| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๙. เอกูนวีสติมวโคฺค
19. Ekūnavīsatimavaggo
(๑๘๙) ๔. ปตฺติกถา
(189) 4. Pattikathā
๘๓๗. ปตฺติ อสงฺขตาติ? อามนฺตาฯ นิพฺพานํ ตาณํ เลณํ สรณํ ปรายณํ อจฺจุตํ อมตนฺติ? น เหวํ วตฺตเพฺพ…เป.… ปตฺติ อสงฺขตา, นิพฺพานํ อสงฺขตนฺติ? อามนฺตาฯ เทฺว อสงฺขตานีติ? น เหวํ วตฺตเพฺพ…เป.… เทฺว อสงฺขตานีติ? อามนฺตาฯ เทฺว ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
๘๓๘. จีวรสฺส ปตฺติ อสงฺขตาติ? อามนฺตาฯ นิพฺพานํ…เป.… อมตนฺติ? น เหวํ วตฺตเพฺพ…เป.… จีวรสฺส ปตฺติ อสงฺขตา, นิพฺพานํ อสงฺขตนฺติ? อามนฺตาฯ เทฺว อสงฺขตานีติ? น เหวํ วตฺตเพฺพ…เป.… เทฺว อสงฺขตานีติ? อามนฺตาฯ เทฺว ตาณานิ…เป.… อนฺตริกา วาติ? น เหวํ วตฺตเพฺพ…เป.… ปิณฺฑปาตสฺส…เป.… เสนาสนสฺส…เป.… คิลานปจฺจยเภสชฺชปริกฺขารสฺส ปตฺติ อสงฺขตาติ? อามนฺตาฯ นิพฺพานํ…เป.… อจฺจุตํ อมตนฺติ? น เหวํ วตฺตเพฺพ…เป.… คิลานปจฺจยเภสชฺชปริกฺขารสฺส ปตฺติ อสงฺขตา, นิพฺพานํ อสงฺขตนฺติ? อามนฺตาฯ เทฺว อสงฺขตานีติ? น เหวํ วตฺตเพฺพ…เป.… เทฺว อสงฺขตานีติ? อามนฺตาฯ เทฺว ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
จีวรสฺส ปตฺติ อสงฺขตา…เป.… ปิณฺฑปาตสฺส…เป.… เสนาสนสฺส…เป.… คิลานปจฺจยเภสชฺชปริกฺขารสฺส ปตฺติ อสงฺขตา, นิพฺพานํ อสงฺขตนฺติ? อามนฺตาฯ ปญฺจ อสงฺขตานีติ? น เหวํ วตฺตเพฺพ…เป.… ปญฺจ อสงฺขตานีติ? อามนฺตาฯ ปญฺจ ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
๘๓๙. ปฐมสฺส ฌานสฺส ปตฺติ อสงฺขตา (เอวํ สพฺพํ วิตฺถาเรตพฺพํ) ทุติยสฺส ฌานสฺส… ตติยสฺส ฌานสฺส… จตุตฺถสฺส ฌานสฺส… อากาสานญฺจายตนสฺส… วิญฺญาณญฺจายตนสฺส… อากิญฺจญฺญายตนสฺส… เนวสญฺญานาสญฺญายตนสฺส… โสตาปตฺติมคฺคสฺส… โสตาปตฺติผลสฺส… สกทาคามิมคฺคสฺส… สกทาคามิผลสฺส… อนาคามิมคฺคสฺส… อนาคามิผลสฺส… อรหตฺตมคฺคสฺส… อรหตฺตผลสฺส ปตฺติ อสงฺขตาติ? อามนฺตาฯ นิพฺพานํ…เป.… อจฺจุตํ อมตนฺติ? น เหวํ วตฺตเพฺพ…เป.… อรหตฺตผลสฺส ปตฺติ อสงฺขตา, นิพฺพานํ อสงฺขตนฺติ? อามนฺตา ฯ เทฺว อสงฺขตานีติ? น เหวํ วตฺตเพฺพ…เป.… เทฺว อสงฺขตานีติ? อามนฺตาฯ เทฺว ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
โสตาปตฺติมคฺคสฺส ปตฺติ อสงฺขตา… โสตาปตฺติผลสฺส ปตฺติ อสงฺขตา… อรหตฺตมคฺคสฺส ปตฺติ อสงฺขตา… อรหตฺตผลสฺส ปตฺติ อสงฺขตา… นิพฺพานํ อสงฺขตนฺติ? อามนฺตาฯ นว อสงฺขตานีติ? น เหวํ วตฺตเพฺพ…เป.… นว อสงฺขตานีติ? อามนฺตาฯ นว ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
๘๔๐. น วตฺตพฺพํ – ปตฺติ อสงฺขตาติ? อามนฺตาฯ ปตฺติ รูปํ … เวทนา… สญฺญา… สงฺขารา… วิญฺญาณนฺติ? น เหวํ วตฺตเพฺพฯ เตน หิ ปตฺติ อสงฺขตาติฯ
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
ปตฺติกถา นิฎฺฐิตาฯ
Pattikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. ปตฺติกถาวณฺณนา • 4. Pattikathāvaṇṇanā
