਮਂ ਚੀવਰਂ ਦਤ੍વਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਅਚ੍ਛਿਨ੍ਦਤਿ, ਪਯੋਗੇ ਦੁਕ੍ਕਟਂ; ਅਚ੍ਛਿਨ੍ਨੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Bhikkhussa sāmaṃ cīvaraṃ datvā kupito anattamano acchindanto dve āpattiyo āpajjati. Acchindati, payoge dukkaṭaṃ; acchinne nissaggiyaṃ pācittiyaṃ.
ਸਾਮਂ ਸੁਤ੍ਤਂ વਿਞ੍ਞਾਪੇਤ੍વਾ ਤਨ੍ਤવਾਯੇਹਿ ਚੀવਰਂ વਾਯਾਪੇਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। વਾਯਾਪੇਤਿ, ਪਯੋਗੇ ਦੁਕ੍ਕਟਂ; વਾਯਾਪਿਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Sāmaṃ suttaṃ viññāpetvā tantavāyehi cīvaraṃ vāyāpento dve āpattiyo āpajjati. Vāyāpeti, payoge dukkaṭaṃ; vāyāpite nissaggiyaṃ pācittiyaṃ.
ਪੁਬ੍ਬੇ ਅਪ੍ਪવਾਰਿਤੋ ਅਞ੍ਞਾਤਕਸ੍ਸ ਗਹਪਤਿਕਸ੍ਸ ਤਨ੍ਤવਾਯੇ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। વਿਕਪ੍ਪਂ ਆਪਜ੍ਜਤਿ, ਪਯੋਗੇ ਦੁਕ੍ਕਟਂ; વਿਕਪ੍ਪਂ ਆਪਨ੍ਨੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Pubbe appavārito aññātakassa gahapatikassa tantavāye upasaṅkamitvā cīvare vikappaṃ āpajjanto dve āpattiyo āpajjati. Vikappaṃ āpajjati, payoge dukkaṭaṃ; vikappaṃ āpanne nissaggiyaṃ pācittiyaṃ.
ਅਚ੍ਚੇਕਚੀવਰਂ ਪਟਿਗ੍ਗਹੇਤ੍વਾ ਚੀવਰਕਾਲਸਮਯਂ ਅਤਿਕ੍ਕਾਮੇਨ੍ਤੋ ਏਕਂ ਆਪਤ੍ਤਿਂ ਆਪਜ੍ਜਤਿ। ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Accekacīvaraṃ paṭiggahetvā cīvarakālasamayaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤ੍વਾ ਅਤਿਰੇਕਛਾਰਤ੍ਤਂ વਿਪ੍ਪવਸਨ੍ਤੋ ਏਕਂ ਆਪਤ੍ਤਿਂ ਆਪਜ੍ਜਤਿ। ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasanto ekaṃ āpattiṃ āpajjati. Nissaggiyaṃ pācittiyaṃ.
ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਨ੍ਤੋ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਣਾਮੇਤਿ, ਪਯੋਗੇ ਦੁਕ੍ਕਟਂ; ਪਰਿਣਾਮਿਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Jānaṃ saṅghikaṃ lābhaṃ pariṇataṃ attano pariṇāmento dve āpattiyo āpajjati. Pariṇāmeti, payoge dukkaṭaṃ; pariṇāmite nissaggiyaṃ pācittiyaṃ.
ਪਤ੍ਤવਗ੍ਗੋ ਤਤਿਯੋ।
Pattavaggo tatiyo.
ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਨਿਟ੍ਠਿਤਾ।
Tiṃsa nissaggiyā pācittiyā niṭṭhitā.
