| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੪. ਪਟ੍ਟਿਪੁਪ੍ਫਿਯਤ੍ਥੇਰਅਪਦਾਨਂ
4. Paṭṭipupphiyattheraapadānaṃ
੨੨.
22.
‘‘ਯਦਾ ਨਿਬ੍ਬਾਯਿ ਸਮ੍ਬੁਦ੍ਧੋ, ਮਹੇਸੀ ਪਦੁਮੁਤ੍ਤਰੋ।
‘‘Yadā nibbāyi sambuddho, mahesī padumuttaro;
ਸਮਾਗਮ੍ਮ ਜਨਾ ਸਬ੍ਬੇ, ਸਰੀਰਂ ਨੀਹਰਨ੍ਤਿ ਤੇ॥
Samāgamma janā sabbe, sarīraṃ nīharanti te.
੨੩.
23.
‘‘ਨੀਹਰਨ੍ਤੇ ਸਰੀਰਮ੍ਹਿ, વਜ੍ਜਮਾਨਾਸੁ ਭੇਰਿਸੁ।
‘‘Nīharante sarīramhi, vajjamānāsu bherisu;
ਪਸਨ੍ਨਚਿਤ੍ਤੋ ਸੁਮਨੋ, ਪਟ੍ਟਿਪੁਪ੍ਫਂ ਅਪੂਜਯਿਂ॥
Pasannacitto sumano, paṭṭipupphaṃ apūjayiṃ.
੨੪.
24.
‘‘ਸਤਸਹਸ੍ਸਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ।
‘‘Satasahassito kappe, yaṃ pupphamabhipūjayiṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਸਰੀਰਪੂਜਿਤੇ ਫਲਂ॥
Duggatiṃ nābhijānāmi, sarīrapūjite phalaṃ.
੨੫.
25.
‘‘ਕਿਲੇਸਾ ਝਾਪਿਤਾ ਮਯ੍ਹਂ, ਭવਾ ਸਬ੍ਬੇ ਸਮੂਹਤਾ।
‘‘Kilesā jhāpitā mayhaṃ, bhavā sabbe samūhatā;
ਨਾਗੋવ ਬਨ੍ਧਨਂ ਛੇਤ੍વਾ, વਿਹਰਾਮਿ ਅਨਾਸવੋ॥
Nāgova bandhanaṃ chetvā, viharāmi anāsavo.
੨੬.
26.
ਤਿਸ੍ਸੋ વਿਜ੍ਜਾ ਅਨੁਪ੍ਪਤ੍ਤਾ, ਕਤਂ ਬੁਦ੍ਧਸ੍ਸ ਸਾਸਨਂ॥
Tisso vijjā anuppattā, kataṃ buddhassa sāsanaṃ.
੨੭.
27.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਪਟ੍ਟਿਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
ਪਟ੍ਟਿਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ।
Paṭṭipupphiyattherassāpadānaṃ catutthaṃ.
Footnotes:
