| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๕. ปญฺจมวโคฺค
5. Pañcamavaggo
(๕๑) ๙. ปฎุปฺปนฺนกถา
(51) 9. Paṭuppannakathā
๔๔๑. ปฎุปฺปเนฺน 1 ญาณํ อตฺถีติ? อามนฺตาฯ เตน ญาเณน ตํ ญาณํ ชานาตีติ? น เหวํ วตฺตเพฺพ…เป.… เตน ญาเณน ตํ ญาณํ ชานาตีติ? อามนฺตาฯ เตน ญาเณน ตํ ญาณํ ‘‘ญาณ’’นฺติ ชานาตีติ? น เหวํ วตฺตเพฺพ…เป.… เตน ญาเณน ตํ ญาณํ ‘‘ญาณ’’นฺติ ชานาตีติ? อามนฺตาฯ ตํ ญาณํ ตสฺส ญาณสฺส อารมฺมณนฺติ? น เหวํ วตฺตเพฺพ…เป.…ฯ
441. Paṭuppanne 2 ñāṇaṃ atthīti? Āmantā. Tena ñāṇena taṃ ñāṇaṃ jānātīti? Na hevaṃ vattabbe…pe… tena ñāṇena taṃ ñāṇaṃ jānātīti? Āmantā. Tena ñāṇena taṃ ñāṇaṃ ‘‘ñāṇa’’nti jānātīti? Na hevaṃ vattabbe…pe… tena ñāṇena taṃ ñāṇaṃ ‘‘ñāṇa’’nti jānātīti? Āmantā. Taṃ ñāṇaṃ tassa ñāṇassa ārammaṇanti? Na hevaṃ vattabbe…pe….
ตํ ญาณํ ตสฺส ญาณสฺส อารมฺมณนฺติ? อามนฺตาฯ เตน ผเสฺสน ตํ ผสฺสํ ผุสติ, ตาย เวทนาย ตํ เวทนํ เวเทติ, ตาย สญฺญาย ตํ สญฺญํ สญฺชานาติ, ตาย เจตนาย ตํ เจตนํ เจเตติ, เตน จิเตฺตน ตํ จิตฺตํ จิเนฺตติ, เตน วิตเกฺกน ตํ วิตกฺกํ วิตเกฺกติ, เตน วิจาเรน ตํ วิจารํ วิจาเรติ, ตาย ปีติยา ตํ ปีติํ ปิยายติ, ตาย สติยา ตํ สติํ สรติ, ตาย ปญฺญาย ตํ ปญฺญํ ปชานาติ, เตน ขเคฺคน ตํ ขคฺคํ ฉินฺทติ, เตน ผรสุนา ตํ ผรสุํ ตจฺฉติ, ตาย กุธาริยา ตํ กุธาริํ ตจฺฉติ, ตาย วาสิยา ตํ วาสิํ ตจฺฉติ, ตาย สูจิยา ตํ สูจิํ สิเพฺพติ, เตน องฺคุลเคฺคน ตํ องฺคุลคฺคํ ปรามสติ, เตน นาสิกเคฺคน ตํ นาสิกคฺคํ ปรามสติ, เตน มตฺถเกน ตํ มตฺถกํ ปรามสติ, เตน คูเถน ตํ คูถํ โธวติ, เตน มุเตฺตน ตํ มุตฺตํ โธวติ, เตน เขเฬน ตํ เขฬํ โธวติ, เตน ปุเพฺพน ตํ ปุพฺพํ โธวติ, เตน โลหิเตน ตํ โลหิตํ โธวตีติ? น เหวํ วตฺตเพฺพ …เป.…ฯ
Taṃ ñāṇaṃ tassa ñāṇassa ārammaṇanti? Āmantā. Tena phassena taṃ phassaṃ phusati, tāya vedanāya taṃ vedanaṃ vedeti, tāya saññāya taṃ saññaṃ sañjānāti, tāya cetanāya taṃ cetanaṃ ceteti, tena cittena taṃ cittaṃ cinteti, tena vitakkena taṃ vitakkaṃ vitakketi, tena vicārena taṃ vicāraṃ vicāreti, tāya pītiyā taṃ pītiṃ piyāyati, tāya satiyā taṃ satiṃ sarati, tāya paññāya taṃ paññaṃ pajānāti, tena khaggena taṃ khaggaṃ chindati, tena pharasunā taṃ pharasuṃ tacchati, tāya kudhāriyā taṃ kudhāriṃ tacchati, tāya vāsiyā taṃ vāsiṃ tacchati, tāya sūciyā taṃ sūciṃ sibbeti, tena aṅgulaggena taṃ aṅgulaggaṃ parāmasati, tena nāsikaggena taṃ nāsikaggaṃ parāmasati, tena matthakena taṃ matthakaṃ parāmasati, tena gūthena taṃ gūthaṃ dhovati, tena muttena taṃ muttaṃ dhovati, tena kheḷena taṃ kheḷaṃ dhovati, tena pubbena taṃ pubbaṃ dhovati, tena lohitena taṃ lohitaṃ dhovatīti? Na hevaṃ vattabbe …pe….
๔๔๒. น วตฺตพฺพํ – ‘‘ปฎุปฺปเนฺน ญาณํ อตฺถี’’ติ? อามนฺตาฯ นนุ สพฺพสงฺขาเร อนิจฺจโต ทิเฎฺฐ ตมฺปิ ญาณํ อนิจฺจโต ทิฎฺฐํ โหตีติ? อามนฺตาฯ หญฺจิ สพฺพสงฺขาเร อนิจฺจโต ทิเฎฺฐ ตมฺปิ ญาณํ อนิจฺจโต ทิฎฺฐํ โหติ, เตน วต เร วตฺตเพฺพ – ‘‘ปฎุปฺปเนฺน ญาณํ อตฺถี’’ติฯ
442. Na vattabbaṃ – ‘‘paṭuppanne ñāṇaṃ atthī’’ti? Āmantā. Nanu sabbasaṅkhāre aniccato diṭṭhe tampi ñāṇaṃ aniccato diṭṭhaṃ hotīti? Āmantā. Hañci sabbasaṅkhāre aniccato diṭṭhe tampi ñāṇaṃ aniccato diṭṭhaṃ hoti, tena vata re vattabbe – ‘‘paṭuppanne ñāṇaṃ atthī’’ti.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. ปฎุปฺปนฺนญาณกถาวณฺณนา • 9. Paṭuppannañāṇakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. ปฎุปฺปนฺนญาณกถาวณฺณนา • 9. Paṭuppannañāṇakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. ปฎุปฺปนฺนญาณกถาวณฺณนา • 9. Paṭuppannañāṇakathāvaṇṇanā
