| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
5. бан̃жамаваг̇г̇о
5. Pañcamavaggo
(51) 9. бадуббаннагат̇аа
(51) 9. Paṭuppannakathā
441. бадуббаннз 1 н̃аан̣ам̣ ад̇т̇ийд̇и? ааманд̇аа. д̇зна н̃аан̣зна д̇ам̣ н̃аан̣ам̣ ж̇аанаад̇ийд̇и? на хзвам̣ вад̇д̇аб̣б̣з…бз… д̇зна н̃аан̣зна д̇ам̣ н̃аан̣ам̣ ж̇аанаад̇ийд̇и? ааманд̇аа. д̇зна н̃аан̣зна д̇ам̣ н̃аан̣ам̣ ‘‘н̃аан̣а’’нд̇и ж̇аанаад̇ийд̇и? на хзвам̣ вад̇д̇аб̣б̣з…бз… д̇зна н̃аан̣зна д̇ам̣ н̃аан̣ам̣ ‘‘н̃аан̣а’’нд̇и ж̇аанаад̇ийд̇и? ааманд̇аа. д̇ам̣ н̃аан̣ам̣ д̇асса н̃аан̣асса аарамман̣анд̇и? на хзвам̣ вад̇д̇аб̣б̣з…бз….
441. Paṭuppanne 2 ñāṇaṃ atthīti? Āmantā. Tena ñāṇena taṃ ñāṇaṃ jānātīti? Na hevaṃ vattabbe…pe… tena ñāṇena taṃ ñāṇaṃ jānātīti? Āmantā. Tena ñāṇena taṃ ñāṇaṃ ‘‘ñāṇa’’nti jānātīti? Na hevaṃ vattabbe…pe… tena ñāṇena taṃ ñāṇaṃ ‘‘ñāṇa’’nti jānātīti? Āmantā. Taṃ ñāṇaṃ tassa ñāṇassa ārammaṇanti? Na hevaṃ vattabbe…pe….
д̇ам̣ н̃аан̣ам̣ д̇асса н̃аан̣асса аарамман̣анд̇и? ааманд̇аа. д̇зна пассзна д̇ам̣ пассам̣ пусад̇и, д̇ааяа взд̣̇анааяа д̇ам̣ взд̣̇анам̣ взд̣̇зд̇и, д̇ааяа сан̃н̃ааяа д̇ам̣ сан̃н̃ам̣ сан̃ж̇аанаад̇и, д̇ааяа жзд̇анааяа д̇ам̣ жзд̇анам̣ жзд̇зд̇и, д̇зна жид̇д̇зна д̇ам̣ жид̇д̇ам̣ жинд̇зд̇и, д̇зна вид̇аггзна д̇ам̣ вид̇аггам̣ вид̇аггзд̇и, д̇зна вижаарзна д̇ам̣ вижаарам̣ вижаарзд̇и, д̇ааяа бийд̇ияаа д̇ам̣ бийд̇им̣ бияааяад̇и, д̇ааяа сад̇ияаа д̇ам̣ сад̇им̣ сарад̇и, д̇ааяа бан̃н̃ааяа д̇ам̣ бан̃н̃ам̣ баж̇аанаад̇и, д̇зна каг̇г̇зна д̇ам̣ каг̇г̇ам̣ чинд̣̇ад̇и, д̇зна парасунаа д̇ам̣ парасум̣ д̇ажчад̇и, д̇ааяа гуд̇хаарияаа д̇ам̣ гуд̇хаарим̣ д̇ажчад̇и, д̇ааяа ваасияаа д̇ам̣ ваасим̣ д̇ажчад̇и, д̇ааяа суужияаа д̇ам̣ суужим̣ сиб̣б̣зд̇и, д̇зна ан̇г̇улаг̇г̇зна д̇ам̣ ан̇г̇улаг̇г̇ам̣ бараамасад̇и, д̇зна наасигаг̇г̇зна д̇ам̣ наасигаг̇г̇ам̣ бараамасад̇и, д̇зна мад̇т̇агзна д̇ам̣ мад̇т̇агам̣ бараамасад̇и, д̇зна г̇уут̇зна д̇ам̣ г̇уут̇ам̣ д̇ховад̇и, д̇зна муд̇д̇зна д̇ам̣ муд̇д̇ам̣ д̇ховад̇и, д̇зна кзл̣зна д̇ам̣ кзл̣ам̣ д̇ховад̇и, д̇зна буб̣б̣зна д̇ам̣ буб̣б̣ам̣ д̇ховад̇и, д̇зна лохид̇зна д̇ам̣ лохид̇ам̣ д̇ховад̇ийд̇и? на хзвам̣ вад̇д̇аб̣б̣з …бз….
Taṃ ñāṇaṃ tassa ñāṇassa ārammaṇanti? Āmantā. Tena phassena taṃ phassaṃ phusati, tāya vedanāya taṃ vedanaṃ vedeti, tāya saññāya taṃ saññaṃ sañjānāti, tāya cetanāya taṃ cetanaṃ ceteti, tena cittena taṃ cittaṃ cinteti, tena vitakkena taṃ vitakkaṃ vitakketi, tena vicārena taṃ vicāraṃ vicāreti, tāya pītiyā taṃ pītiṃ piyāyati, tāya satiyā taṃ satiṃ sarati, tāya paññāya taṃ paññaṃ pajānāti, tena khaggena taṃ khaggaṃ chindati, tena pharasunā taṃ pharasuṃ tacchati, tāya kudhāriyā taṃ kudhāriṃ tacchati, tāya vāsiyā taṃ vāsiṃ tacchati, tāya sūciyā taṃ sūciṃ sibbeti, tena aṅgulaggena taṃ aṅgulaggaṃ parāmasati, tena nāsikaggena taṃ nāsikaggaṃ parāmasati, tena matthakena taṃ matthakaṃ parāmasati, tena gūthena taṃ gūthaṃ dhovati, tena muttena taṃ muttaṃ dhovati, tena kheḷena taṃ kheḷaṃ dhovati, tena pubbena taṃ pubbaṃ dhovati, tena lohitena taṃ lohitaṃ dhovatīti? Na hevaṃ vattabbe …pe….
442. на вад̇д̇аб̣б̣ам̣ – ‘‘бадуббаннз н̃аан̣ам̣ ад̇т̇ий’’д̇и? ааманд̇аа. нану саб̣б̣асан̇каарз анижжад̇о д̣̇идтз д̇амби н̃аан̣ам̣ анижжад̇о д̣̇идтам̣ ход̇ийд̇и? ааманд̇аа. хан̃жи саб̣б̣асан̇каарз анижжад̇о д̣̇идтз д̇амби н̃аан̣ам̣ анижжад̇о д̣̇идтам̣ ход̇и, д̇зна вад̇а рз вад̇д̇аб̣б̣з – ‘‘бадуббаннз н̃аан̣ам̣ ад̇т̇ий’’д̇и.
442. Na vattabbaṃ – ‘‘paṭuppanne ñāṇaṃ atthī’’ti? Āmantā. Nanu sabbasaṅkhāre aniccato diṭṭhe tampi ñāṇaṃ aniccato diṭṭhaṃ hotīti? Āmantā. Hañci sabbasaṅkhāre aniccato diṭṭhe tampi ñāṇaṃ aniccato diṭṭhaṃ hoti, tena vata re vattabbe – ‘‘paṭuppanne ñāṇaṃ atthī’’ti.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 9. бадуббаннан̃аан̣агат̇ааван̣н̣анаа • 9. Paṭuppannañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. бадуббаннан̃аан̣агат̇ааван̣н̣анаа • 9. Paṭuppannañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. бадуббаннан̃аан̣агат̇ааван̣н̣анаа • 9. Paṭuppannañāṇakathāvaṇṇanā
