| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
9. படுப்பன்னஞாணகதா²வண்ணனா
9. Paṭuppannañāṇakathāvaṇṇanā
441-442. இதா³னி படுப்பன்னஞாணகதா² நாம ஹோதி. தத்த² யேஸங் ‘‘ஸப்³ப³ஸங்கா²ரேஸு அனிச்சதோ தி³ட்டே²ஸு தம்பி ஞாணங் அனிச்சதோ தி³ட்ட²ங் ஹோதீ’’தி வசனங் நிஸ்ஸாய ‘‘அவிஸேஸேன ஸப்³ப³ஸ்மிங் பச்சுப்பன்னே ஞாணங் அத்தீ²’’தி லத்³தி⁴, ஸெய்யதா²பி அந்த⁴கானங்; தே ஸந்தா⁴ய படுப்பன்னேதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ அவிஸேஸேன படுப்பன்னே ஞாணங் அத்தி², க²ணபச்சுப்பன்னேபி தேன ப⁴விதப்³ப³ங். ஏவங் ஸந்தே த்³வின்னங் ஞாணானங் ஏகதோ அபா⁴வா தேனேவ ஞாணேன தங் ஜானிதப்³ப³ங் ஹோதீ’’தி சோத³னத்த²ங் தேனாதி அனுயோகோ³ ஸகவாதி³ஸ்ஸ. தத்த² பட²மபஞ்ஹே தேனேவ தங் ஜானிதுங் ந ஸக்காதி படிக்கே²போ இதரஸ்ஸ. து³தியபஞ்ஹே ஸந்ததிங் ஸந்தா⁴ய படிஞ்ஞா தஸ்ஸேவ. படிபாடிதோ ப⁴ங்க³ங் பஸ்ஸந்தோ ப⁴ங்கா³னுபஸ்ஸனேனேவ ப⁴ங்கா³னுபஸ்ஸனாஞாணங் பஸ்ஸதீதி அதி⁴ப்பாயோ. தேன ஞாணேன தங் ஞாணங் ஜானாதீதிஆதீ³ஸுபி ஏஸேவ நயோ. தேன ப²ஸ்ஸேன தங் ப²ஸ்ஸந்திஆதீ³னிஸ்ஸ லேஸோகாஸனிவாரணத்த²ங் வுத்தானி . யங் பனேதேன லத்³தி⁴பதிட்டா²பனத்த²ங் நனு ஸப்³ப³ஸங்கா²ரேதிஆதி³ வுத்தங். தத்த² நயதோ தங் ஞாணங் தி³ட்ட²ங் ஹோதி, ந ஆரம்மணதோதி அதி⁴ப்பாயேன படிஞ்ஞா ஸகவாதி³ஸ்ஸ. தஸ்மா ஏவங் பதிட்டி²தாபிஸ்ஸ லத்³தி⁴ அப்பதிட்டி²தாவ ஹோதி.
441-442. Idāni paṭuppannañāṇakathā nāma hoti. Tattha yesaṃ ‘‘sabbasaṅkhāresu aniccato diṭṭhesu tampi ñāṇaṃ aniccato diṭṭhaṃ hotī’’ti vacanaṃ nissāya ‘‘avisesena sabbasmiṃ paccuppanne ñāṇaṃ atthī’’ti laddhi, seyyathāpi andhakānaṃ; te sandhāya paṭuppanneti pucchā sakavādissa, paṭiññā itarassa. Atha naṃ ‘‘yadi avisesena paṭuppanne ñāṇaṃ atthi, khaṇapaccuppannepi tena bhavitabbaṃ. Evaṃ sante dvinnaṃ ñāṇānaṃ ekato abhāvā teneva ñāṇena taṃ jānitabbaṃ hotī’’ti codanatthaṃ tenāti anuyogo sakavādissa. Tattha paṭhamapañhe teneva taṃ jānituṃ na sakkāti paṭikkhepo itarassa. Dutiyapañhe santatiṃ sandhāya paṭiññā tasseva. Paṭipāṭito bhaṅgaṃ passanto bhaṅgānupassaneneva bhaṅgānupassanāñāṇaṃ passatīti adhippāyo. Tena ñāṇena taṃ ñāṇaṃ jānātītiādīsupi eseva nayo. Tena phassena taṃ phassantiādīnissa lesokāsanivāraṇatthaṃ vuttāni . Yaṃ panetena laddhipatiṭṭhāpanatthaṃ nanu sabbasaṅkhāretiādi vuttaṃ. Tattha nayato taṃ ñāṇaṃ diṭṭhaṃ hoti, na ārammaṇatoti adhippāyena paṭiññā sakavādissa. Tasmā evaṃ patiṭṭhitāpissa laddhi appatiṭṭhitāva hoti.
படுப்பன்னஞாணகதா²வண்ணனா.
Paṭuppannañāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (51) 9. படுப்பன்னகதா² • (51) 9. Paṭuppannakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. படுப்பன்னஞாணகதா²வண்ணனா • 9. Paṭuppannañāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. படுப்பன்னஞாணகதா²வண்ணனா • 9. Paṭuppannañāṇakathāvaṇṇanā
