| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१९. एकूनवीसतिमवग्गो
19. Ekūnavīsatimavaggo
(१८९) ४. पत्तिकथा
(189) 4. Pattikathā
८३७. पत्ति असङ्खताति? आमन्ता। निब्बानं ताणं लेणं सरणं परायणं अच्चुतं अमतन्ति? न हेवं वत्तब्बे…पे॰… पत्ति असङ्खता, निब्बानं असङ्खतन्ति? आमन्ता। द्वे असङ्खतानीति? न हेवं वत्तब्बे…पे॰… द्वे असङ्खतानीति? आमन्ता। द्वे ताणानि…पे॰… अन्तरिका वाति? न हेवं वत्तब्बे…पे॰…।
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
८३८. चीवरस्स पत्ति असङ्खताति? आमन्ता। निब्बानं…पे॰… अमतन्ति? न हेवं वत्तब्बे…पे॰… चीवरस्स पत्ति असङ्खता, निब्बानं असङ्खतन्ति? आमन्ता। द्वे असङ्खतानीति? न हेवं वत्तब्बे…पे॰… द्वे असङ्खतानीति? आमन्ता। द्वे ताणानि…पे॰… अन्तरिका वाति? न हेवं वत्तब्बे…पे॰… पिण्डपातस्स…पे॰… सेनासनस्स…पे॰… गिलानपच्चयभेसज्जपरिक्खारस्स पत्ति असङ्खताति? आमन्ता। निब्बानं…पे॰… अच्चुतं अमतन्ति? न हेवं वत्तब्बे…पे॰… गिलानपच्चयभेसज्जपरिक्खारस्स पत्ति असङ्खता, निब्बानं असङ्खतन्ति? आमन्ता। द्वे असङ्खतानीति? न हेवं वत्तब्बे…पे॰… द्वे असङ्खतानीति? आमन्ता। द्वे ताणानि…पे॰… अन्तरिका वाति? न हेवं वत्तब्बे…पे॰…।
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
चीवरस्स पत्ति असङ्खता…पे॰… पिण्डपातस्स…पे॰… सेनासनस्स…पे॰… गिलानपच्चयभेसज्जपरिक्खारस्स पत्ति असङ्खता, निब्बानं असङ्खतन्ति? आमन्ता। पञ्च असङ्खतानीति? न हेवं वत्तब्बे…पे॰… पञ्च असङ्खतानीति? आमन्ता। पञ्च ताणानि…पे॰… अन्तरिका वाति? न हेवं वत्तब्बे…पे॰…।
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
८३९. पठमस्स झानस्स पत्ति असङ्खता (एवं सब्बं वित्थारेतब्बं) दुतियस्स झानस्स… ततियस्स झानस्स… चतुत्थस्स झानस्स… आकासानञ्चायतनस्स… विञ्ञाणञ्चायतनस्स… आकिञ्चञ्ञायतनस्स… नेवसञ्ञानासञ्ञायतनस्स… सोतापत्तिमग्गस्स… सोतापत्तिफलस्स… सकदागामिमग्गस्स… सकदागामिफलस्स… अनागामिमग्गस्स… अनागामिफलस्स… अरहत्तमग्गस्स… अरहत्तफलस्स पत्ति असङ्खताति? आमन्ता। निब्बानं…पे॰… अच्चुतं अमतन्ति? न हेवं वत्तब्बे…पे॰… अरहत्तफलस्स पत्ति असङ्खता, निब्बानं असङ्खतन्ति? आमन्ता । द्वे असङ्खतानीति? न हेवं वत्तब्बे…पे॰… द्वे असङ्खतानीति? आमन्ता। द्वे ताणानि…पे॰… अन्तरिका वाति? न हेवं वत्तब्बे…पे॰…।
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
सोतापत्तिमग्गस्स पत्ति असङ्खता… सोतापत्तिफलस्स पत्ति असङ्खता… अरहत्तमग्गस्स पत्ति असङ्खता… अरहत्तफलस्स पत्ति असङ्खता… निब्बानं असङ्खतन्ति? आमन्ता। नव असङ्खतानीति? न हेवं वत्तब्बे…पे॰… नव असङ्खतानीति? आमन्ता। नव ताणानि…पे॰… अन्तरिका वाति? न हेवं वत्तब्बे…पे॰…।
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
८४०. न वत्तब्बं – पत्ति असङ्खताति? आमन्ता। पत्ति रूपं … वेदना… सञ्ञा… सङ्खारा… विञ्ञाणन्ति? न हेवं वत्तब्बे। तेन हि पत्ति असङ्खताति।
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
पत्तिकथा निट्ठिता।
Pattikathā niṭṭhitā.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. पत्तिकथावण्णना • 4. Pattikathāvaṇṇanā
