| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੯. ਪਟੁਪ੍ਪਨ੍ਨਞਾਣਕਥਾવਣ੍ਣਨਾ
9. Paṭuppannañāṇakathāvaṇṇanā
੪੪੧-੪੪੨. ਇਦਾਨਿ ਪਟੁਪ੍ਪਨ੍ਨਞਾਣਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਸਬ੍ਬਸਙ੍ਖਾਰੇਸੁ ਅਨਿਚ੍ਚਤੋ ਦਿਟ੍ਠੇਸੁ ਤਮ੍ਪਿ ਞਾਣਂ ਅਨਿਚ੍ਚਤੋ ਦਿਟ੍ਠਂ ਹੋਤੀ’’ਤਿ વਚਨਂ ਨਿਸ੍ਸਾਯ ‘‘ਅવਿਸੇਸੇਨ ਸਬ੍ਬਸ੍ਮਿਂ ਪਚ੍ਚੁਪ੍ਪਨ੍ਨੇ ਞਾਣਂ ਅਤ੍ਥੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪਟੁਪ੍ਪਨ੍ਨੇਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਅવਿਸੇਸੇਨ ਪਟੁਪ੍ਪਨ੍ਨੇ ਞਾਣਂ ਅਤ੍ਥਿ, ਖਣਪਚ੍ਚੁਪ੍ਪਨ੍ਨੇਪਿ ਤੇਨ ਭવਿਤਬ੍ਬਂ। ਏવਂ ਸਨ੍ਤੇ ਦ੍વਿਨ੍ਨਂ ਞਾਣਾਨਂ ਏਕਤੋ ਅਭਾવਾ ਤੇਨੇવ ਞਾਣੇਨ ਤਂ ਜਾਨਿਤਬ੍ਬਂ ਹੋਤੀ’’ਤਿ ਚੋਦਨਤ੍ਥਂ ਤੇਨਾਤਿ ਅਨੁਯੋਗੋ ਸਕવਾਦਿਸ੍ਸ। ਤਤ੍ਥ ਪਠਮਪਞ੍ਹੇ ਤੇਨੇવ ਤਂ ਜਾਨਿਤੁਂ ਨ ਸਕ੍ਕਾਤਿ ਪਟਿਕ੍ਖੇਪੋ ਇਤਰਸ੍ਸ। ਦੁਤਿਯਪਞ੍ਹੇ ਸਨ੍ਤਤਿਂ ਸਨ੍ਧਾਯ ਪਟਿਞ੍ਞਾ ਤਸ੍ਸੇવ। ਪਟਿਪਾਟਿਤੋ ਭਙ੍ਗਂ ਪਸ੍ਸਨ੍ਤੋ ਭਙ੍ਗਾਨੁਪਸ੍ਸਨੇਨੇવ ਭਙ੍ਗਾਨੁਪਸ੍ਸਨਾਞਾਣਂ ਪਸ੍ਸਤੀਤਿ ਅਧਿਪ੍ਪਾਯੋ। ਤੇਨ ਞਾਣੇਨ ਤਂ ਞਾਣਂ ਜਾਨਾਤੀਤਿਆਦੀਸੁਪਿ ਏਸੇવ ਨਯੋ। ਤੇਨ ਫਸ੍ਸੇਨ ਤਂ ਫਸ੍ਸਨ੍ਤਿਆਦੀਨਿਸ੍ਸ ਲੇਸੋਕਾਸਨਿવਾਰਣਤ੍ਥਂ વੁਤ੍ਤਾਨਿ । ਯਂ ਪਨੇਤੇਨ ਲਦ੍ਧਿਪਤਿਟ੍ਠਾਪਨਤ੍ਥਂ ਨਨੁ ਸਬ੍ਬਸਙ੍ਖਾਰੇਤਿਆਦਿ વੁਤ੍ਤਂ। ਤਤ੍ਥ ਨਯਤੋ ਤਂ ਞਾਣਂ ਦਿਟ੍ਠਂ ਹੋਤਿ, ਨ ਆਰਮ੍ਮਣਤੋਤਿ ਅਧਿਪ੍ਪਾਯੇਨ ਪਟਿਞ੍ਞਾ ਸਕવਾਦਿਸ੍ਸ। ਤਸ੍ਮਾ ਏવਂ ਪਤਿਟ੍ਠਿਤਾਪਿਸ੍ਸ ਲਦ੍ਧਿ ਅਪ੍ਪਤਿਟ੍ਠਿਤਾવ ਹੋਤਿ।
441-442. Idāni paṭuppannañāṇakathā nāma hoti. Tattha yesaṃ ‘‘sabbasaṅkhāresu aniccato diṭṭhesu tampi ñāṇaṃ aniccato diṭṭhaṃ hotī’’ti vacanaṃ nissāya ‘‘avisesena sabbasmiṃ paccuppanne ñāṇaṃ atthī’’ti laddhi, seyyathāpi andhakānaṃ; te sandhāya paṭuppanneti pucchā sakavādissa, paṭiññā itarassa. Atha naṃ ‘‘yadi avisesena paṭuppanne ñāṇaṃ atthi, khaṇapaccuppannepi tena bhavitabbaṃ. Evaṃ sante dvinnaṃ ñāṇānaṃ ekato abhāvā teneva ñāṇena taṃ jānitabbaṃ hotī’’ti codanatthaṃ tenāti anuyogo sakavādissa. Tattha paṭhamapañhe teneva taṃ jānituṃ na sakkāti paṭikkhepo itarassa. Dutiyapañhe santatiṃ sandhāya paṭiññā tasseva. Paṭipāṭito bhaṅgaṃ passanto bhaṅgānupassaneneva bhaṅgānupassanāñāṇaṃ passatīti adhippāyo. Tena ñāṇena taṃ ñāṇaṃ jānātītiādīsupi eseva nayo. Tena phassena taṃ phassantiādīnissa lesokāsanivāraṇatthaṃ vuttāni . Yaṃ panetena laddhipatiṭṭhāpanatthaṃ nanu sabbasaṅkhāretiādi vuttaṃ. Tattha nayato taṃ ñāṇaṃ diṭṭhaṃ hoti, na ārammaṇatoti adhippāyena paṭiññā sakavādissa. Tasmā evaṃ patiṭṭhitāpissa laddhi appatiṭṭhitāva hoti.
ਪਟੁਪ੍ਪਨ੍ਨਞਾਣਕਥਾવਣ੍ਣਨਾ।
Paṭuppannañāṇakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੫੧) ੯. ਪਟੁਪ੍ਪਨ੍ਨਕਥਾ • (51) 9. Paṭuppannakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਪਟੁਪ੍ਪਨ੍ਨਞਾਣਕਥਾવਣ੍ਣਨਾ • 9. Paṭuppannañāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੯. ਪਟੁਪ੍ਪਨ੍ਨਞਾਣਕਥਾવਣ੍ਣਨਾ • 9. Paṭuppannañāṇakathāvaṇṇanā
