| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. бадуббаннан̃аан̣агат̇ааван̣н̣анаа
9. Paṭuppannañāṇakathāvaṇṇanā
441-442. ид̣̇аани бадуббаннан̃аан̣агат̇аа наама ход̇и. д̇ад̇т̇а язсам̣ ‘‘саб̣б̣асан̇каарзсу анижжад̇о д̣̇идтзсу д̇амби н̃аан̣ам̣ анижжад̇о д̣̇идтам̣ ход̇ий’’д̇и важанам̣ ниссааяа ‘‘ависзсзна саб̣б̣асмим̣ бажжуббаннз н̃аан̣ам̣ ад̇т̇ий’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа бадуббаннзд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и ависзсзна бадуббаннз н̃аан̣ам̣ ад̇т̇и, кан̣абажжуббаннзби д̇зна бхавид̇аб̣б̣ам̣. звам̣ санд̇з д̣̇виннам̣ н̃аан̣аанам̣ згад̇о абхааваа д̇знзва н̃аан̣зна д̇ам̣ ж̇аанид̇аб̣б̣ам̣ ход̇ий’’д̇и жод̣̇анад̇т̇ам̣ д̇знаад̇и ануяог̇о сагаваад̣̇исса. д̇ад̇т̇а батамабан̃хз д̇знзва д̇ам̣ ж̇аанид̇ум̣ на саггаад̇и бадигкзбо ид̇арасса. д̣̇уд̇ияабан̃хз санд̇ад̇им̣ санд̇хааяа бадин̃н̃аа д̇ассзва. бадибаадид̇о бхан̇г̇ам̣ бассанд̇о бхан̇г̇аанубассанзнзва бхан̇г̇аанубассанаан̃аан̣ам̣ бассад̇ийд̇и ад̇хиббааяо. д̇зна н̃аан̣зна д̇ам̣ н̃аан̣ам̣ ж̇аанаад̇ийд̇иаад̣̇ийсуби зсзва наяо. д̇зна пассзна д̇ам̣ пассанд̇иаад̣̇ийнисса лзсогаасанивааран̣ад̇т̇ам̣ вуд̇д̇аани . яам̣ банзд̇зна лад̣̇д̇хибад̇идтаабанад̇т̇ам̣ нану саб̣б̣асан̇каарзд̇иаад̣̇и вуд̇д̇ам̣. д̇ад̇т̇а наяад̇о д̇ам̣ н̃аан̣ам̣ д̣̇идтам̣ ход̇и, на аарамман̣ад̇од̇и ад̇хиббааязна бадин̃н̃аа сагаваад̣̇исса. д̇асмаа звам̣ бад̇идтид̇аабисса лад̣̇д̇хи аббад̇идтид̇аава ход̇и.
441-442. Idāni paṭuppannañāṇakathā nāma hoti. Tattha yesaṃ ‘‘sabbasaṅkhāresu aniccato diṭṭhesu tampi ñāṇaṃ aniccato diṭṭhaṃ hotī’’ti vacanaṃ nissāya ‘‘avisesena sabbasmiṃ paccuppanne ñāṇaṃ atthī’’ti laddhi, seyyathāpi andhakānaṃ; te sandhāya paṭuppanneti pucchā sakavādissa, paṭiññā itarassa. Atha naṃ ‘‘yadi avisesena paṭuppanne ñāṇaṃ atthi, khaṇapaccuppannepi tena bhavitabbaṃ. Evaṃ sante dvinnaṃ ñāṇānaṃ ekato abhāvā teneva ñāṇena taṃ jānitabbaṃ hotī’’ti codanatthaṃ tenāti anuyogo sakavādissa. Tattha paṭhamapañhe teneva taṃ jānituṃ na sakkāti paṭikkhepo itarassa. Dutiyapañhe santatiṃ sandhāya paṭiññā tasseva. Paṭipāṭito bhaṅgaṃ passanto bhaṅgānupassaneneva bhaṅgānupassanāñāṇaṃ passatīti adhippāyo. Tena ñāṇena taṃ ñāṇaṃ jānātītiādīsupi eseva nayo. Tena phassena taṃ phassantiādīnissa lesokāsanivāraṇatthaṃ vuttāni . Yaṃ panetena laddhipatiṭṭhāpanatthaṃ nanu sabbasaṅkhāretiādi vuttaṃ. Tattha nayato taṃ ñāṇaṃ diṭṭhaṃ hoti, na ārammaṇatoti adhippāyena paṭiññā sakavādissa. Tasmā evaṃ patiṭṭhitāpissa laddhi appatiṭṭhitāva hoti.
бадуббаннан̃аан̣агат̇ааван̣н̣анаа.
Paṭuppannañāṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (51) 9. бадуббаннагат̇аа • (51) 9. Paṭuppannakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. бадуббаннан̃аан̣агат̇ааван̣н̣анаа • 9. Paṭuppannañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. бадуббаннан̃аан̣агат̇ааван̣н̣анаа • 9. Paṭuppannañāṇakathāvaṇṇanā
