| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೯. ಏಕೂನವೀಸತಿಮವಗ್ಗೋ
19. Ekūnavīsatimavaggo
(೧೮೯) ೪. ಪತ್ತಿಕಥಾ
(189) 4. Pattikathā
೮೩೭. ಪತ್ತಿ ಅಸಙ್ಖತಾತಿ? ಆಮನ್ತಾ। ನಿಬ್ಬಾನಂ ತಾಣಂ ಲೇಣಂ ಸರಣಂ ಪರಾಯಣಂ ಅಚ್ಚುತಂ ಅಮತನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಪತ್ತಿ ಅಸಙ್ಖತಾ, ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ। ದ್ವೇ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ದ್ವೇ ಅಸಙ್ಖತಾನೀತಿ? ಆಮನ್ತಾ। ದ್ವೇ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
೮೩೮. ಚೀವರಸ್ಸ ಪತ್ತಿ ಅಸಙ್ಖತಾತಿ? ಆಮನ್ತಾ। ನಿಬ್ಬಾನಂ…ಪೇ॰… ಅಮತನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಚೀವರಸ್ಸ ಪತ್ತಿ ಅಸಙ್ಖತಾ, ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ। ದ್ವೇ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ದ್ವೇ ಅಸಙ್ಖತಾನೀತಿ? ಆಮನ್ತಾ। ದ್ವೇ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰… ಪಿಣ್ಡಪಾತಸ್ಸ…ಪೇ॰… ಸೇನಾಸನಸ್ಸ…ಪೇ॰… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಸ್ಸ ಪತ್ತಿ ಅಸಙ್ಖತಾತಿ? ಆಮನ್ತಾ। ನಿಬ್ಬಾನಂ…ಪೇ॰… ಅಚ್ಚುತಂ ಅಮತನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಸ್ಸ ಪತ್ತಿ ಅಸಙ್ಖತಾ, ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ। ದ್ವೇ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ದ್ವೇ ಅಸಙ್ಖತಾನೀತಿ? ಆಮನ್ತಾ। ದ್ವೇ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
ಚೀವರಸ್ಸ ಪತ್ತಿ ಅಸಙ್ಖತಾ…ಪೇ॰… ಪಿಣ್ಡಪಾತಸ್ಸ…ಪೇ॰… ಸೇನಾಸನಸ್ಸ…ಪೇ॰… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಸ್ಸ ಪತ್ತಿ ಅಸಙ್ಖತಾ, ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ। ಪಞ್ಚ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ಪಞ್ಚ ಅಸಙ್ಖತಾನೀತಿ? ಆಮನ್ತಾ। ಪಞ್ಚ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
೮೩೯. ಪಠಮಸ್ಸ ಝಾನಸ್ಸ ಪತ್ತಿ ಅಸಙ್ಖತಾ (ಏವಂ ಸಬ್ಬಂ ವಿತ್ಥಾರೇತಬ್ಬಂ) ದುತಿಯಸ್ಸ ಝಾನಸ್ಸ… ತತಿಯಸ್ಸ ಝಾನಸ್ಸ… ಚತುತ್ಥಸ್ಸ ಝಾನಸ್ಸ… ಆಕಾಸಾನಞ್ಚಾಯತನಸ್ಸ… ವಿಞ್ಞಾಣಞ್ಚಾಯತನಸ್ಸ… ಆಕಿಞ್ಚಞ್ಞಾಯತನಸ್ಸ… ನೇವಸಞ್ಞಾನಾಸಞ್ಞಾಯತನಸ್ಸ… ಸೋತಾಪತ್ತಿಮಗ್ಗಸ್ಸ… ಸೋತಾಪತ್ತಿಫಲಸ್ಸ… ಸಕದಾಗಾಮಿಮಗ್ಗಸ್ಸ… ಸಕದಾಗಾಮಿಫಲಸ್ಸ… ಅನಾಗಾಮಿಮಗ್ಗಸ್ಸ… ಅನಾಗಾಮಿಫಲಸ್ಸ… ಅರಹತ್ತಮಗ್ಗಸ್ಸ… ಅರಹತ್ತಫಲಸ್ಸ ಪತ್ತಿ ಅಸಙ್ಖತಾತಿ? ಆಮನ್ತಾ। ನಿಬ್ಬಾನಂ…ಪೇ॰… ಅಚ್ಚುತಂ ಅಮತನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಅರಹತ್ತಫಲಸ್ಸ ಪತ್ತಿ ಅಸಙ್ಖತಾ, ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ । ದ್ವೇ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ದ್ವೇ ಅಸಙ್ಖತಾನೀತಿ? ಆಮನ್ತಾ। ದ್ವೇ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
ಸೋತಾಪತ್ತಿಮಗ್ಗಸ್ಸ ಪತ್ತಿ ಅಸಙ್ಖತಾ… ಸೋತಾಪತ್ತಿಫಲಸ್ಸ ಪತ್ತಿ ಅಸಙ್ಖತಾ… ಅರಹತ್ತಮಗ್ಗಸ್ಸ ಪತ್ತಿ ಅಸಙ್ಖತಾ… ಅರಹತ್ತಫಲಸ್ಸ ಪತ್ತಿ ಅಸಙ್ಖತಾ… ನಿಬ್ಬಾನಂ ಅಸಙ್ಖತನ್ತಿ? ಆಮನ್ತಾ। ನವ ಅಸಙ್ಖತಾನೀತಿ? ನ ಹೇವಂ ವತ್ತಬ್ಬೇ…ಪೇ॰… ನವ ಅಸಙ್ಖತಾನೀತಿ? ಆಮನ್ತಾ। ನವ ತಾಣಾನಿ…ಪೇ॰… ಅನ್ತರಿಕಾ ವಾತಿ? ನ ಹೇವಂ ವತ್ತಬ್ಬೇ…ಪೇ॰…।
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
೮೪೦. ನ ವತ್ತಬ್ಬಂ – ಪತ್ತಿ ಅಸಙ್ಖತಾತಿ? ಆಮನ್ತಾ। ಪತ್ತಿ ರೂಪಂ … ವೇದನಾ… ಸಞ್ಞಾ… ಸಙ್ಖಾರಾ… ವಿಞ್ಞಾಣನ್ತಿ? ನ ಹೇವಂ ವತ್ತಬ್ಬೇ। ತೇನ ಹಿ ಪತ್ತಿ ಅಸಙ್ಖತಾತಿ।
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
ಪತ್ತಿಕಥಾ ನಿಟ್ಠಿತಾ।
Pattikathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ಪತ್ತಿಕಥಾವಣ್ಣನಾ • 4. Pattikathāvaṇṇanā
