| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༩. ཨེཀཱུནཝཱིསཏིམཝགྒོ
19. Ekūnavīsatimavaggo
(༡༨༩) ༤. པཏྟིཀཐཱ
(189) 4. Pattikathā
༨༣༧. པཏྟི ཨསངྑཏཱཏི? ཨཱམནྟཱ། ནིབྦཱནཾ ཏཱཎཾ ལེཎཾ སརཎཾ པརཱཡཎཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ॰… པཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ། དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… དྭེ ཨསངྑཏཱནཱིཏི? ཨཱམནྟཱ། དྭེ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
༨༣༨. ཙཱིཝརསྶ པཏྟི ཨསངྑཏཱཏི? ཨཱམནྟཱ། ནིབྦཱནཾ…པེ॰… ཨམཏནྟི? ན ཧེཝཾ ཝཏྟབྦེ…པེ॰… ཙཱིཝརསྶ པཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ། དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… དྭེ ཨསངྑཏཱནཱིཏི? ཨཱམནྟཱ། དྭེ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰… པིཎྜཔཱཏསྶ…པེ॰… སེནཱསནསྶ…པེ॰… གིལཱནཔཙྩཡབྷེསཛྫཔརིཀྑཱརསྶ པཏྟི ཨསངྑཏཱཏི? ཨཱམནྟཱ། ནིབྦཱནཾ…པེ॰… ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ॰… གིལཱནཔཙྩཡབྷེསཛྫཔརིཀྑཱརསྶ པཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ། དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… དྭེ ཨསངྑཏཱནཱིཏི? ཨཱམནྟཱ། དྭེ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
ཙཱིཝརསྶ པཏྟི ཨསངྑཏཱ…པེ॰… པིཎྜཔཱཏསྶ…པེ॰… སེནཱསནསྶ…པེ॰… གིལཱནཔཙྩཡབྷེསཛྫཔརིཀྑཱརསྶ པཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ། པཉྩ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… པཉྩ ཨསངྑཏཱནཱིཏི? ཨཱམནྟཱ། པཉྩ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
༨༣༩. པཋམསྶ ཛྷཱནསྶ པཏྟི ཨསངྑཏཱ (ཨེཝཾ སབྦཾ ཝིཏྠཱརེཏབྦཾ) དུཏིཡསྶ ཛྷཱནསྶ… ཏཏིཡསྶ ཛྷཱནསྶ… ཙཏུཏྠསྶ ཛྷཱནསྶ… ཨཱཀཱསཱནཉྩཱཡཏནསྶ… ཝིཉྙཱཎཉྩཱཡཏནསྶ… ཨཱཀིཉྩཉྙཱཡཏནསྶ… ནེཝསཉྙཱནཱསཉྙཱཡཏནསྶ… སོཏཱཔཏྟིམགྒསྶ… སོཏཱཔཏྟིཕལསྶ… སཀདཱགཱམིམགྒསྶ… སཀདཱགཱམིཕལསྶ… ཨནཱགཱམིམགྒསྶ… ཨནཱགཱམིཕལསྶ… ཨརཧཏྟམགྒསྶ… ཨརཧཏྟཕལསྶ པཏྟི ཨསངྑཏཱཏི? ཨཱམནྟཱ། ནིབྦཱནཾ…པེ॰… ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ॰… ཨརཧཏྟཕལསྶ པཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ ། དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… དྭེ ཨསངྑཏཱནཱིཏི? ཨཱམནྟཱ། དྭེ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
སོཏཱཔཏྟིམགྒསྶ པཏྟི ཨསངྑཏཱ… སོཏཱཔཏྟིཕལསྶ པཏྟི ཨསངྑཏཱ… ཨརཧཏྟམགྒསྶ པཏྟི ཨསངྑཏཱ… ཨརཧཏྟཕལསྶ པཏྟི ཨསངྑཏཱ… ནིབྦཱནཾ ཨསངྑཏནྟི? ཨཱམནྟཱ། ནཝ ཨསངྑཏཱནཱིཏི? ན ཧེཝཾ ཝཏྟབྦེ…པེ॰… ནཝ ཨསངྑཏཱནཱིཏི? ཨཱམནྟཱ། ནཝ ཏཱཎཱནི…པེ॰… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
༨༤༠. ན ཝཏྟབྦཾ – པཏྟི ཨསངྑཏཱཏི? ཨཱམནྟཱ། པཏྟི རཱུཔཾ … ཝེདནཱ… སཉྙཱ… སངྑཱརཱ… ཝིཉྙཱཎནྟི? ན ཧེཝཾ ཝཏྟབྦེ། ཏེན ཧི པཏྟི ཨསངྑཏཱཏི།
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
པཏྟིཀཐཱ ནིཊྛིཏཱ།
Pattikathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. པཏྟིཀཐཱཝཎྞནཱ • 4. Pattikathāvaṇṇanā
