| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. පට්‌ටිපුප්‌ඵියත්‌ථෙරඅපදානං
4. Paṭṭipupphiyattheraapadānaṃ
22.
22.
‘‘යදා නිබ්‌බායි සම්‌බුද්‌ධො, මහෙසී පදුමුත්‌තරො;
‘‘Yadā nibbāyi sambuddho, mahesī padumuttaro;
සමාගම්‌ම ජනා සබ්‌බෙ, සරීරං නීහරන්‌ති තෙ.
Samāgamma janā sabbe, sarīraṃ nīharanti te.
23.
23.
‘‘නීහරන්‌තෙ සරීරම්‌හි, වජ්‌ජමානාසු භෙරිසු;
‘‘Nīharante sarīramhi, vajjamānāsu bherisu;
පසන්‌නචිත්‌තො සුමනො, පට්‌ටිපුප්‌ඵං අපූජයිං.
Pasannacitto sumano, paṭṭipupphaṃ apūjayiṃ.
24.
24.
‘‘සතසහස්‌සිතො කප්‌පෙ, යං පුප්‌ඵමභිපූජයිං;
‘‘Satasahassito kappe, yaṃ pupphamabhipūjayiṃ;
දුග්‌ගතිං නාභිජානාමි, සරීරපූජිතෙ ඵලං.
Duggatiṃ nābhijānāmi, sarīrapūjite phalaṃ.
25.
25.
‘‘කිලෙසා ඣාපිතා මය්‌හං, භවා සබ්‌බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
නාගොව බන්‌ධනං ඡෙත්‌වා, විහරාමි අනාසවො.
Nāgova bandhanaṃ chetvā, viharāmi anāsavo.
26.
26.
තිස්‌සො විජ්‌ජා අනුප්‌පත්‌තා, කතං බුද්‌ධස්‌ස සාසනං.
Tisso vijjā anuppattā, kataṃ buddhassa sāsanaṃ.
27.
27.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පට්‌ටිපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
පට්‌ටිපුප්‌ඵියත්‌ථෙරස්‌සාපදානං චතුත්‌ථං.
Paṭṭipupphiyattherassāpadānaṃ catutthaṃ.
Footnotes:
