| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. பத்திகதா²வண்ணனா
4. Pattikathāvaṇṇanā
837-840. இதா³னி பத்திகதா² நாம ஹோதி. தத்த² ‘‘யங் யங் படிலப்³ப⁴தி, தஸ்ஸ தஸ்ஸ படிலாபோ⁴ பத்தி நாம. ஸா ச அஸங்க²தா’’தி யேஸங் லத்³தி⁴, ஸெய்யதா²பி புப்³ப³ஸேலியானஞ்ஞேவ; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸேஸமிதா⁴பி ஹெட்டா² வுத்தனயத்தா யதா²பாளிமேவ நிய்யாதீதி . ந வத்தப்³ப³ந்திஆதி³ யாய லத்³தி⁴யா பத்தி அஸங்க²தாதி மஞ்ஞதி, தங் பகாஸேதுங் வுத்தங். தத்த² ஸகவாதீ³ ‘‘ந ஹேவங் வத்தப்³பே³’’தி படிக்கி²பந்தோ கேவலங் பத்தியா ரூபாதி³பா⁴வங் ந ஸம்படிச்ச²தி. ந ஹி பத்தி நாம கோசி த⁴ம்மோ அத்தி², ந பன அஸங்க²தபா⁴வங் அனுஜானாதி. இதரோ பன படிக்கே²பமத்தேனேவ அஸங்க²தாதி லத்³தி⁴ங் பதிட்ட²பேதி, ஸா அயோனிஸோ பதிட்டா²பிதத்தா அப்பதிட்டி²தாயேவாதி.
837-840. Idāni pattikathā nāma hoti. Tattha ‘‘yaṃ yaṃ paṭilabbhati, tassa tassa paṭilābho patti nāma. Sā ca asaṅkhatā’’ti yesaṃ laddhi, seyyathāpi pubbaseliyānaññeva; te sandhāya pucchā sakavādissa, paṭiññā itarassa. Sesamidhāpi heṭṭhā vuttanayattā yathāpāḷimeva niyyātīti . Na vattabbantiādi yāya laddhiyā patti asaṅkhatāti maññati, taṃ pakāsetuṃ vuttaṃ. Tattha sakavādī ‘‘na hevaṃ vattabbe’’ti paṭikkhipanto kevalaṃ pattiyā rūpādibhāvaṃ na sampaṭicchati. Na hi patti nāma koci dhammo atthi, na pana asaṅkhatabhāvaṃ anujānāti. Itaro pana paṭikkhepamatteneva asaṅkhatāti laddhiṃ patiṭṭhapeti, sā ayoniso patiṭṭhāpitattā appatiṭṭhitāyevāti.
பத்திகதா²வண்ணனா.
Pattikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (189) 4. பத்திகதா² • (189) 4. Pattikathā
