| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ปฎฺฎิปุปฺผิยเตฺถรอปทานํ
4. Paṭṭipupphiyattheraapadānaṃ
๒๒.
22.
‘‘ยทา นิพฺพายิ สมฺพุโทฺธ, มเหสี ปทุมุตฺตโร;
‘‘Yadā nibbāyi sambuddho, mahesī padumuttaro;
สมาคมฺม ชนา สเพฺพ, สรีรํ นีหรนฺติ เตฯ
Samāgamma janā sabbe, sarīraṃ nīharanti te.
๒๓.
23.
‘‘นีหรเนฺต สรีรมฺหิ, วชฺชมานาสุ เภริสุ;
‘‘Nīharante sarīramhi, vajjamānāsu bherisu;
ปสนฺนจิโตฺต สุมโน, ปฎฺฎิปุปฺผํ อปูชยิํฯ
Pasannacitto sumano, paṭṭipupphaṃ apūjayiṃ.
๒๔.
24.
‘‘สตสหสฺสิโต กเปฺป, ยํ ปุปฺผมภิปูชยิํ;
‘‘Satasahassito kappe, yaṃ pupphamabhipūjayiṃ;
ทุคฺคติํ นาภิชานามิ, สรีรปูชิเต ผลํฯ
Duggatiṃ nābhijānāmi, sarīrapūjite phalaṃ.
๒๕.
25.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๒๖.
26.
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๒๗.
27.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปฎฺฎิปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
ปฎฺฎิปุปฺผิยเตฺถรสฺสาปทานํ จตุตฺถํฯ
Paṭṭipupphiyattherassāpadānaṃ catutthaṃ.
Footnotes:
