| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৯. একূনৰীসতিমৰগ্গো
19. Ekūnavīsatimavaggo
(১৮৯) ৪. পত্তিকথা
(189) 4. Pattikathā
৮৩৭. পত্তি অসঙ্খতাতি? আমন্তা। নিব্বানং তাণং লেণং সরণং পরাযণং অচ্চুতং অমতন্তি? ন হেৰং ৰত্তব্বে…পে॰… পত্তি অসঙ্খতা, নিব্বানং অসঙ্খতন্তি? আমন্তা। দ্ৰে অসঙ্খতানীতি? ন হেৰং ৰত্তব্বে…পে॰… দ্ৰে অসঙ্খতানীতি? আমন্তা। দ্ৰে তাণানি…পে॰… অন্তরিকা ৰাতি? ন হেৰং ৰত্তব্বে…পে॰…।
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
৮৩৮. চীৰরস্স পত্তি অসঙ্খতাতি? আমন্তা। নিব্বানং…পে॰… অমতন্তি? ন হেৰং ৰত্তব্বে…পে॰… চীৰরস্স পত্তি অসঙ্খতা, নিব্বানং অসঙ্খতন্তি? আমন্তা। দ্ৰে অসঙ্খতানীতি? ন হেৰং ৰত্তব্বে…পে॰… দ্ৰে অসঙ্খতানীতি? আমন্তা। দ্ৰে তাণানি…পে॰… অন্তরিকা ৰাতি? ন হেৰং ৰত্তব্বে…পে॰… পিণ্ডপাতস্স…পে॰… সেনাসনস্স…পে॰… গিলানপচ্চযভেসজ্জপরিক্খারস্স পত্তি অসঙ্খতাতি? আমন্তা। নিব্বানং…পে॰… অচ্চুতং অমতন্তি? ন হেৰং ৰত্তব্বে…পে॰… গিলানপচ্চযভেসজ্জপরিক্খারস্স পত্তি অসঙ্খতা, নিব্বানং অসঙ্খতন্তি? আমন্তা। দ্ৰে অসঙ্খতানীতি? ন হেৰং ৰত্তব্বে…পে॰… দ্ৰে অসঙ্খতানীতি? আমন্তা। দ্ৰে তাণানি…পে॰… অন্তরিকা ৰাতি? ন হেৰং ৰত্তব্বে…পে॰…।
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
চীৰরস্স পত্তি অসঙ্খতা…পে॰… পিণ্ডপাতস্স…পে॰… সেনাসনস্স…পে॰… গিলানপচ্চযভেসজ্জপরিক্খারস্স পত্তি অসঙ্খতা, নিব্বানং অসঙ্খতন্তি? আমন্তা। পঞ্চ অসঙ্খতানীতি? ন হেৰং ৰত্তব্বে…পে॰… পঞ্চ অসঙ্খতানীতি? আমন্তা। পঞ্চ তাণানি…পে॰… অন্তরিকা ৰাতি? ন হেৰং ৰত্তব্বে…পে॰…।
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
৮৩৯. পঠমস্স ঝানস্স পত্তি অসঙ্খতা (এৰং সব্বং ৰিত্থারেতব্বং) দুতিযস্স ঝানস্স… ততিযস্স ঝানস্স… চতুত্থস্স ঝানস্স… আকাসানঞ্চাযতনস্স… ৰিঞ্ঞাণঞ্চাযতনস্স… আকিঞ্চঞ্ঞাযতনস্স… নেৰসঞ্ঞানাসঞ্ঞাযতনস্স… সোতাপত্তিমগ্গস্স… সোতাপত্তিফলস্স… সকদাগামিমগ্গস্স… সকদাগামিফলস্স… অনাগামিমগ্গস্স… অনাগামিফলস্স… অরহত্তমগ্গস্স… অরহত্তফলস্স পত্তি অসঙ্খতাতি? আমন্তা। নিব্বানং…পে॰… অচ্চুতং অমতন্তি? ন হেৰং ৰত্তব্বে…পে॰… অরহত্তফলস্স পত্তি অসঙ্খতা, নিব্বানং অসঙ্খতন্তি? আমন্তা । দ্ৰে অসঙ্খতানীতি? ন হেৰং ৰত্তব্বে…পে॰… দ্ৰে অসঙ্খতানীতি? আমন্তা। দ্ৰে তাণানি…পে॰… অন্তরিকা ৰাতি? ন হেৰং ৰত্তব্বে…পে॰…।
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
সোতাপত্তিমগ্গস্স পত্তি অসঙ্খতা… সোতাপত্তিফলস্স পত্তি অসঙ্খতা… অরহত্তমগ্গস্স পত্তি অসঙ্খতা… অরহত্তফলস্স পত্তি অসঙ্খতা… নিব্বানং অসঙ্খতন্তি? আমন্তা। নৰ অসঙ্খতানীতি? ন হেৰং ৰত্তব্বে…পে॰… নৰ অসঙ্খতানীতি? আমন্তা। নৰ তাণানি…পে॰… অন্তরিকা ৰাতি? ন হেৰং ৰত্তব্বে…পে॰…।
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
৮৪০. ন ৰত্তব্বং – পত্তি অসঙ্খতাতি? আমন্তা। পত্তি রূপং … ৰেদনা… সঞ্ঞা… সঙ্খারা… ৰিঞ্ঞাণন্তি? ন হেৰং ৰত্তব্বে। তেন হি পত্তি অসঙ্খতাতি।
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
পত্তিকথা নিট্ঠিতা।
Pattikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. পত্তিকথাৰণ্ণনা • 4. Pattikathāvaṇṇanā
